<p><span style="color: #000000;">ព័ត៌មានអន្តរជាតិ ៖ កាលពីថ្ងៃអាទិត្យ ទី ១១ ម្សិលមិញនេះ រដ្ឋាភិបាល កោះតៃវ៉ាន់ បានបញ្ជាអោយមាន ការបំផ្លាញចោល មាន់ ទា ដល់ទៅ ១៦,០០០ ក្បាលដើម្បីជាការទប់ស្កាត់នូវការផ្ទុះឡើងនូវជម្ងឺផ្តាសាយ បក្សី ខណៈពេលកន្លងទៅនោះ បានប្រើចំណាត់ការរួចម្តងមកហើយ ពោល បំផ្លាញ ចោល មាន់ ទាដល់ ទៅ ១២០,០០០ ក្បាល ។ </span></p>
<p><span style="color: #000000;">ទំព័រសារព័ត៌មានសឹង្ហបុរី channelnewsasia អោយដឹងថាអាជ្ញាធរកោះតៃវ៉ាន់កាលពីថ្ងៃសុក្រចុងសប្តាហ៍ បានបញ្ជាអោយមានការបំផ្លាញចោល នូវ មាន់ ទា នៅឯកសិដ្ឋាន នាភាគខាងត្បូង ប្រទេស ពោលតំបន់ Pingtung ក្រោយពីសំណាកគម្រូមួយចំនួន បានធ្វើតេស្តិ៍រកឃើញ ជម្ងឺ H5N2 ។ </span></p>
<p><span style="color: #000000;">ជាមួយនឹងបរិបទចុងក្រោយ រកឃើញ ជាបន្តបន្ទាប់ នូវសំណាកគម្រូ ផ្ទុកទៅដោយវីរុសផ្តាយសាយបក្សី H5N2 និង H5N8 មន្រ្តីផ្លូវការ ប្រចាំកោះ បានបញ្ជាអោយអោយមានការបំផ្លាញចោល នូវបសុសត្វ ដល់ ទៅ ៧,៥០០ ក្បាល ពីកសិដ្ឋាន នៅក្នុងតំបន់ Pingtung និង ៨,៥០០ ក្បាល ពី ៥ កសិដ្ឋានផ្សេងៗពីគ្នា នៅក្នុងតំបន់ Yunlin និង Chiayi ជាដើម ។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/12/01-12-01-2015--09-30-56.jpg"><img src="/FileManager/Articles/mce/2015/1/12/01-12-01-2015--09-30-56.jpg" alt="" /></a><br /></span></p>
<p><span style="color: #000000;">លោក Chang Su-san ប្រធានការិយាល័យ អធិការកិច្ច សុខ ភាពសត្វ និង រុក្ខជាតិ អោយដឹងថា វីរុស H5N8 ពុំធ្លាប់ត្រូវបានរកឃើញ កាលពីអតីតកាលនោះទេ នៅ ក្នុង កោះតៃវ៉ាន់ ខណៈការរកឃើញលើក នេះអាចជាចលករផុយស្រួយ ក្នុងការនាំអោយមានករណីផ្ទុះរោគផ្តាសាយបក្សី នៅលើដីកោះមួយនេះ ។ </span></p>
<p><span style="color: #000000;">គួរបញ្ជាក់ថា វីរុស H5N8 កាលពីពេលកន្លងទៅ ធ្លាប់បានវាយប្រហារ រួចទៅហើយ នៅលើទឹកដីនៃតំបន់ អឺរ៉ុប កូរ៉េខាងត្បូង ជប៉ុន កាណាដា និង សហរដ្ឋអាមេរិក ខណៈ មា នការជម្រុញអោយបំផ្លាញចោលនូវ មាន់ ទា ទាំងនោះ ស្របពេលដែល ចំណាត់ការផ្លូវការ មាន កា រលើ កឡើង អោយពង្រឹងនូវ សុខាមាល ភាពតំបន់រស់នៅ បសុសត្វទាំងនោះ ក្នុងការការពារ អោយ មាន អន្តរទំនងជាមួយនឹង បសុសត្វឆ្លងរោគ និង បក្សីព្រៃជាដើម ។ </span></p>
<p><span style="color: #000000;">បើទោះជាមានសេចក្តីរាយការណ៍ ជារឿយៗ ថាបានរកឃើញ វីរុស H5N2 រយៈពេលប៉ុន្មានឆ្នាំចុងក្រោយ នេះនៅលើដីកោះ តៃវ៉ាន់មិនធ្លាប់មានរបាយការណ៍អវិជ្ជមាន បណ្តាលមកពីសក្តានុពលវីរុសផ្តាសសាយបក្សីអត្តឃាត H5N1 នោះទេ ។ ទន្ទឹមនឹងនេះ ស្របពេលដែល មានការនាំចូល បណ្តាបសុសត្វ ពីចិន ដី គោក និងបានរកឃើញ វីរុស ផ្តាសសាយ បក្សី ទាំងនោះ កំឡុង ឆ្នាំ ២០០៥ និង ២០១២ ជាញឹកញាប់ បណ្តាបសុសត្វទាំងនោះ ត្រូវបានបំផ្លាញចោល ក្រោយធ្វើតេស្តិ៍លើសំណាកគម្រូ រកឃើញផលវិជ្ជមាន៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ channelnewsasia</span></p>