<p>ត្រីមាសទីបួននៃឆ្នាំនេះ នឹងក្លាយជាពេលវេលាមួយដ៏ក្ដៅគគុក និងទាក់ទាញចំណាប់អារម្មណ៍<br />បំផុត ក្នុងការប្រកួតប្រជែង ក៏ដូចជាការប្រៀបធៀបនៃបណ្ដាក្រុមហ៊ុនស្មាតផលិតទូរស័ព្ទឆ្លាត<br />វៃ។ ក្រុមហ៊ុននិមួយៗ សុទ្ធតែចង់បញ្ចេញ “កូនអុក” សំខាន់បំផុតរបស់ខ្លួន ដើម្បីទាក់ទាញអ្នក<br />ប្រើប្រាស់។ ខាងក្រោមនេះ គឺជាបណ្ដាកំពូលស្មាតហ្វូន ដែលកំពុងត្រូវបានគេទន្ទឹមរង់ចាំជាទី<br />បំផុតនាចុងឆ្នាំនេះ។<br /><br /><strong>iPhone 6 របស់ Apple</strong></p>
<p style="text-align: center;"><strong><a class="thickbox" title="" href="/FileManager/Commons/2014/8/30/a-30-08-2014--19-49-59.jpg"><img src="/FileManager/Articles/mce/2014/8/30/a-30-08-2014--19-49-59.jpg" alt="" /></a><br /></strong></p>
<p>ជាចុងក្រោយ Apple ក៏បានកំណត់យកថ្ងៃទី ៩កញ្ញា ដើម្បីបញ្ចេញផលិតផលកំពូលៗរបស់ខ្លួន<br /> ក្នុងឆ្នាំនេះ។ ក្រុមហ៊ុននេះ ទើបបានផ្ញើលិខិតទៅកាន់ក្រុមអ្នកសារព័ត៌មាន អញ្ជើញពួកគេឱ្យ<br />ចូលរួម យកព័ត៌មានក្នុងមហាព្រឹត្តិការណ៍ឧទ្ទេសនាមផលិតផល នៅថ្ងៃទី ៩កញ្ញាខាងមុខ។</p>
<p>ប្រភពព័ត៌មានមួយចំនួនបានចុះផ្សាយថា ព្រឹត្តិការណ៍របស់ Apple នេះ នឹងមានវត្តមានរបស់<br />ស្មាតហ្វូន iPhone 6 កំណែ 4.7 inch និង ហ្វាប្លេត iPhone L (iPhone 6 កំណែ 5.5 inch) រួមនឹង<br />កងដៃឆ្លាតវៃ ដំណើរការដោយ iOS ដែលយើងតែងតែហៅថា iWatch របស់ Apple ។<br /><br /><strong>Samsung Galaxy Note 4</strong></p>
<p style="text-align: center;"><strong><a class="thickbox" title="" href="/FileManager/Commons/2014/8/30/sep2-30-08-2014--19-50-41.jpg"><img src="/FileManager/Articles/mce/2014/8/30/sep2-30-08-2014--19-50-41.jpg" alt="" /></a><br /></strong></p>
<p>ក្នុងមួយរយៈពេលចុងក្រោយនេះ ស្មាតហ្វូន Galaxy Note 4 របស់ Samsung ក៏មិនចាញ់ស្មាត<br />ហ្វូន iPhone 6 របស់ Apple ប៉ុន្មាននោះដែរ ដោយវាត្រូវបានបណ្ដាគេហទំព័របច្ចេកវិទ្យាធំៗ <br />លើកយកមកចុះផ្សាយជាបន្តបន្ទាប់ ក្នុងនោះ មានដូចជាទំព័រ GSMarena, Phonearen ។ល។</p>
<p>Galaxy Note 4 ត្រូវបានគេជឿថា ជាស្មាតហ្វូនខ្លាំង និងប្រណិតបំផុត របស់ Samsung ក្នុងឆ្នាំ<br /> ២០១៤ ដោយមានអេក្រង់ QHD 5,7 inch, RAM 3 GB, អង្គចងចាំក្នុងម៉ាស៊ីន 32 GB, កាមេរ៉ា<br />ក្រោយ 16 megapixel និងកាមេរ៉ាមុខ 4 megapixel ។</p>
<p>មុខងារពិសេសៗ មួយចំនួនដូចជា សេនសឺរស្កេតក្រយៅដៃ សេនសឺរវាស់កម្រិតវិទ្យុសកម្មនៃ<br />កំដៅព្រះអាទិត្យ និងសេនសឺរស្កេនកែវភ្នែក ឬអេក្រង់កោងជាដើម គឺអាចនឹងបង្ហាញខ្លួន នៅ<br />លើស្រឡាយ Note ជំនាន់ថ្មីនេះផងដែរ។<br /><br /><strong>Sony Xperia Z3</strong></p>
