<div class="article-content">
<p><strong>ភ្នំពេញ ៖</strong> យុវជនម្នាក់ជិះម៉ូតូមួយគ្រឿង ម៉ាកសេ១១០ ពណ៌ខ្មៅ ទៅឌុបនារីម្នាក់ ដែលជាមនុស្ស<br /> មិនធ្លាប់ស្គាល់ គ្នាពីមុនមក រហូតដល់ចំណុចផ្លូវលេខ ៤៣០ កែងផ្លូវលេខ១៩៩ ខាងក្រោយមន្ទីរ<br />ពេទ្យ មិត្តភាពខ្មែរសូវៀត ក្នុងសង្កាត់ទំនប់ទឹក ខណ្ឌចំការមន ក៏ត្រូវស្រីម្នាក់នោះទូរស័ព្ទ ហៅមិត្ត<br />ភ័ក្រមកធ្វើសកម្មភាព វាយទៅលើយុវជន រូបនោះ រួចយកម៉ូតូជិះរត់គេចខ្លួនបាត់ស្រមោល កាល<br />ពីវេលាម៉ោង ១២យប់ ថ្ងៃទី២៦ ខែមិថុនា ឆ្នាំ២០១៣ ។</p>
<p id=":11k">យុវជនរងគ្រោះ ដោយសារត្រូវស្រីម្នាក់ ហៅបក្ខពួកមក វាយយកម៉ូតូខាងលើនេះ មានឈ្មោះ សុខ<br /> រ៉ាវី អាយុ ២៣ ឆ្នាំ ស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ និងម៉ូតូដែលស្រីជើង<br />ល្អនិងបក្ខពួក យកទៅបាត់ម៉ាកសេ ១១០ ពណ៌ខ្មៅ ពាក់ស្លាកលេខ ភ្នំពេញ 1BC-7491។ ជនរងគ្រោះ<br />ឈ្មោះ សុខ រ៉ាវី បាន និយាយរៀបរាប់ថា មុនពេល កើតហេតុរូបគេបានជិះម៉ូតូសេ១១០ ចេញពីផ្ទះ<br />បំណងទៅលេងមិត្តភ័ក្រ ខណៈជិះតាមផ្លូវឃើញនារីម្នាក់ទំនង គួរឲ្យអាណិតក៏ ហៅឲ្យជិះម៉ូតូជាមួយ<br />គ្នា ដើម្បីបានជាគ្នាងាយ ស្រួលក្នុងការធ្វើដំណើរ ។ ខណៈស្រាប់ នាងព្រមរួមដំណើរជាមួយយុវជន<br />រងគ្រោះ ពួកគេបានជិះម៉ូតូឌុបគ្នាមកតាមបណ្តោយផ្លូវ៤៣០ ក្នុងទិសដៅពីត្បូងទៅជើង លុះដល់ចំ<br />ណុចកើតហេតុខាងលើស្រាប់តែ នារី ដែលជិះពីក្រោយ បានប្រាប់ឲ្យ សុខ រ៉ាវី ឈប់ម៉ូតូ ដើម្បីទូរស័ព្ទ<br />ហៅមិត្តភ័ក្រឲ្យមកទទួលខ្លួន ប៉ុន្តែ មួយសន្ទុះគេសង្កេតឃើញ មនុស្សចំនួន ៦នាក់ ស្រី២នាក់ បាន<br />ជិះម៉ូតូពីរគ្រឿង មកកន្លែងកើតហេតុ និងបានចុះពីលើម៉ូតូ វាយជនរងគ្រោះបណ្តាលឲ្យ ដួលរងរបួស<br /> ហើយពួកគេបានប្លន់យកម៉ូតូទៅបាត់ ស្រមោលភ្លាម ៗ តែម្តង។</p>
<p>បន្ទាប់ពីកើតហេតុជនរងគ្រោះបានត្រឹមតែដើរទាំងទឹកមុខស្អុយ ទៅដាក់ពាក្យបណ្តឹងនៅទីស្នាក់ការ<br />នគរ បាលប៉ុស្តិ៍ទំនប់ទឹក ដើម្បីសុំការអន្តរាគមន៍ឲ្យជួយស្រាវជ្រាវ តាមចាប់ជនល្មើសទាំងនោះយក<br />មកផ្តន្ទាទោសតាមផ្លូវច្បាប់ ៕ </p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1257.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>