<div class="article-content">
<p>ភ្នំពេញ ៖ រថយន្ដស៊េរីទំនើប ម៉ាក OD តម្លៃជិត១០ ម៉ឺនដុល្លារ បានឆេះសល់តែ គ្រោងឆ្អឹងដែក<br /> ក្រោយពី ម្ចាស់របស់វាបាន បង្កគ្រោះថ្នាក់ចរាចរ បុកអ្នកបើកម៉ូតូតាម ផ្លូវ ហើយមិនព្រមឈប់<br />ដោះស្រាយបែរជា បើករត់ ក៏ជ្រុលទៅបុកផ្ទះលក់គ្រឿងសំណង់ រួចបន្ដទៅបុកបង្គោលភ្លើង<br />បំភ្លឺផ្លូវ បណ្ដាល ឱ្យបាក់ ហើយ បង្កជាអគ្គិភ័យឆាបឆេះយ៉ាង សន្ធោរសន្ធៅផ្អើលអស់ប្រជាពល<br />រដ្ឋ ក្នុងរាជ ធានីភ្នំពេញ ជាពិសេសអ្នក ធ្វើដំណើរឆ្លងកាត់ នៅកន្លែងកើតហេតុ ។</p>
<p>ករណីគ្រោះថ្នាក់ចរាចរ ហើយបើករត់ រួចបង្កឱ្យមានអគ្គិភ័យឆេះរថយន្ដស៊េរីទំនើប ខាងលើនេះ<br /> បានកើត ឡើងកាលពីវេលា ម៉ោង១២និង៤៥នាទីយប់រំលងអាធ្រាត្រ ឈានចូលថ្ងៃទី១៨ ខែ<br />កញ្ញា ឆ្នាំ២០១៣ ស្ថិតនៅលើកំណាត់ផ្លូវម៉ៅសេទុង មុខផ្ទះ លេខ៣៥៩E0 ជាផ្ទះលក់គ្រឿង<br />សំណង់យីហោ យីហោ ហ្វាន ជិនសាន ក្នុងសង្កាត់ផ្សារដេប៉ូ ទី២ ខណ្ឌទួលគោក ។</p>
<p>យោងតាមប្រភពព័ត៌មានពីសាក្សីដែល បានចោមរោមមើលនៅកន្លែងកើតហេតុនោះ បាន<br />និយាយថា រថយន្ដស៊េរីទំនើបម៉ាក OD តម្លៃជិត១០ម៉ឺនដុល្លារ ពណ៌ខ្មៅ ពាក់ស្លាក លេខភ្នំពេញ <br />2AB-1688 បាន ឆេះសល់ តែគ្រោងឆ្អឹងដែក ក្រោយពីរថយន្ដខាងលើ បានបុកបង្គោលភ្លើង<br />ពេញមួយទំហឹង រហូត បណ្ដាលឱ្យបាក់បង្គោលភ្លើង ក្រោយពីរថយន្ដ បង្កបានបុកផ្ទះលក់<br />គ្រឿងសំណងរួចមកនោះ ។</p>
<p>បើយោង តាមប្រភពព័ត៌មានពីសាក្សី បានបន្ដទៀតថា នៅមុនពេលកើតហេតុគេ បានឃើញ<br />រថយន្ដ ស៊េរីទំនើបមួយគ្រឿងនេះ បើកបរដោយបុរសម្នាក់ ធ្វើដំណើរតាមផ្លូវ លេខ១៩៩ ក្នុង<br />សង្កាត់ទួលស្វាយ ព្រៃទី១ ខណ្ឌចំការមន ស្រាប់តែមកដល់ជិតខារ៉ាអូខេ យីហោ លុច្សសារី <br />កែងផ្លូវលេខ៣១៨ បានជ្រុល ទៅបុកម៉ូតូម៉ាកកូនទាមួយគ្រឿង ពាក់ស្លាកលេខ ភ្នំពេញ <br />1BR-6375 បើកដោយបុរសម្នាក់ បណ្ដាលឱ្យ ម៉ូតូគៀប ជាប់នៅក្រោមរថយន្ដ ។ ក្រោយពីបង្ក<br />គ្រោះថ្នាក់ចរាចររួចមក ម្ចាស់រថយន្ដមិនបានឈប់ ដើម្បីដោះស្រាយជាមួយភាគីម៉ូតូនោះឡើយ បែរជាបើករត់ទាំងម៉ូតូគៀបជាប់នៅក្នុងរថយន្ដ លុះដល់ ចំណុចកើតហេតុ ក្នុងទឹកដីខណ្ឌទួលគោក រថយន្ដបានជ្រុលទៅបុកហាងលក់គ្រឿងសំណង់ រួចហើយក៏ បន្ដ ទៅបុកបង្គោលភ្លើង បណ្ដាល<br />ឆាបឆេះយ៉ាងសន្ធោរសន្ធៅ បង្កឱ្យមានការភ្ញាក់ផ្អើលយ៉ាងខ្លាំង និងមាន ការចោមរោមមើលជា<br />ច្រើននាក់ពីប្រជាពលរដ្ឋ ដែលធ្វើដំណើរនិងរស់នៅក្បែរកន្លែងកើតហេតុនោះ ។</p>
<p>ប្រភពព័ត៌មានពីសាក្សីបានបន្ដទៀតថា ក្រោយពីមានករណីខាងលើនេះកើតឡើង ហើយមានការ<br /> ព្រួយ បារម្ភ និងអាចប៉ះពាល់ ឬក៏ឆាបឆេះផ្ទះប្រជាពលរដ្ឋនៅក្បែរកន្លែង កើតហេតុនោះ ទើប<br />កម្លាំង នគរ បាលពន្លត់ អគ្គិភ័យរាជធានីភ្នំពេញ បានបញ្ជូនរថយន្ដ ពន្លត់មួយគ្រឿង ទៅបាញ់ពន្លត់ ។</p>
<p>ជុំវិញករណីខាងលើនេះ មន្ដ្រីនគរបាល ចរាចរណ៍ជើងគោក រាជធានីភ្នំពេញ ដែលចុះ ទៅជួយ<br />អន្ដរាគមន៍ នៅកន្លែងកើតហេតុទាំងយប់បានថ្លែងឱ្យដឹងថា ក្នុងករណីនេះបាន បណ្ដាលឱ្យអ្នក<br />បើកម៉ូតូកូនទា ឈ្មោះ ញឹក ថុតារារិទ្ធ អាយុ២២ឆ្នាំ ស្នាក់នៅផ្ទះលេខ ៨១ ផ្លូវលេខ៣៤៤ សង្កាត់<br />បឹងសាឡាង ខណ្ឌទួលគោក រងរបួសស្រាល ។</p>
<p>មន្ដ្រីនគរបាលចរាចរណ៍ជើងគោកបាន បន្ដថា ដោយឡែកអ្នកបើករថយន្ដបានរត់ គេចខ្លួនបាត់<br />ពីកន្លែង កើតហេតុ ប៉ុន្ដែក្រោយ ពីមានការស្រាវជ្រាវ និងមានការបញ្ជាក់ពី ប្រព័ន្ធគ្រប់គ្រងយាន<br />យន្ដរបស់ក្រសួង សាធារណការនិងដឹកជញ្ជូន បានបញ្ជាក់ថា រថយន្ដខាងលើនេះ ជាកម្មសិទ្ធ<br />របស់ឈ្មោះ លឹម អ៊ុយហួរ មានទីលំនៅផ្ទះលេខបេ៣៧ ផ្លូវលេខ១៩៩ សង្កាត់ទំនប់ទឹក ខណ្ឌ<br />ចំការ មន ។</p>
<p>នាយរងការិយាល័យចរាចរណ៍ជើងគោក លោកប៉ែន ឃុន បានឱ្យដឹងថា បច្ចុប្បន្នរថ យន្ដដែល<br />សល់តែ គ្រោងឆ្អឹងដែកនោះ នឹង ម៉ូតូដែលឆេះស្ទើរទាំងស្រុង ត្រូវបានកម្លាំង នគរបាលរបស់លោក<br /> យកទៅរក្សា ទុក នៅ ការិយាល័យចរាចរណ៍ជើងគោក ដើម្បីដោះ ស្រាយបន្ដទៀត និងឱ្យម្ចាស់<br />រថយន្ដចូលខ្លួន មកដោះស្រាយ តាមរយៈការបង់ផាកពិន័យ ចូលរដ្ឋ ពីបទបំផ្លាញទ្រព្យសម្បត្ដិ<br />សាធារណៈ ។</p>
