<div class="article-content">
<p><strong>កណ្តាល ៖</strong> បុរសម្នាក់ ត្រូវមិត្តរួមតុ កាប់២-៣កាំបិតផ្គាក់ ឲ្យរងបួសធ្ងន់ បន្ទាប់ពីជួបជុំស៊ីផឹកអស់<br />ស្រា អាឡិចហ្សង់វីស្គី ៣ដប នារសៀល នៃថ្ងៃភ្ជុំបិណ្ឌ បង្កឲ្យអ្នកភូមិរត់ទៅប្តឹងសមត្ថកិច្ចចុះអន្ត<br />រាគមន៍ភ្លាមៗ នៅចំណុចភូមិជ្រោយដង ឃុំសំរោងធំ ស្រុកកៀនស្វាយ ។</p>
<p>ខណ:ទទួលព័ត៌មានពីអ្នកភូមិ នៃហេតុការណ៍ដេញកាប់គ្នា ផ្អើលភូមិនោះ អធិការស្រុកកៀនស្វាយ<br /> លោក ប៉ា សំអិត បានបញ្ជាទៅនាយនគរបាល ប៉ុស្តិ៍សំរោងធំ ចុះទៅអន្តរាគមន៍ និងឃាត់ខ្លួនជន<br />ដៃដល់ម្នាក់ ពាក់ព័ន្ធនឹងករណីជម្លោះហិង្សា បង្កឲ្យមានរបួសស្នាម ដោយចេតនា នៅចំណុចកើត<br />ហេតុ ខាងលើនេះ ។</p>
<p>ជនដៃដល់ដែលសមត្ថកិច្ចឃាត់ខ្លួននេះ ឈ្មោះ ឡុង ស៊ីដេត ភេទប្រុស អាយុ២៨ឆ្នាំ រស់នៅភូមិ<br />ជ្រោយដង ឃុំសំរោងធំ ស្រុកកៀនស្វាយ មុខរបរជាសន្តិសុខ ។ ដោយឡែកជនរងគ្រោះឈ្មោះ<br /> អៀក សោភា ភេទប្រុស អាយុ៣៥ឆ្នាំ រស់នៅ ភូមិឃុំជាមួយជនដៃដល់ ។</p>
<p>តាមសេចក្តីរាយការណ៍ លោក ប៉ា សំអិត អធិការស្រុកកៀនស្វាយ បានឲ្យដឹងថា មុនពេលឈាន<br />ដល់ការចាប់ខ្លួនជនដៃដល់ម្នាក់នេះ គឺដើមហេតុ ជនគ្រោះ និងជនដៃដល់បានស៊ីផឹកជាមួយគ្នា<br />តាំងពីថ្ងៃត្រង់ ថ្ងៃភ្ជុំបិណ្ឌ ដោយមានមិត្តភក្តិចូលរួមប្រមាណ៦-៧នាក់ផងដែរ លុះដល់ពេលស្រវឹង<br />រៀងៗខ្លួន ឈ្មោះ អៀក សោភា បានរករឿងឈ្មោះ ឈឿន ដែលជាមិត្តភក្តិចូលរួមផឹកស៊ីជាមួយ<br />គ្នានោះ ឃើញដូចនោះ ឈ្មោះ ឡុង ស៊ីដត ដែលជាជនដៃដល់ បានចូលទៅឃាត់ ស្រាប់តែឈ្មោះ<br /> អៀក សោភា ក្រញ៉ៅដាច់ដៃរបស់ជនដៃដល់ បណ្តាលឲ្យឈ្មោះ ឡុង ស៊ីដេត ខឹងយ៉ាងខ្លាំង ក៏ដើរ<br />ទៅ ផ្ទះទាញកាំបិតផ្គាក់ មកកាប់ឈ្មោះ អៀក សោភា ចំនួន២-៣កាំបិត ត្រូវចំស្មា និងដៃ រងរបួស<br />ធ្ងន់ធ្ងរ ។</p>
<p>បន្ទាប់ពីកើតហេតុ ជនរងគ្រោះត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យ ចំណែកជន<br />ដៃដល់ ត្រូវសមត្ថកិច្ចឃាត់ខ្លួនយកទៅសាកសួរ និងកសាងសំណុំរឿងបញ្ជូនខ្លួនទៅតុលការផ្តន្ទា<br />ទៅសតាមនីតិវិធីច្បាប់៕</p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-86.jpg" alt="" width="500" /></p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-87.jpg" alt="" width="500" /></p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-88.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>