<p class="msg Nth"><strong>ភ្នំពេញៈ</strong> គ្រួសារក្រីក្រមួយបានស្រែកទ្រហ៊ោយំយ៉ាងខ្លាំង បន្ទាប់ពីកូនរបស់ពួកគេ បានស្លាប់ <br />ដោយសារជំងឺគ្រុនឈាម ហើយគ្មានប្រាក់ដឹកសពកូន ត្រឡប់ទៅស្រុកវិញ ប៉ុន្តែត្រូវបាន<br /> សប្បុរសជននានា ជួយរីកអង្គាសគ្នា តាមបណ្តាញសង្គមហ្វេសបុក បន្ទាប់ពីបានអំពាវនាវ<br /> ដោយ លោក ខណ័្ឌ ច័ន្ទសុផល ប្រធានក្រុមព័ត៌មានជាតិថ្មីៗ ដោយសេរី និងប្រតិកម្មរហ័ស។</p>
<div class="msg Nth">
<p>ករណីនេះបានកើតឡើងវេលាយប់ម៉ោង៩និង៣៥នាទីកាលពីយប់ថ្ងៃទី៦ ខែសីហាឆ្នាំ២០១៣<br />នេះ ខណៈដែលភ្លៀង កំពុងតែធ្លាក់យ៉ាងខ្លាំង នៅមន្ទីរពេទ្យគន្ធបុប្ផា។</p>
<p>យោងតាម ការឲ្យដឹងពីស្រ្តីជាម្តាយនៃសពដែលមានឈ្មោះនៅ ទិវា អាយុ ២៧ឆ្នាំ បានឱ្យដឹង<br />ថា កូនប្រុសរបស់គាត់ ឈ្មោះ គឺម ម៉ាណែត អាយុ ៥ឆ្នាំ បានឈឺជាច្រើនថ្ងៃមកហើយ ហើយ<br />ពួកគាត់ បានយកកូននេះ ទៅកាន់មណ្ឌលសុខភាពក្រាំងអម្ពិល ស្រុកកំពង់បាយខេត្តកំពត <br />តែត្រូវបានក្រុម គ្រួពេទ្យមិនអើពើហើយដាក់សេរ៉ូមកូនរបស់គាត់ចោល ហើយបានបញ្ជាក់ថា<br /> កូនគាត់កើតរោគ ហឺត។</p>
<p>ស្រ្តីក្រីក្ររួបនេះ បានបន្តទៀតថា ដោយសង្កេតឃើញកូនរបស់គាត់ មានសភាពធ្ងន់ធ្ងរយ៉ាង<br />ដូច្នេះ ទើបក្រុមគ្រួពេទ្យទាំងនោះ បានបញ្ជាក់ថា កូនគាត់ មានជំងឺគ្រុនចាញ់ ហើយក្រុមគ្រួ<br />ពេទ្យ អសមត្ថភាព និងគ្មានសីលធម៌ទាំងនោះក៏បានប្រាប់ពួកគាត់ ឲ្យយកកូន មកមន្ទីរពេទ្យ<br />គន្ធបុប្ផា តែត្រូវបានហួសពេលទៅហើយ ដោយសារតែសភាពជំងឺក្មេងនោះ មានសភាពធ្ងន់<br />ធ្ងរខ្លាំងពេក។</p>
<p>សូមបញ្ជាក់ថា សពកុមារា គឺម ម៉ាណែត អាយុ ៥ឆ្នាំ ស្លាប់ ដោយសារបែកគ្រាប់ឈាម និង<br />មាន ឈាមហូរតាមច្រមុះ និងសួតស៊ីអស់១ ចំហៀង ដោយសារជំងឺគ្រុនឈាម។</p>
<p>បន្ទាប់ពីកូនរបស់គាត់ បានស្លាប់ភ្លាមៗ ហើយគ្មានថវិកា ដើម្បីដឹកកូនទៅធ្វើបុណ្យ នៅស្រុក<br />វិញ ទើបក្រុមក្រួសារក្រីក្រមួយនេះ បានស្រែកយំយ៉ាងខ្លាំង ដោយតូចចិត្ត នឹងវាសនារបស់<br />ខ្លួនក្រីក្រ ប្រកបមុខរបរទាំងប្តីប្រពន្ធជាកម្មករសំណង់។ តែខណៈនោះចៃដន្យត្រូវបានលោក <br />ខណ័្ឌ ច័ន្ទសុផល ប្រធានក្រុមពត័មានជាតិថ្មីៗ ដោយសេរីនិង ប្រតិកម្មរហ័ស ស្ថិតក្នុងហេតុ<br />ការណ៍នោះ ផ្ទាល់ ក៏បានសុខចិត្តធានា ជួយចេញថ្លៃឈ្នួលរថយន្ត ដឹកសព ហើយមិនតែ<br />ប៉ុណ្ណោះ ក៏បានអំពាវ នាវដល់សប្បុរសជន តាមសង្គមហ្វេសបុកមួយចំនួនផងដែរ។</p>
<p>បើតាមលោក ខ័ណ្ឌ ច័ន្ទសុផល បានបញ្ជាក់ប្រាប់ ដើមអម្ពិលថា សប្បុរសជនដែលបានជួយ<br />នោះ មានដូចជា លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន ជួយ១លានរៀល, កញ្ញា វ៉ាង<br />ស្រីណូ បាន ចូលរួមជួយជាក្តាមមឈូស ២០ម៉ឺនរៀល និង ចូលបុណ្យ ១០ម៉ឺនរៀល ផងដែរ<br /> លោក មាស ឫទ្ធី ពិធីករហង្សមាសក្លែមសម្តីព្រឹកៗ ក៏បានចូលរួម បុណ្យ ២០ម៉ឺនរៀល, តារា<br />កប្លែងដ៏ល្បី គឺនាយ ពាក់មី ក៏បានចូលរួមថវិកា ២០ម៉ឺន រៀល, កញ្ញារ៉ូសា ៣០ដុល្លា ហើយ<br />និងមានសប្បុរសជន បីនាក់ ទៀត ដែលបានចូលរួមក្នុងម្នាក់ ២០ ដុល្លារ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0102.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0112.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0113.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>