<p><span style="color: #000000;">ព័ត៌មានអន្តរជាតិ ៖ កងទ័ពជើងទឹក ប្រទេស អ៊ីតាលី អោយដឹងថា ពួកគេបានរកឃើញ បំណែកទូក ដែលបានលិចនោះនៅក្រោមទឹក ក្រោយពីបានផ្ទុក ក្រុម ជនអន្តោប្រវេសន៍ លើសចំណុះ រហូតបាន បណ្តាលអោយក្រឡាប់លិច នៅឈូងសមុទ្រ ប្រទេស ល៊ីប៊ី សម្លាប់មនុស្សរាប់រយនាក់ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/9/60-09-05-2015--11-05-56.jpg"><img src="/FileManager/Articles/mce/2015/5/9/60-09-05-2015--11-05-56.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា ទូកធំ ផ្ទុកចម្រុះ ជនអន្តោប្រវេសន៍ លើស ចំណុះមួយគ្រឿង បានក្រឡាប់លិច កាលពីថ្ងៃទី ១៩ មេសា កន្លងទៅ ខណៈ គ្រោះថ្នាក់លើកនេះ គឺជា សោកនាដកម្ម អាក្រក់បំផុត ដែលអ៊ឺរ៉ុប កំពុងតែមានបញ្ហាប្រឈម ។ រាប់ពាន់នាក់ នៃជនអន្តោប្រវេសន៍ ខុសច្បាប់ បានព្យាយាមភៀសខ្លួនចេញពីប្រទេស កំពុងកើតមានសង្គ្រាម ពីតំបន់ មជ្ឈឹមបូពាហ៍និងទ្វីបអាហ្រ្វិក ដោយធ្វើដំណើរ ទាំងហានិភ័យតាមផ្លូវទឹក ឆ្ពោះទៅកាន់បណ្តាប្រទេស តំបន់អ៊ឺរ៉ុប ។ កងទ័ពជើងទឹក អ៊ីតាលី ប៉ាន់ប្រមាណអោយដឹងថា ជនអន្តោប្រវេសន៍ ប្រមាណ ៨០០ នាក់ បានស្លាប់ នៅពេលដែល ទូកជនលិច ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/9/61-09-05-2015--11-06-04.jpg"><img src="/FileManager/Articles/mce/2015/5/9/61-09-05-2015--11-06-04.jpg" alt="" /></a><br /></span></p>
<p><span style="color: #000000;">របាយការណ៍ បន្ថែមអោយដឹងថា ជនអន្តោប្រវេសន៍ ២៨ នាក់ ត្រូវបានជួយ សង្គ្រោះ ពីហេតុការណ៍ គ្រោះថ្នាក់ជន់លិចទូកខាងលើ ស្របពេលដែល សពមនុស្ស ត្រឹមតែ ២៤ នាក់ តែប៉ុណ្ណោះ ត្រូវបានរក ឃើញនិងស្រង់ចេញពីទីតាំងដើមជន់លិច ប៉ុន្មានថ្ងៃបន្ទាប់ ក្រោយពីកើតហេតុ ។ ក្នុងចំណោម អ្នក រស់រានមានជីវិត ដែលត្រូវបានជួយសង្គ្រោះនោះ រួមមាន កាពីទែន និងសមាជិក នា វិក ខណៈពួកគេ ត្រូវចាប់ឃាត់ខ្លួន ។</span></p>
<p><span style="color: #000000;">ព្រះរាជអាជ្ញា ប្រទេស អ៊ីតាលី បញ្ជាអោយមានការតាមដានស៊ើបអង្កេត មូល ហេតុលិចទូកជនអន្តោ ប្រវេសន៍ រហូតមកទល់បច្ចុប្បន្នភាព ថ្ងៃសុក្រ ម្សិលមិញនេះកងទ័ពជើងទឹក អ៊ីតាលី បានរកឃើញ បំណែកទូកលិចក្រោមបាតសមុទ្រ Mediterranean ជម្រៅជ្រៅ ៣៧៥ ម៉ែត្រ មាន រយៈចម្ងាយប្រមាន ៨៥ ម៉ាយ ភាគខាងជើង ឈូងសមុទ្រ ប្រទេស ល៊ីប៊ី ។ សាកសពជាច្រើន នៃជន រង គ្រោះស្លាប់ ជន អន្តោប្រវេសន៍រាប់រយនាក់នោះ ត្រូវបានគេប្រទះឃើញ ជាប់នៅក្នុងទូកលិច នៃជាន់ទី ១ និង ទី ២ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ីអិនអិន </span></p>