<p><span style="color: #000000;"><strong>(សុខភាព)៖</strong> បញ្ហាសក់ជ្រុះតែងតែកើតមាន លើមនុស្សគ្រប់គ្នា គ្រាន់តែពេលខ្លះជ្រុះសក់តិច ហើយពេលខ្លះជ្រុះច្រើន ដែលអាចបណ្តាលមកពីការទទួលទាន សារជាតិចិញ្ចឹម មិនបានគ្រប់គ្រាន់ជាពិសេសសារជាតិ ដែលការពារមិនឲ្យសក់ជ្រុះ។ នៅពេលឃើញសក់ជ្រុះម្តងៗ អារម្មណ៍របស់យើង និងប្រែទៅជាមានការព្រួយបារម្ភភ្លាម</span><br /><span style="color: #000000;">ហេតុនេះសូមសាកល្បង ទទួលទានកំពូលអាហារទាំង៥មុខ ដែលសម្បូរសារជាតិចិញ្ចឹមសក់ ការពារមិនឲ្យសក់ជ្រុះ។</span></p>
<p><span style="color: #000000;"><strong>១.ក្រុមអាហារសាច់ក្រហម៖</strong></span><br /><span style="color: #000000;">ពពួកក្រុមអាហារសាច់ក្រហម មានផ្ទុកទៅដោយជាតិដែកដែលជា សមាសធាតុចាំបាច់ក្នុងការថែបំប៉ន ឫសសក់ឲ្យមានសុខភាពរឹងមាំ ជួយឲ្យសារធាតុចិញ្ចឹមផ្សេងៗ ងាយស្រូបយកមកប្រើសម្រាប់បំពេញតម្រូវការ របស់រាងកាយ ហើយក៏ជួយឲ្យលំហូឈាមរត់ មកចិញ្ចឹមស្បែកក្បាលបានល្អដែរ។</span></p>
<p><span style="color: #000000;"><strong>២.ស៊ុត៖</strong></span><br /><span style="color: #000000;">សរសៃសក់របស់យើងបង្កើតឡើង ពីធាតុផ្សំដ៏សំខាន់ម្យ៉ាង គឺប្រូតេអ៊ីនខឺរ៉ាទីន ដូចនេះបើបានទទួលទានអាហារណា ដែលសម្បូរប្រូតេអ៊ីនប្រភេទនេះ នឹងអាចជួយបណ្តុះសក់ឲ្យឆាប់ដុះ និងការពារសក់ជ្រុះ។ ស៊ុតក៏ត្រូវបានចាត់ទុកជាអាហារ ដែលមិនត្រឹមតែសម្បូរប្រូតេអ៊ីនខឺរ៉ាទីនប៉ុណ្ណោះទេ វាថែមទាំងមានវីតាមីន B12 ដែលជួយពង្រឹងឫសសក់ ឲ្យមានសុខភាពល្អឡើងវិញ។</span></p>
<p><span style="color: #000000;"><strong>៣.អយស្ទ័រ៖</strong></span><br /><span style="color: #000000;">សារធាតុស័ង្កសី ដែលមាននៅក្នុងអយស្ទ័រ អាចជួយការពារស្បែកក្បាល មិនឲ្យឆាប់ស្ងួតដែលជាមូលហេតុចំបង ការពារសក់ជ្រុះ ហើយម្យ៉ាងវិញទៀតសមាសធាតុ ប្រូតេអ៊ីនចាំបាច់សម្រាប់យក ទៅផលិតផលសរសៃសក់ ក៏អាចទាញយកពីអយស្ទ័របានយ៉ាងងាយ។</span></p>
<p><span style="color: #000000;"><strong>៤.ត្រីសាល់ម៉ុន៖</strong></span><br /><span style="color: #000000;">សាច់ត្រីសាល់ម៉ុន មិនត្រឹមតែមានអាស៊ីដខ្លាញ់ អូមេហ្គា ៣ ប៉ុណ្ណោះទេវាក៏មានវីតាមីនDដែលជាសារធាតុចិញ្ចឹម ដ៏សំខាន់ដែលជួយការពារសក់ មិនឲ្យជ្រុះ។</span><br /><span style="color: #000000;">លើសពីនេះត្រីសាល់ម៉ុន ក៏សម្បូរវីតាមីន B១២ និងជាតិដែកសម្រាប់ថែបំប៉នសរសៃសក់ឲ្យរឹងមាំផងដែរ។</span></p>
<p><span style="color: #000000;"><strong>៥.សណ្តែកបណ្តុះ៖</strong></span><br /><span style="color: #000000;">នៅក្នុងសណ្តែកបណ្តុះ មានផ្ទុកសារជាតិចិញ្ចឹមស៊ីលីកា ដែលមានតួនាទីជួយការពារសក់ មិនឲ្យជ្រុះ។ ជាងនេះទៅទៀតប្រព័ន្ធរាងកាយរបស់យើង បានប្រើស៊ីលីកា ដើម្បីស្រូបយកវីតាមីន និងជាតិរ៉ែ ព្រមទាំងជួយជំរុញឲ្យដំណើរការបំលែង យកវីតាមីនមកប្រើមានភាពងាយស្រួល៕</span></p>
<p><span style="color: #000000;"><img class="irc_mi" title="" src="http://www.top10homeremedies.com/wp-content/uploads/2013/04/Superfoods_20To_20Prevent_20Hair_20Loss.jpg" alt="Image result for Protein to prevent hair fall" width="735" height="439" /><img class="irc_mi" title="" src="https://4.bp.blogspot.com/-3cLNQMuSc9s/VyHGqWF2p8I/AAAAAAAAjTY/dqHRkWI-J3spNzwAN5cv84ZPpngeuBbrgCLcB/s640/are-poor-diet-and-hair-loss-related.png" alt="Image result for Protein to prevent hair fall" width="733" height="384" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>