<p><strong>ភ្នំពេញ៖</strong> នៅទីបំផុត ខ្សែជីវិតរបស់អតីត តារាសម្ដែងល្បីឈ្មោះ ខៀវ សុខារ៉ាវី នៅតែបន្តវិលវល់<br /> គ្មានថ្ងៃស្រាកស្រាន្ត ក្នុងពិភពសិល្បៈ បើទោះបីជានាង បានជួបជំពប់នូវរឿង ហេតុប្រេះឆា មួយ<br />ចំនួន ក៏ដូចជាគំនាបពីគ្រួសារ ឲ្យនាងត្រូវដកថយ មួយរយគីឡូម៉ែត្រដី ដើរចេញពីសង្វៀន ប្រកប<br />ដោយភ្លើងពណ៌ ចម្រុះមួយនេះយ៉ាងណាក្ដី។ ជាការពិតបន្ទាប់ពី សម្ងំរួមសុខរួមទុក្ខ ជាមួយស្វាមី<br />លាក់មុខ អស់រយៈពេល ជាច្រើនឆ្នាំរួចមក ខៀវ សុខារ៉ាវី បានបន្តបង្ហាញវត្តមាន ក្នុងកម្មវិធីអ្នក<br />សិល្បៈ នៅរយៈពេលថ្មីៗនេះ ជាមាគ៌ាមួយបង្ហាញថា នាងនៅតែមិនទាន់ អស់អាល័យ នឹងខ្សែ<br />ជីវិត ជាសិល្បៈដដែល ។</p>
<p>លើសពីនេះ ស្រីស្រស់ទងវង ដែលនៅតែរក្សា សម្រស់ឲ្យនៅក្មេងល្ហក់ មិនជ្រេជ្រុលតាមវ័យ នាង<br /> ខៀវ សុខារ៉ាវី បានបង្ហាញមុខ កូនប្រុសសំណព្វចិត្ត ដែលជាដំណក់ឈាម និងជាចំណងដៃ ជីវិត<br />ជាមួយស្វាមី ជាលើកដំបូង ក្នុងបណ្ដាញហ្វេសប៊ុក របស់នាង ដោយមើលទៅកូនប្រុស មានវ័យ<br />ប្រហែល ជាង ២ឆ្នាំនោះ ហាក់មានទឹកមុខ សប្បាយរីករាយ និងស្រស់ស្អាតគួរ ជាទីស្រឡាញ់ ពេល<br />បានថតរូបជាមួយ ម្ដាយរបស់ខ្លួន។ ក្នុងនោះក៏មានមិត្តភក្តិ មួយចំនួន ក៏បានបញ្ចេញ សូរ្យសៀងអប<br />អរសាទរ និងសរសើមិនដាច់ពីមាត់ ជាហូរហែផងដែរ។</p>
<p>មានការកត់សម្គាល់ កន្លងមកថា ចាប់តាំងពី ខៀវ សុខារ៉ាវី សម្រេចចិត្តដើរចេញ ពីការងារសិល្បៈ <br />និងមានគ្រួសារ ជាអ្នករកស៊ីធំដុំ ក្នុងពិភពជំនួញរួចមក ទស្សនិកជនមិនបានរំពឹងថា នាងនឹងអាច<br />ត្រឡប់មក កាន់ក្បាលមេក្រូអត្ថាធិប្បាយនៅលើឆាកតន្រ្តី ឬជ្រៀតជ្រែកបង្ហាញ វត្តមានក្នុងឈុត<br />ខារ៉ាអូខេ របស់ផលិតកម្មណាមួយ ដូចកាលពី ៥និង៦ឆ្នាំមុនឡើយ ព្រោះនាងតែងតែលេចឮ នូវព័ត៌<br />មានជាហូរហែថា ទទួលគំនាបពីស្វាមី មិនឲ្យប្រឡូកប្រឡាក់ ក្នុងការងារសិល្បៈ បន្តទៀតទេ ខណៈ<br />ឃើញអ្នកសិល្បៈមួយចំនួនធំ នៅតែមិនអាចគេចផុត ពីរឿងអាស្រូវស្នេហា បានឡើយ។</p>
<p>ការបង្ហាញមុខកូនប្រុស គួរឲ្យស្រឡាញ់ ជាលើកដំបូងក្នុង បណ្ដាញហ្វេសប៊ុក នៅពេលនេះ បានធ្វើ<br />ឲ្យមិត្តភក្តិ ជាអ្នកសិល្បៈ ក៏ដូចជាអ្នកចូលចិត្ត បណ្ដាញសង្គម មួយនេះ មានអារម្មណ៍ ភ្ញាក់ផ្អើលជា<br />ខ្លាំង ពីព្រោះកន្លងមក ខៀវ សុខារ៉ាវី មិនមែន ជាមនុស្សដែលចូលចិត្ត ទម្លាយអាថ៌កំបាំង ឲ្យមហាជន<br />បានដឹងជា សាធារណៈនូវជីវិតឯកជនរបស់នាងឡើយ ។ ពោលគឺដូចទៅនឹងចរិតរបស់អតីតគូដណ្ដឹង<br />បែបគ្នា ក្នុងថ្ងៃរៀបការ លោក ស៊ុក សុភា ដែរ។ ប៉ុន្តែនៅពេលនេះ ជាសញ្ញាថ្មីមួយទៀត ដែលត្រូវបាន <br />គេសង្ស័យថា ខៀវ សុខារ៉ាវី អាចគេចផុតពី គំនាបគ្រួសារ ឬពីស្វាមីក៏ថាបាន ដោយសារទឹកមុខរបស់<br />នាង គឺហាក់ពោរពេញ ដោយសេរីភាព និងភាពម្ចាស់ការ លើខ្លួនឯង ផ្ទុយស្រឡះពីគ្រាមុន។</p>
<p>ក្រោយពីបង្ហាញខ្លួន ក្នុងកម្មវិធីសិល្បៈ ផ្សេងៗជាមួយមិត្តភក្តិ ក៏ដូចជាបង្ហាញមុខ កូនប្រុសជាសាធា<br />រណៈ នៅពេលនេះ អាចបញ្ជាក់បានថា ខៀវ សុខារ៉ាវី នឹងចូលប្រឡូក ក្នុងវិស័យសិល្បៈ ពោលគឺវិល<br />រកឆ្នាំងចាស់វិញ តែមិនដឹងថា ក្នុងលក្ខណៈពេញទំហឹង ឬបែបលិបលៗនោះទេ។ ទោះបីជាយ៉ាងណា<br /> គេហទំព័រ LookingTODAY មិនអាចទាក់ទងបំភ្លឺ ពីនាងខៀវ សុខារ៉ាវី ជុំវិញបញ្ហានេះ បានទេ នៅព្រឹក<br />ថ្ងៃទី១៧ខែ កញ្ញា នេះ ព្រោះលេខទូរស័ព្ទ ដែលនាងធ្លាប់ប្រើ ត្រូវបានបិទ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0389.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0390.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0391.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0392.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0393.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0394.jpg" alt="" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>