<div class="article-content">
<p><strong>ព្រះសីហនុ៖</strong> យុវជនម្នាក់ បានរអិលជើង ធ្លាក់ចូល ទឹកសមុទ្រ ស្លាប់ខណៈដែល ទៅស្ទូចត្រី<br /> កាលពីយប់ ថ្ងៃទី២៧ ខែវិច្ឆិកា ឆ្នាំ២០១៣ នៅក្នុងកំពង់ផែ ស្វយ័តក្រុងព្រះសីហនុ ។</p>
<p>កាលពីព្រឹកថ្ងៃទី២៨ ខែវិច្ឆិកា ឆ្នាំ២០១៣ វេលាម៉ោង ៧ និង២០នាទី មានការភ្ញាក់ផ្អើល ឆោ<br />ឡោមួយ កើតឡើងក្នុងកំពង់ផែ ស្វយ័តក្រុងព្រះសីហនុ ខណៈ ដែលគេ ដឹងថា មានអ្នកស្ទូច<br />ត្រីម្នាក់ បាន ស្លាប់ ក្នុងទឹកសមុទ្រ ។ បងប្អូនប្រុស របស់ជនរងគ្រោះឈ្មោះ អ៊ូច សុវណ្ណផល <br />អាយុ២៧ឆ្នាំ បានប្រាប់ ឱ្យដឹង ថា រៀងរាល់យប់ រូបគេនិងជនរងគ្រោះ តែងតែទៅស្ទូចត្រី លេង<br />ជាធម្មតា ហើយកាលពីយប់ ថ្ងៃកើតហេតុ រូបគេបានទៅស្ទូចត្រី ជាមួយនិងជនរងគ្រោះដែរ តែ<br />ពេលដែលទៅដល់ កន្លែងស្ទូចត្រី រូបគេក៏ជាប់រវល់ ចេញ មកក្រៅមួយភ្លេត លុះក្រោយមកក៏<br />ត្រឡប់ មកកន្លែងស្ទូចត្រីវវិញ តែរកជនរងគ្រោះមិនឃើញ ហើយក៏ត្រលប់មកផ្ទះវិញ ។ រហូត<br />ដល់ព្រឹកព្រលឹម នៅតែមិនឃើញជនរងគ្រោះ ត្រឡប់មកផ្ទះវិញ ក៏ត្រឡប់ទៅរកម្តងទៀត ក៏<br />ប្រទះឃើញសពជនរងគ្រោះ កំពុងអណ្តែតទឹក សមុទ្រក្បែរច្រាំង កំពង់ផែ ស្វយ័តក្រុងព្រះសីហនុ<br /> ក៏បានស្រែកឆោឡោឡើងតែម្តងទៅ ។</p>
<p>លោកវរសេនីយ៍ឯក កុល ផាល្លី ស្នងការរង និងជាប្រធានការិយាល័យ កណ្តាលព្រហ្មទណ្ឌ <br />បានមាន ប្រសាសន៍ឱ្យដឹងថា ជនរងគ្រោះមានឈ្មោះ ទូច ទុំ ភេទប្រុស អាយុ ២៧ឆ្នាំ ស្នាក់<br />នៅក្រុមទី១៩ ភូមិ៣ សង្កាត់លេខ៣ ក្រុងខេត្តព្រះសីហន ។ ក្រោយការធ្វើកោសល្យវិច័យ <br />សមត្ថកិច្ចបានសន្និដ្ឋានថា ជនរង គ្រោះបានរអិលជើង ហើយដួលបោកក្បាល ទៅនិងថ្មរ<br />ច្រាំងសមុទ្រ បណ្តាលឱ្យស្លាប់ ដោយខ្លួនឯង ។ បច្ចុប្បន្ននេះ សពជនរងគ្រោះត្រូវបានក្រុម<br />គ្រួសារ មកទទួលយកទៅធ្វើបុណ្យ ប្រពៃណីជាតិ រួចរាល់ ហើយដែរ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0534.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0535.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0536.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>