<p><strong></strong>នគរបាលខេត្តរតនគិរី នៅថ្ងៃទី១៤ ខែកញ្ញា ២០១២នេះ កំពុងបន្តសួរចម្លើយជនសង្ស័យ<br />២នាក់ប្តីប្រពន្ធ ទាក់ទងការស្លាប់អ្នកកាសែតវរជនខ្មែរ ដែលត្រូវបានគេសម្លាប់កាលពីដើម<br />សប្តាហ៍នេះ។</p>
<p>មន្ត្រីនគរបាលខេត្តរតនគិរី បានបញ្ជាក់ឲ្យដឹងថា ជនសង្ស័យខាងលើ ដែលនគរបាលកំពុង<br />ដំណើរការសួរចម្លើយ ឈ្មោះ អ៊ាន ប៊ុនហេង ហៅអេង ជាមន្ត្រីអាវុធហត្ថខេត្ត និងប្រពន្ធឈ្មោះ<br />ស៊ឹម វី នៅភូមិទេសអន្លុង សង្កាត់បឹងកន្សែង ក្រុងបានលុង ខេត្ដរតនគិរី។</p>
<p>ប្រភពពត៌មានពីខេត្តរតនគិរីឲ្យ ដឹងថា តាមរយះការស្រាវជ្រាវរយះពេល៣ថ្ងៃកន្លងមក និង<br />ភស្តុតាង ដែលរកឃើញនៅខាងក្រៅផ្ទះជនសង្ស័យខាងលើ នគរបាលបានឃាត់ខ្លួនជន<br />សង្ស័យខាងលើ កាលពីថ្ងៃទី១៣ ខែកញ្ញា ២០១២។</p>
<p><a class="thickbox" title="" href="/FileManager/Commons/2012/9/14/1217-14-09-2012--17-20-39.jpg"><img src="/FileManager/Articles/mce/2012/9/14/1217-14-09-2012--17-20-39.jpg" alt="" width="433" height="548" /></a></p>
<p>ប្រភពខាងលើបន្តថា ការឈានទៅចាប់ខ្លួនជនទាំង២ខាងលើ គឺដំបូងឡើយគេរកឃើញ<br />ស្បែកជើងជនរងគ្រោះ គឺលោក លោកហង្ស សិរីឧត្ដម អ្នកយកព័ត៌មានកាសែត វរជនខ្មែរ<br /> ប្រចាំខេត្ដរតនគិរី នៅក្នុងផ្ទះមួយ កាលពីព្រឹកថ្ងៃទី១៣ ខែកញ្ញា ២០១២ និងបន្ទាប់មករក<br />ឃើញ កម្រាលពូក មួយផ្ទាំង ប្រឡាក់ដាមដោយឈាមធុំក្លិនឆ្អាបស្អុយត្រាំទឹកចោលនៅខាង<br />ក្រោយ ផ្ទះ ជនសង្ស័យ នាំឲ្យសមត្ថកិច្ចធ្វើការកំណត់មុខសញ្ញានិងចាប់ខ្លួនតែម្តង។</p>
<p>សូមបញ្ជាក់ថា លោក ហង្ស សិរីឧត្តម អាយុ៤៤ឆ្នាំ ជាអ្នកយកពត៌មាន កាសែតវរជនខ្មែរ <br />បានបាត់ខ្លួននៅយប់ថ្ងៃទី៩ កញ្ញា ២០១២។ លុះ៣ថ្ងៃក្រោយ គឺនៅ ព្រឹកថ្ងៃទី១១ ខែកញ្ញា<br /> ឆ្នាំ២០១២ គេបានប្រទះឃើញសាកសពលោក នៅក្នុងឃ្លុបឡានរបស់លោក បន្ទាប់ពីមាន<br />អ្នកភូមិជនជាតិភាគតិចក្នុងភូមិធួយអម្ពិល បានផ្តល់ដំណឹងដល់ក្រុមអ្នកកាសែត និងសមត្ថ<br />កិច្ចថា បានឃើញរថយន្តកាមរីមួយគ្រឿងចតចោលនៅក្នុងចម្ការស្វាយ ចន្ទី ហើយក្រុមអ្នក<br />តាមរកក៏បានទៅកាន់ទីនោះទើបស្គាល់ថា ជារថយន្តរបស់លោក ហង្ស សេរីឧត្តម មែន។</p>
<p>ប្រពន្ធលោក ហង្ស សិរីឧត្តម អ្នកស្រី ចន្ធី អាយុ២៨ឆ្នាំ ដែលមានផ្ទៃពោះ៧ខែ ដែលមានទី<br />លំនៅក្នុងភូមិមួយ សង្កាត់ឡាបានសៀក ក្រុងបានលុង បានឲ្យដឹងថា លោក ហង្ស សិរីឧត្តម<br /> បានបាត់ខ្លួនតាំងពីម៉ោង ៧យប់ ថ្ងៃទី៩ខែកញ្ញា ឆ្នាំ២០១២ ដោយពុំដឹងជាទៅទីណា ក្រោយ<br />ពីមានទូរស័ព្ទហៅទៅជួប។</p>
<p>មកទល់ថ្ងៃទី១៤ កញ្ញា ឆ្នាំ២០១២ ជនសង្ស័យទាំង២នាក់ប្តីប្រពន្ធ សមត្ថកិច្ចនៅតែបន្តសាក<br />សួរ ទៅតាមនិតិវិធី និងប្រមូលភស្តុតាងបន្ថែម ហើយនៅមិនទាន់មានពត៌មានផ្លូវការថា ជន<br />សង្ស័យខាងលើជាឃាតករពិត និងមានអ្នកណាខ្លះជាប់ពាក់ព័ន្ធនៅឡើយទេ៕</p>
<p style="text-align: right;"><br />ដោយ ៖ សូរីយ៉ា<br />ប្រភព ៖ NKW</p>
<p><strong> </strong></p>