<div class="article-content">
<p><strong>បាងកក៖</strong> តំណាងរាស្រ្តបក្សប្រឆាំងម្នាក់ថៃ បានប្រើអំពើហិង្សា លើកកៅអីបោកកំទេចចោល<br /> ក្នុងកិច្ចប្រជុំសភា ព្រោះមិនពេញចិត្ត នឹងតំណាងរាស្រ្តបក្សភឿថៃ ស្នើឲ្យប្រធានសភាបិទកិច្ច<br />ប្រជុំ។</p>
<p>យោងតាមគេហទំព័រ Thai News នៅថ្ងៃ សុក្រ ទី ៦ ខែ កញ្ញា ឆ្នាំ ២០១៣ នេះបានឲ្យដឹងថា <br />សភាថៃបានបើកិច្ចប្រជុំពិភាក្សាស្តីពី តម្លៃផលិតផលកសិកម្ម មានការធ្លាក់ចុះ រួមទាំងតម្លៃ<br />ពលកម្ម និង មុខទំនិញឡើងថ្លៃ កាលពីថ្ងៃ ព្រហស្បត្តិ៍ មិ្សលមិញនេះ មានហេតុការណ៍គួរឲ្យ<br />ភ្ញាក់ផ្អើលមួយ បានកើតឡើងនាអំឡុង ការលើកឡើងនូវហេតុផលនីមួយៗ របស់សមាជិក<br />សភា ស្រាប់តែលោក ឆេន ធឿកសុបាន សមាជិកតំណាងរាស្រ្ត បក្សប្រជាធិបតេយ្យ (បក្ស<br />ប្រឆាំងថៃ) ដែលគេស្គាល់ថាប្អូនប្រុស របស់ លោក សុថេប ធឿកសុបាន អតីតឧបនាយករដ្ឋ<br />មន្រ្តី បានបញ្ចេញកំហឹងទាញកៅអី បោកកំទេចចោល ដោយសារតែខ្លួនមិនពេញចិត្ត នឹង<br />លោក ផាយ៉ាប់ ប៉ាន់កេត តំណាងរាស្រ្តបក្សភឿថៃ (បក្សដឹកនាំរដ្ឋាភិបាល) ស្នើឲ្យប្រធាន<br />សភាបិទការប្រជុំ ព្រោះបក្សប្រឆាំងបានសម្តែង អាកប្បកិរិយាមិនសមរម្យ នៅពេលបក<br />ស្រាយប្រធានបទខាងលើ។</p>
<p>គួរបញ្ជាក់ផងដែរថា នេះមិនមែនជាលើកទីមួយទេ ដែលសមាជិកតំណាងរាស្រ្តបក្ស បាន<br />បញ្ចេញកាយវិកា មិនសមរម្យក្នុងអង្គប្រជុំសភា ដូចជា ទាញកៅអីប្រធានសភា គប់ឯកសារ <br />រហូតផ្ទុះអំពើហិង្សា បង្ករបួសស្នាមថែមទៀតផង ករណីទាំងអស់នេះ មិនដែលឃើញលោក<br /> អាប់ភិស៊ីត វេចាជីវ៉ា ប្រធានបក្សប្រឆាំងចេញមុខ ទទួលខុសត្រូវម្តងណាឡើយ ផ្ទយទៅវិញ<br />លោក អាប់ស៊ីត បានអះអាងថា ព្រមធ្វើគ្រប់វិធីសាស្រ្ត ដើម្បីរារាំងមិនឱ្យ បក្សកាន់អំណាច <br />សម្រេចនូវនយោបាយរបស់ខ្លួន ជាអ្វីដែលលោកចាត់ទុកថា នាំឲ្យបាត់បង់ប្រយោជន៍ជាតិ៕</p>
<p><span style="color: #000000;">តាមដានព័ត៌មានអន្តរជាតិ ដែលកើតមានឡើងជុំវិញ ពិភពលោក ជាច្រើនទៀត</span><br /><a href="/News/Category/124/international%20news"><span style="color: #0000ff;">សូមចុចត្រង់នេះ !!!</span></a></p>
<p style="text-align: center;"><img src="http://image.dap-news.com:81/dap-news/dap-images/2013/September/id-030/Kosal-0034.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>