<p><span style="color: #000000;">ព័ត៌មានអន្តរជាតិ ៖ បុរសជាឪពុក រស់នៅក្នុងរដ្ឋ Georgia សហរដ្ឋអាមេរិក ត្រូវបាន ចាប់ឃាត់ខ្លួន និង រងការចោទប្រកាន់ ដោយនឹងមានការផ្តន្ទាទោស ទៅតាមផ្លូវច្បាប់ បន្ទាប់ពីសម្លាប់កូន ប្រុសតូច របស់ ខ្លួនដោយអចេតនា ដោយភ្លេចគេនៅក្នុងរថយន្ត កំដៅក្តៅ រយៈពេលដល់ទៅ ៧ ម៉ោងពេញនេះបើតាម ការដកស្រង់ អត្ថបទផ្សាយ ពីគេហទំព័រសារព័ត៌មាន ប៊ីប៊ីស៊ី ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/5/03-05-09-2014--09-39-48.jpg"><img src="/FileManager/Articles/mce/2014/9/5/03-05-09-2014--09-39-48.jpg" alt="" /></a><br /></span></p>
<p><span style="color: #000000;">លោក Justin Ross Harris ត្រូវបានចាប់ឃាត់ខ្លួន ដោយរងការចោទប្រកាន់ ក្នុងនោះ រួមមានដូចជាបទ ឧក្រិដ្ឋករណីឃាតកម្ម គំនិតព្យាបាទ ស្របពេលដែលព្រះរាជអាជ្ញាបានចោទប្រកាន់ ថា គាត់បានចាក ចេញឆ្ងាយអំពីកូនប្រុសតូច វ័យទើបតែ ២២ ខែ ដល់ទៅ ៧ ម៉ោង រហូតដល់ស្លាប់ ដោយចេតនា ។ </span></p>
<p><span style="color: #000000;">ក្មេងប្រុសតូច វ័យទើបតែបាន ២២ ខែបានស្លាប់បាត់បង់ជីវិត ដោយសារតែទទួលរង នូវ កំដៅក្តៅរយៈ ពេលយូរ ស្របពេលដែល សីតុណ្ហភាពនៅខាងក្រៅរថយន្ត បានកើនកំដៅដល់ទៅ ៣២ អង្សាឯណោះ</span></p>
<p><span style="color: #000000;">ដោយឡែក មេធាវីការពារក្តី លោក Harris អះអាងអោយដឹងថាករណីស្លាប់កូនតូចរូបនេះគឺជារឿងមួយ ដ៏គួរអោយសោកស្តាយ ជាទីបំផុត ពោលអាចកើតឡើងទៅបាន បន្ទាប់ពី បុរសជាឪពុក មានការធ្វេស ប្រហែសភ្លេចកូនតូច នៅក្នុងរថយន្ត អស់រយៈពេល ជា ច្រើនម៉ោង ។ ជនជាប់ចោទ បានផ្តល់ជាកិច្ច សម្ភាសន៍ដល់មន្រ្តីប៉ូលីសអោយដឹងថា គាត់មានបំណងយកកូនតូចទៅទម្លាក់ នៅ ឯកន្លែងមើលក្មេង តែដឹងអីថា គាត់បែរជាបើករថយន្ត ទៅធ្វើការ ជំនួសវិញ រួចក៏បានភ្លេចកូនតូច នៅ ឯ កៅអីក្រោយ ក្នុង រថយន្តផ្ទាល់តែម្តង ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/5/04-05-09-2014--09-39-57.jpg"><img src="/FileManager/Articles/mce/2014/9/5/04-05-09-2014--09-39-57.jpg" alt="" /></a><br /></span></p>
<p><span style="color: #000000;">មិនត្រឹមតែប៉ុណ្ណោះ ការចោទប្រកាន់ ក៏ត្រូវបានធ្វើឡើង បន្ទាប់ពីបានរកឃើញ លោក Harris មានការ ផ្សព្វផ្សាយ នូវហានិភ័យ អវិជ្ជមានដល់និតិជន ក៏ដូចជា ស្នើនូវរូបអាក្រាតកាយ ពីយុវតីវ័យក្មេងជាដើម</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>