<div class="article-content">
<p><strong>ភ្នំពេញ៖</strong> ប្រជាពលរដ្ឋជាង ១០០០នាក់ ទាំងចាស់ ទាំងក្មេង នៅព្រឹកព្រលឹមស្រាងៗ ថ្ងៃទី២៣ <br />ខែវិច្ឆិកា ឆ្នាំ ២០១៣នេះ បាននាំគ្នាបិទផ្លូវជាតិ លេខ៦អា ស្ថិតនៅភូមិខ្ទរ សង្កាត់ព្រែកលាប <br />ខណ្ឌឫស្សីកែវ តវ៉ារឿងដីបច្ឆា ជាមួយក្រុមហ៊ុន អេងកាំង ដែលពួកគាត់ អះអាងថា បានយក<br />គ្រឿងចក្រ ទៅវាយកម្ទេចចោល កន្លែងកប់ខ្មោច និងយកទុយោបូមខ្សាច់ចាក់លុប តាំងពីយប់<br />មិញមកនោះ។</p>
<p>ដំណើររឿងដែលបង្ខំឲ្យ ប្រជាពលរដ្ឋនាំគ្នា បិទផ្លូវ ជាតិលេខ៦អា នាំឲ្យកកស្ទះចរាចរណ៍ ខាង<br />លើនេះ បានកើតឡើង ដោយសារតែ កាលពីវេលាម៉ោង ប្រមាណ ២យប់ រំលងអាធ្រាត្រ ចូល<br />ថ្ងៃទី២៣ ខែវិច្ឆិកា ឆ្នាំ២០១៣ ក្រុមហ៊ុន អេងកាំង តាមរយៈបុគ្គលិករបស់ខ្លួន បានយក គ្រឿងចក្រ<br /> និងអាល់ប៊ុល ទៅវាយកម្ទេច ចោលកន្លែងកប់ខ្មោច (កន្លែងដីបច្ឆា) ហើយយកទុយោបូមខ្សាច់ <br />ចាក់ លុបទីនៅកន្លែងនោះ ។</p>
<p>សកម្មភាពលួចធ្វើទាំងយប់ យ៉ាងដូចេ្នះរបស់ភាគីក្រុមហ៊ុន នាំឲ្យប្រជាពលរដ្ឋ កើតការ ក្តៅ<br />ក្រហាយ នាំឲ្យនាំគ្នា ទៅដុតអាប៊ុល និងគ្រឿងចក្រ តែម្តង។ ក្រោយពីទទួល ព័ត៌មាន នូវការ<br />បិទផ្លូវជាតិ លេខ៦អា ខាងលើនេះ អភិបាលខណ្ឌឫស្សីកែវ លោក ឃ្លាំង ហួត បានដឹកនាំមន្រ្តី<br />ក្រោមឱវាទ ចុះទៅធ្វើការសម្រ បសម្រួល ហើយ សន្យាថា នឹងជួយដោះស្រាយឲ្យ។ ជាមួយ<br />គ្នានេះ លោក ឃ្លាំង ហួត បានបញ្ជាក់ថា ចំពោះរឿង រ៉ាវទាំងនេះ លោកពិតជាមិនបាន ចូល<br />ពាក់ព័ន្ធនោះទេ ហើយបើលោកទទួលលុយ១ដុល្លារពីក្រុមហ៊ុន នោះសូម ឲ្យ ព្រះធរណីស្រូបចុះ។<br /> ក្រោយពីមានការសម្របសម្រួល និងសន្យាដោះស្រាយ ជូនប្រជាពលរដ្ឋរួចមក ប្រជា ពលរដ្ឋ <br />បាននាំគ្នាបើកបិទផ្លូវ ជាបណ្តើរៗដើម្បីឲ្យមានការបើកចរាចរណ៍ឡើងវិញ រហូតមកដល់ម៉ោង <br />ប្រមាណ ៨និង៥០នាទីព្រឹកថ្ងៃដដែលនេះ៕</p>
<p style="text-align: center;"><img src="http://image.dap-news.com:81/dap-news/dap-images/2013/november/id-078/Lay-300.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/november/id-078/Lay-304.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/november/id-078/Lay-301.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/november/id-078/Lay-302.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/november/id-078/Lay-303.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>