<p><span style="color: #000000;">ព័ត៌មានអន្តរជាតិ ៖ យន្តហោះដឹកអ្នកដំណើរ មួយគ្រឿងរបស់ក្រុមហ៊ុន អាកាស ចរណ៍ហុងកុង បានបង្ខំចុះចត ជាបន្ទាន់នៅខេត្ត ហ៊ូបេ ភាគកណ្តាលប្រទេសចិន នៅថ្ងៃអង្គារ បន្ទាប់ ពីមានការ គម្រាមថា មានគ្រាប់បែក នៅលើយន្តហោះនោះ។</span></p>
<p><span style="color: #000000;">ទីភ្នាក់ងារព័ត៌មានចិន ស៊ិន ហួ ចេញ ផ្សាយនៅរាត្រីថ្ងៃអង្គារ ទី១០ ខែមីនា ឆ្នាំ២០១៥ បានឲ្យដឹងថា យន្តហោះជើង ហោះហើរ HX337 ហោះហើរពីទីក្រុង ប៉េកំាង ឆ្ពោះ ទៅទីក្រុងហុងកុង បានបង្ខំចិត្ត ចុះ ចត នៅអាកាសយានដ្ឋាន ធៀនញី ទីក្រុងវូហាន់ ប្រទេសចិន បន្ទាប់ពីទទួលការ គម្រាមថាមាន គ្រាប់ បែកកាលពីវេលាម៉ោង ២រសៀលថ្ងៃដដែល។</span></p>
<p><span style="color: #000000;">គួរបញ្ជាក់ថា មន្រ្តីបានឲ្យដឹងថា យន្តហោះ មួយគ្រឿងនោះ បានចុះចតដោយសុវត្ថិភាព កាលពីវេលា ម៉ោង ២ និង ៣១រសៀល ចំណែក អ្នកដំណើរ ទំាងអស់ ២៩៥នាក់ រួមទំាងអាកាសយានិក បានចាក ចេញក្រោយយន្តហោះចុះចត។</span></p>
<p><span style="color: #000000;">សេចក្តីរាយការណ៍ បន្ត អោយ ដឹងថា ពាក់ព័ន្ធ នឹង ការគម្រាមថាមានគ្រាប់បែកនេះដែរ ប៉ូលីសមិន បានរកឃើញវត្ថុបំផ្ទុះណាមួយនោះទេ បន្ទាប់ពីត្រួត ពិនិត្យតួយន្តហោះទំាងមូល។ ជាមួយគ្នានោះដែរ ក្រុមស៊ើបអង្កេតក៏កំពុងស្វែងរកប្រភពនៃការគម្រាមនេះផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/11/80-11-03-2015--11-02-05.jpg"><img src="/FileManager/Articles/mce/2015/3/11/80-11-03-2015--11-02-05.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ និង <a href="http://www.dap-news.com/index.php" target="_blank">ដើមអម្ពិល</a></span></p>