<div class="article-content">
<p><strong>ភ្នំពេញ ៖</strong> យុវជនចំនួន ២នាក់ ត្រូវស្លាប់បាត់បង់ជីវិត យ៉ាងអាណោចអាធ័ម នៅក្នុងថ្លុកឈាម <br />លើស្ពាន ៧មករា តាមបណ្តោយផ្លូវជាតិលេខ ៣ ក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ <br />ខណៈពួកគេជិះម៉ូតូ ១គ្រឿង ហើយត្រូវរថយន្ត ហ៊ីយ៉ានដាយ បើកបរ ក្នុងទិសដៅច្រាសគ្នា <br />ជ្រុលបុក យ៉ាងពេញ ទំហឹងកាលពីវេលាម៉ោង ១៧ ល្ងាច ថ្ងៃទី២២ ខែសីហា ឆ្នាំ ២០១៣ ។</p>
<p>សមត្ថកិច្ចបានឲ្យដឹងថា សាកសព យុវជន ២នាក់ខាងលើទី ១ឈ្មោះ អ៊ុង សំអាត ភេទប្រុស<br />អាយុ ២៤ ឆ្នាំ មុខរបរកម្មកររោងចក្រ ស្នាក់នៅភូមិចំបកគុយ ឃុំចំលង ស្រុកស្វាយជ្រុំ ខេត្ត<br />ព្រៃវែង នឹងទី២ ឈ្មោះម៉ាក យុទ្ធ ភេទប្រុស អាយុ ២៤ ឆ្នាំ ស្នាក់នៅភូមិត្នោតជុំ ឃុំសំបូរ ស្រុក<br />ទ្រាំង ខេត្តតាកែវហើយពួកគេបានជិះម៉ូតូ ១គ្រឿងម៉ាកវ៉េវ ពណ៌ក្រហមពាក់ស្លាកលេខភ្នំពេញ<br /> 1A-8794 ជិះធ្វើដំណើរតាមបណ្តោយផ្លូវជាតិលេខ៣ ដោយ ជិះទិសដៅពីជើងទៅត្បូងល្បឿន<br />យ៉ាងលឿន ខណៈជិះដល់ចំណុចកើត ហេតលើស្ពាន៧មករា ក៏ស្រាប់តែមានរថយន្តហ៊ីយ៉ាន<br />ដាយ ១គ្រឿង ពណ៌ស ពាក់ស្លាកលេខភ្នំពេញ 3C 0220 ដែលបើកបរដោយ បុរស ម្នាក់កំពុង <br />ធ្វើដំណើរតាមបណ្តោយផ្លូវជាតិលេខ៣ បញ្រ្ចាសទិសគ្នាជាមួយម៉ូតូ ហើយក៏ រេចង្កូត រថយន្ត<br /> បុកម៉ូតូវ៉េវ ទាំងកំរោលតែម្តង បណ្តាលឲ្យយុវជន ២នាក់ដែលជិះម៉ូតូវ៉េវ ត្រូវបោកក្បាលស្លាប់ <br />យ៉ាង អាណោចអាធ័ម នៅក្នុងថ្លុកឈាមនឹងកន្លែងកើតហេតុ តែម្តង នឹងរថយន្តបង្កហេតុបាន<br />ព្យាយាម បើករត់បានប្រហែលជាង ៣០០ម៉ែត្រ ក៏ត្រូវប្រជាពលរដ្ឋ និងសមត្ថកិច្ចដេញឃាត់<br />រថយន្តជាប់ ប៉ុន្តែអ្នកបើកបររថយន្តបង្កហេតុបានរត់គេចខ្លួន បាត់ស្រមោលភ្លាមៗ។</p>
<p>គ្រោះថ្នាក់នេះ បណ្តាលឲ្យរថយន្តបង្កហេតុ នឹងម៉ូតូវ៉េវ ត្រូវរងការខូចខាត ត្រូវបានសមត្ថកិច្ច<br />មូលដ្ឋាន សហការជាមួយ នគរបាលជំនាញចុះវាស់វែង អូសយកទៅរក្សាទុកទៅការិយាល័យ<br /> ចរាចរ ជើងគោក រាជធានីភ្នំពេញ រង់ចាំដោះស្រាយនាពេលក្រោយ ហើយសាកសពយុវជន <br />២នាក់ខាងលើត្រូវប្រគល់ឲ្យក្រុមគ្រួសារដឹកយកទៅធ្វើបុណ្យតាមប្រពៃណីនៅស្រុកកំណើត។ <br />ហេតុការណ៍ ដ៏រន្ធត់ខាងលើបង្កឡើងដោយសាររថយន្តបង្កហេតុ បើកលឿនវ៉ាជាមួយនឹងម៉ូតូ <br />ផ្សេងទៀតទើបបណ្តាល ឲ្យរេចង្កូតបុករះម៉ូតូវ៉េវយ៉ាងពេញទំហឹងតែម្តងទៅ៕ </p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-067/CH-0446.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0445.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0447.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-067/CH-0448.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-067/CH-0449.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>