<p>ប្រជាពលរដ្ឋ ដែលឈរមើលករណីនេះ បាននិយាយថា បញ្ហាដែលកើតមានឡើង រហូតធ្វើឱ្យមាន<br /> អគ្គិភ័យឆាបឆេះអស់រថយន្ដ តម្លៃជិត១០ម៉ឺនដុល្លារ គឺមកពីម្ចាស់រថយន្ដខ្លួនឯងជាអ្នកបង្ក ហើយ <br />បើសិន ជាពេលបុកម៉ូតូកូនទាឈប់ ហើយដោះស្រាយផ្ដល់សំណងនោះក៏វាមិនបានកើតរឿងបែប<br />នេះឡើយ ប៉ុន្ដែម្ចាស់រថយន្ដបែរជាបើករត់ រហូតកើតរឿងធំបែបនេះ ខាតបង់ទ្រង់ទ្រាយធំ ។</p>
<p>គួរបញ្ជាក់ថា ករណីគ្រោះថ្នាក់ចរាចរបុក អ្នកធ្វើដំណើរតាមផ្លូវ បណ្ដាលឱ្យស្លាប់ និងរងរបួសព្រម<br />ទាំងខូច ខាត ទ្រព្យសម្បត្ដិ សាធារណៈតែងតែកើតមានឡើងនិងស្ទើរ ជារៀងរាល់យប់ ដែលទាំង<br />នេះ បណ្ដាលមក ពីអ្នកបើករថយន្ដបង្កគ្រោះថ្នាក់ចរាចរមានអាការៈស្រវឹង ពេលបញ្ជាយានយន្ដ <br />ហើយបើកលឿន ខ្វះការ ប្រុងប្រយ័ត្ន ប៉ុន្ដែអ្នកបើករថយន្ដបង្កទាំងនេះជាច្រើននាក់ ត្រូវបានចាប់<br />ខ្លួន ហើយកម្លាំងនគរបាល ចរាចរជើងគោករាជធានីភ្នំពេញ បានបញ្ជូនខ្លួននិងសំណុំរឿងទៅកាន់<br />តុលាការ ជាបន្ដបន្ទាប់ ដើម្បីផ្ដន្ទា ទោស តាមផ្លូវច្បាប់ ក៏ដូចជាសារព្រមានទៅកាន់អ្នកបើករថយន្ដ<br />ទាំងឡាយណា ត្រូវមានការប្រុង ប្រយ័ត្នខ្ពស់ បញ្ជៀសគ្រោះថ្នាក់ចរាចរទាំងនេះ ក្នុងគោលបំណង<br />ចូលរួមទាំងអស់ កាត់បន្ថយ គ្រោះថ្នាក់ចរាចរ ៕</p>
<p style="text-align: center;"><object width="500" height="300" data="http://www.youtube.com/v/dr6JTpypBwA&feature&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/dr6JTpypBwA&feature&rel=1" /></object></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0409.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0410.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0411.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0296.jpg" alt="" width="500" /></p>
<div>
<div></div>
</div>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-264.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>