<p style="text-align: center;"><strong><a class="thickbox" title="" href="/FileManager/Commons/2014/8/30/sep3-30-08-2014--19-51-45.jpg"><img src="/FileManager/Articles/mce/2014/8/30/sep3-30-08-2014--19-51-45.jpg" alt="" /></a><br /></strong></p>
<p>នេះគឺជាហ្វាប្លេតជំនាន់បន្ទាប់របស់ក្រុមហ៊ុន Sony ក្រោយពី Xperia Z Ultra បានបង្ហាញខ្លួនមុន<br />នេះ។ Xperia Z3 នឹងមានរូបរាងដ៏ស្រស់ស្អាត និងតុល្យភាពជាងកំណែមុន ដោយវាប្រើប្រាស់<br />អេក្រង់ 6 inch Ultra HD ។</p>
<p>Xperia Z3 បំពាក់អេក្រង់ដែលមានរីសូលូសឹនឡើងដល់ 3840 x 2160 pixel, ប្រូសេសឺរ BXL<br /> Atom 4-core 3GHz, RAM 4GB, អង្គចងចាំក្នុងម៉ាស៊ីន 128GB និងមានរន្ធ microSD អាចបន្ថែម<br />ដល់ 128GB ។ កាមេរ៉ារបស់ Xperia Z3 នៅតែប្រើប្រភេទ 20 megapixel ប៉ុន្ដែ អាចថតវីដេអូ <br />កម្រិត 4K យ៉ាងច្បាស់ ត្រជាក់ភ្នែក រួមនឹងមុខងារទប់ទល់នឹងរំញ័រផងដែរ។</p>
<p>កាមេរ៉ាខាងមុខ 8 megapixel , សម្លេង stereo, ថាមពលថ្ម 6,000mAh ។ ស្មាតហ្វូន Xperia Z3<br /> នេះ ដំណើរការដោយប្រព័ន្ធ Android ថ្មីបំផុត ចំណែកឯកម្រាស់របស់វា គឺត្រឹមតែ 6,1ម.ម ហើយ<br />គែមអេក្រង់ក៏អាចរាប់បានថា ជាមហាស្ដើងផងដែរ។<br /><br /><strong>Nokia Lumia 830</strong></p>
<p style="text-align: center;"><strong><a class="thickbox" title="" href="/FileManager/Commons/2014/8/30/sep4-30-08-2014--19-52-33.jpg"><img src="/FileManager/Articles/mce/2014/8/30/sep4-30-08-2014--19-52-33.jpg" alt="" /></a><br /></strong></p>
<p>ថ្វីបើថ្ងៃបង្ហាញខ្លួនរបស់ Lumia 830 ត្រូវបានគេជឿថា ជិតនឹងមកដល់ ប៉ុន្ដែ ព័ត៌មានទាក់ទិននឹង<br />គ្រឿងម៉ាស៊ីនរបស់ស្មាតហ្វូននេះ នៅតែជារឿងអាថ៌កំបាំងសម្រាប់អ្នករាល់គ្នា។ ប៉ុន្ដែ យោង<br />តាមព័ត៌មានមិនផ្លូវការមួយចំនួន ឱ្យដឹងថា Lumia 830 នឹងប្រើប្រាស់អេក្រង់ 5 inch ដែលមាន<br />រីសូលូសឹន HD 720p ។</p>
<p>ស្មាតហ្វូន Lumia 830 របស់ Microsoft នឹងប្រើឈីប 4-core របស់ Qualcomm និងប្រើប្រព័ន្ធប្រតិ<br />បត្តិ Windows Phone 8.1 ថ្មីបំផុតមកពី Microsoft ។ Lumia 830 ក៏អាចនឹងត្រូវបានបំពាក់ឡែន<br /> Zeiss ដែលប្រើបច្ចេកវិទ្យា Pureview មានរីសូលូសឹន ឡើងដល់ 20.7 Mpx ។</p>
<p>តាមប្រភពព័ត៌មានមួយចំនួន ស្មាតហ្វូននេះ នឹងត្រូវបានឧទ្ទេសនាម នៅក្នុងព្រឹតិ្តការណ៍មួយនៃ<br />ពិព័រណ៍ IFA 2014 ដែលនឹងត្រូវបានប្រារព្ធឡើង នៅដើមខែកញ្ញាខាងមុខ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ pocket-lint<br /><br /></p>