<p>ការបូកសរុបប្រាក់ចំណូល តាមដានខ្ទង់ចំណាយតូចធំ សន្និដ្ឋានប្រាក់ចំណាយខុសប្រក្រតី ដើម្បី<br />បង្កើតជាបញ្ជីចំណូលចំណាយ នឹងជួយឱ្យអ្នកអាចគ្រប់គ្រងប្រាក់ ដោយមិនឱ្យខ្ទង់ចំណាយ កើន<br />លើសពីខ្ទង់ចំណូល ក្នុងបំណងឆ្ពោះទៅរកភាពមានបាន។</p>
<p style="text-align: center;"><a class="thickbox" title="" href="/FileManager/Commons/2014/3/21/save-money-21-03-2014--22-38-50.jpg"><img src="/FileManager/Articles/mce/2014/3/21/save-money-21-03-2014--22-38-50.jpg" alt="" /></a></p>
<p><br /><br /><strong>១. ប្រាក់ចំណូលសរុបរបស់គ្រួសារ</strong><br /><br />ដើម្បីសេដ្ឋកិច្ចគ្រួសារប្រកបដោយភាពល្អប្រសើរ ការងារដំបូងដែលត្រូវធ្វើ គឺគិតគូរអំពីប្រាក់<br />ចំណូលសរុបរបស់គ្រួសារ បន្ទាប់ពីបានបង់ពន្ធ (ប្រសិនមាន)។ ប្រសិនប្រាក់ចំណូលរបស់គ្រួសារ អាស្រ័យទៅលើពេលវេលានៃការបំពេញការងារ ចូរបូកប្រាក់ចំណូលប៉ុន្មានខែចុងក្រោយ រួចចែក<br />រកមធ្យមភាគ។ ប៉ុន្ដែ អ្នកក៏មិនត្រូវបូករួមទាំងប្រាក់ចំណូលដែលអ្នក មិនប្រាកដថានឹងទទួលបាន<br /> ដូចជាប្រាក់រង្វាន់ចុងឆ្នាំជាដើម។<br /><br /><strong>២. តាមដានប្រាក់ចំណាយប្រចាំខែ</strong></p>
<p>ចូរបង្កើតបញ្ជីមួយ ស្ដីអំពីប្រាក់ចំណាយជាប្រចាំ ដូចជាថ្លៃជួលផ្ទះ ធានារ៉ាបរង ថែទាំកូន សាំង<br /> ទូរស័ព្ទ ឬអ៊ីនធឺរណិត។ អ្នកក៏មិនត្រូវភ្លេចបូកទាំងប្រាក់ចំណាយតូចតាច ជារៀងរាល់ថ្ងៃ។ បន្ទាប់<br />មក ចូរកុំទុកឱ្យការចំណាយ កើនឡើងលើសពីប្រាក់ចំណូល។<br /><br /><strong>៣. ប្រាក់ចំណាយខុសប្រក្រតី</strong></p>
<p>បណ្ដាខ្ទង់ចំណាយដែលខុសប្រក្រតី វាកម្រនឹងកើតឡើងញឹកញាប់ ប៉ុន្ដែ វាក៏អាចបំផ្លាញបញ្ជី<br />ចំណាយរបស់អ្នក។ ខ្ទង់ចំណាយទាំងនេះ រួមមានដូចជា អំណោយជូនគ្រូរបស់កូនជាដើម។ <br />ដូច្នេះ ចូរកត់ត្រាវាចូលទៅក្នុងខ្ទង់ចំណាយរបស់អ្នក។<br /><br /><strong>៤. កាត់បន្ថយ ខ្ទង់ចំណាយដែលមិនចាំបាច់</strong></p>
<p>ប្រសិនអ្នកកំពុងតែមានខ្ទង់ចំណាយ ហួសពីខ្ទង់ចំណូល នោះការធ្វើបញ្ជីចំណូលចំណាយ នឹង<br />ជួយឱ្យអ្នកដឹងថា ខ្ទង់ចំណាយណាមួយ ដែលមិនសមហេតុផល មិនមានការចាំបាច់ ដូច្នេះ អ្នក<br />អាចបញ្ឈប់ចំណាយប្រាក់ទៅលើខ្ទង់ទាំងនេះ ឬយ៉ាងហោច ក៏អាចកាត់បន្ថយ តាមដែលអាចធ្វើ<br />ទៅបាន។ </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ CNN<br /><br /></p>