<p><strong>ភ្នំពេញ៖</strong> ថ្មីៗនេះមានប្រភពបង្ហើបមកថា តារាចម្រៀង និងជាកវីនិពន្ធរូបសង្ហាប្រចាំ នៅផលិតកម្ម ថោន លោក ណាំ ប៊ុណ្ណារ័ត្ន គេបានឃើញបណ្តើរនារីវ័យក្មេងម្នាក់ ដើរសំដៅទៅចូលក្លឹបរាត្រីមួយកន្លែង ក្នុងក្រុងភ្នំពេញ ហាក់ដូចមានភាពសិ្នទ្ធស្នាលនឹងគ្នា ខុសប្លែកពីធម្មតា នឹងត្រូវបានគេដាក់ការសង្ស័យថា នារីវ័យក្មេងរូបនោះ ជាគូស្នេហ៍របស់លោក។</p>
<p>តារាចម្រៀងមានទេពកោសល្យ លើការងារសិល្បៈច្រើនមុខ លោក ណាំ ប៊ុណ្ណារ័ត្ន ត្រូវបានមជ្ឈដ្ឋានទូទៅ ស្គាល់យ៉ាងច្បាស់ថា គឺជាតារាចម្រៀងដែលមាន ទឹកដមសំឡេងពីរោះ និងមានរូបស្រស់សង្ហា។ មិនត្រឹមតែប៉ុណ្ណោះ លោកក៏ជាកវីនិពន្ធបទភ្លេង ដ៏ល្បីល្បាញមួយរូប និងជាស្ថានិកក្នុងស្ថាប័នរដ្ឋ នៃសាកលវិទ្យាល័យ ភូមិន្ទវិចិត្រសិល្បៈទៀតផង។</p>
<p>បើទោះបីជាមហាជន ធ្លាប់បានដឹងថា អាជីពសិល្បៈរបស់លោក ណាំ ប៊ុណ្ណារ័ត្ន កំពុងមានដំណើរការ ជោគជ័យ ទៅមុខយ៉ាងឆាប់រហ័ស ក្នុងអំឡុងពេលចុងក្រោយនេះក៏ពិតមែន តែគេពុំដែលបានដឹងឡើយ អំពីរឿងរ៉ាវជីវិតឯកជនក្រៅ របស់តារាប្រុសរូបនេះ ទាក់ទងនឹងការសាងសម្ព័ន្ធភាពស្នេហា ណាមួយនោះឡើយ។ ទើបតែអំឡុងពេលថ្មីៗនេះ ក៏មានព័ត៌មានលេចមកថា តារាចម្រៀង ណាំ ប៊ុណ្ណារ័ត្ន បានបង្ហាញសញ្ញាស្នេហ៍ ជាមួយនារីវ័យក្មេងរូបស្រស់ម្នាក់។</p>
<p>បើតាមប្រភពពីមជ្ឈដ្ឋានខាងក្រៅ បាននិយាយថា កាលពីថ្មីៗនេះ គេបានឃើញលោក ណាំ ប៊ុណ្ណារ័ត្ន បង្ហាញវត្តមាននៅក្នុងក្លឹបកំសាន្តរាត្រី មួយកន្លែងក្នុងរាជធានីភ្នំពេញ ហើយអ្វីដែលធ្វើគេចាប់អារម្មណ៍ ជាងគេនោះ គឺមាននារីវ័យក្មេងស្រស់ស្អាត់ ម្នាក់ដើរតាមយ៉ាងប្រកៀក និងមានភាពស្និទ្ធស្នាល ជាមួយតារាប្រុសរូបនេះ ទើបគេសន្និដ្ឋានថា នារីម្នាក់នោះ អាចជាគូស្នេហ៍របស់លោក ណាំ ប៊ុណ្ណារ័ត្ន។</p>
<p>ប្រភពដដែលបានលើកឡើងថា ក្នុងដំណាក់កាលនេះ ទំនងជា លោក ណាំ ប៊ុណ្ណារ័ត្ន អាចនឹងកំពុងតែ ចាប់ផ្តើមសាងជីវិតស្នេហា ជាមួយនារីវ័យក្មេងខាងលើនេះ។ ប៉ុន្តែគេក៏មិនបានដឹងច្បាស់ទេថា តើនារីម្នាក់នោះ និងលោក ណាំ ប៊ុណ្ណារ័ត្ន បានចាប់ផ្តើមស្គាល់គ្នាតាំងពីពេលណាមកទេ គឺគ្រាន់តែមានការសង្ស័យ ទៅលើអ្នកទាំងពីរថា ជាការចាប់ផ្តើមជីវិតស្នេហាដំបូង ។</p>
<p>នៅរសៀលថ្ងៃទី១០ ខែមិនា ឆ្នាំ២០១៤នេះ គេហទំព័របានព្យាយាមទាក់ទង ដើម្បីសុំ ការបំភ្លឺ ដោយផ្ទាល់មាត់ ពីសំណាក់តារាចម្រៀងក្នុងផលិតកម្ម ថោន លោក ណាំ ប៊ុណ្ណារ័ត្ន តាមទូរស័ព្ទ ប៉ុន្តែនៅ ពេលទំនាក់ទំនងចូលហើយ គ្មានអ្នកទទួល។ ដូច្នេះ ស្វាគមន៍ចំពោះការ ចេញមុខបកស្រាយពី លោក ណាំ ប៊ុណ្ណារ័ត្ន នៅពេលក្រោយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-065.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-066.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-067.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-068.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28409-2014-03-10-10-29-15.html" target="_blank">ផ្តល់សិទ្ធដោយ ៖ ដើមអម្ពិល</a></p>