<p>នារីជនជាតិកូរ៉េខាងត្បូងម្នាក់ បានធ្វើឱ្យទស្សនិកជន មានការភ្ញាក់ផ្អើលជាខ្លាំង នៅពេលនាងបានបង្ហើបអំពីអាថ៌កំបាំងនៃការថែរក្សាសម្ផស្សដ៏ចម្លែករបស់ខ្លួន ដោយការប្រើប្រាស់ឆ្នាំងអ៊ុត។</p>
<p style="text-align: center;"><a class="thickbox" title="" href="/FileManager/Commons/2013/10/12/kbut1-12-10-2013--21-05-28.jpg"><img src="/FileManager/Articles/mce/2013/10/12/kbut1-12-10-2013--21-05-28.jpg" alt="" /></a></p>
<p style="text-align: center;"><em>ស្ដ្រីវ័យ ៣៣ឆ្នាំ មានមុខមាត់ និងស្បែក.សម៉ត់ ដូចនារីពេញក្រមុំ</em></p>
<p>ក្នុងកម្មវិធីទូរទស្សន៍មួយស្ដីអំពីរឿងចម្លែកនៅកូរ៉េខាងត្បូង នារីម្នាក់ដែលត្រូវបានគេអញ្ជើញឱ្យចូលរួមជាភ្ញៀវកិត្តិយស បានឧទ្ទេសនាមអំពីរបៀបនៃការថែសម្រស់របស់នាង។ នៅពេលគេមើលពីរូបរាងខាងក្រៅ នារីម្នាក់នោះ មានស្បែកមុខម៉ត់រលោង ស្រស់ស្អាត និងមិនមានស្នាមជ្រីវជ្រួញសូម្បីតែបន្ដិច។ នាងមានស្បែក.សខ្ចី គួរជាទីចង់បានសម្រាប់ស្ដ្រីគ្រប់រូប។ បើទោះជាមានអាយុ ៣៣ឆ្នាំហើយក្ដី ប៉ុន្ដែស្បែកមុខរបស់នាង មើលទៅដូចនារីវ័យ ២០ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2013/10/12/kbut2-12-10-2013--21-06-25.jpg"><img src="/FileManager/Articles/mce/2013/10/12/kbut2-12-10-2013--21-06-25.jpg" alt="" /></a></p>
<p style="text-align: center;"><em>នារីកូរ៉េ និងឆ្នាំងអ៊ុតចំហាយទឹករបស់នាង</em></p>
<p>ប៉ុន្ដែ អ្នកដែលបានទស្សនា មានការភ្ញាក់ផ្អើលខ្លាំង ពេលនាងធ្វើការឧទ្ទេសនាម អំពីវិធីសាស្ដ្រថែសម្រស់ដោយការប្រើឆ្នាំងអ៊ុត ដើម្បីបំបាត់ស្នាមជ្រួញ។<br /><br />នារីម្នាក់នេះ ឱ្យដឹងថា ក្រៅពីប្រើប្រាស់ផលិតផលថែសម្រស់ និងម៉ាស្សា នាងក៏បានបង្កើតវិធីថ្មីមួយទៀត គឺប្រើឆ្នាំងអ៊ុតចំហាយទឹកដើម្បីបំបាត់ស្នាមជ្រួញនៅលើស្បែករបស់ខ្លួន។</p>
<p style="text-align: center;"><a class="thickbox" title="" href="/FileManager/Commons/2013/10/12/kbut3-12-10-2013--21-07-19.jpg"><img src="/FileManager/Articles/mce/2013/10/12/kbut3-12-10-2013--21-07-19.jpg" alt="" /></a></p>
<p style="text-align: center;"><em>ប្រើប្រាស់ចំហាយក្ដៅ ដើម្បីបំបាត់ស្នាមជ្រួញនៅលើស្បែក</em></p>
<p>នាងប្រើប្រាស់ឆ្នាំងអ៊ុតចំហាយទឹក អ៊ុតទៅលើស្បែកដែលមានស្នាមជ្រួញ ដូចជានៅលើផ្ទៃមុខ ដៃ គល់ក នៅត្រង់ពោះ ក្លៀក។ល។ នាងមិនបានប្រើប្រាស់កំដៅដូចទៅនឹងការអ៊ុតខោអាវនោះទេ ប៉ុន្ដែវាក៏ជាឆ្នាំងអ៊ុតធម្មតាដែលគេប្រើសម្រាប់អ៊ុតសម្លៀកបំពាក់។</p>
<p style="text-align: center;"><a class="thickbox" title="" href="/FileManager/Commons/2013/10/12/kbut5-12-10-2013--21-08-19.jpg"><img src="/FileManager/Articles/mce/2013/10/12/kbut5-12-10-2013--21-08-19.jpg" alt="" /></a><em><br /></em></p>
<p style="text-align: center;"><em>ស្បែករបស់នាងម៉ត់រលោង និងមិនមានស្នាមជ្រួញ ប៉ុន្ដែសូមកុំធ្វើតាមនាងឱ្យសោះ</em></p>
<p>ទោះជាយ៉ាងនេះក្ដី ការអ៊ុតស្បែកខាងលើនេះ គឺមានគ្រោះថ្នាក់ខ្លាំងណាស់សម្រាប់ស្បែកដែលមានសភាពស្ដើងរបស់មនុស្ស ដូច្នេះកម្មវិធីទូរទស្សន៍ក៏បានព្រមានដល់ទស្សនិកជនទាំងឡាយ មិនឱ្យធ្វើតាមវិធីដ៏ចម្លែករបស់នាង។</p>
<p><br /><strong>ព័ត៌មានទាក់ទិនគួរចាប់អារម្មណ៍ផ្សេងទៀត</strong></p>
<p><span style="color: #3366ff;"><a href="/News/Detail/98574/make-up-like-beautiful-girl-go-jun-hee"><span style="color: #3366ff;">ស្រីស្អាត Go Jun Hee លេចធ្លោ ដោយ make-up ពណ៌ទឹកក្រូច(វីដេអូ)</span></a><strong><a href="/News/Detail/98574/make-up-like-beautiful-girl-go-jun-hee"></a></strong></span></p>
<p><span style="color: #3366ff;"><a href="/News/Detail/23507/fx-s-krystal-natural-make-up-tutorial"><span style="color: #3366ff;">តារាកូរ៉េខាងត្បូង Krystal F(x) បង្ហាញវិធីផាត់មុខ ដូចធម្មជាតិ (វីដេអូ)</span></a></span></p>
<p><span style="color: #3366ff;"><a href="/News/Detail/56129/colour-coordination-when-choosing-red-lipstick"><span style="color: #3366ff;">ជ្រើសរើសពណ៌សម្លៀកបំពាក់ ឱ្យសមនឹង បបូរមាត់ក្រហម </span></a></span><strong><br /></strong></p>
<p> </p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ 24h<br /><br /></p>