<p><strong>ភ្នំពេញ៖</strong> អតីតតារាចម្រៀង របស់ផលិតកម្មស៊ីស្តា កញ្ញា នូណា បានប្រាប់ឲ្យដឹងថា បច្ចុប្បន្ននេះនាងរកបានទ្រនំថ្មី ពោលគឺបានក្លាយជាតារាចម្រៀងពេញសិទ្ធិ នៅក្នុងផលិតកម្ម Diamond Music បន្ទាប់ពីនាងបានចុះ កិច្ចសន្យា រយៈពេល៣ ឆ្នាំជាមួយ តំណាងក្រុមហ៊ុន កាលពីថ្មីៗកន្លងទៅនេះ។</p>
<p>ថ្លែងប្រាប់គេហទំព័រ LookingTODAY តាមទូរស័ព្ទ នៅរសៀលថ្ងៃទី៩ ខែឧសភា ឆ្នាំ២០១៤ នេះ តារាចម្រៀងចំណូលថ្មី របស់ Diamond Music កញ្ញា នូណា បានប្រាប់ឲ្យដឹងថា បើគិតរហូតមកដល់ពេលនេះ នាងចូលប្រឡូកក្នុង អាជីពជាតារាចម្រៀង ទើបបានរយៈពេលជាងមួយឆ្នាំប៉ុណ្ណោះ។ កាលពីដំបូងឡើយ នាង ជាតារាចម្រៀងនៅក្នុងផលិតកម្មស៊ីស្តា ប៉ុន្តែក្រោយមកនាង ក៏បានសម្រេចចិត្តដើរចេញ ពីផលិតកម្មមួយនេះ ។ ខណៈផលិតម្ម Diamond Music បានទាក់ទងហៅ ឲ្យនាងចូលច្រៀង ដោយចុះកិច្ចសន្យារយៈពេល៣ឆ្នាំ។</p>
<p>តារាចម្រៀងស្រីវ័យក្មេង កំពុងរះពន្លឺក្នុងវិថីសិល្បៈ កញ្ញា នូណា បានបន្តថា "ខ្ញុំចូលផលិតកម្មថ្មី នេះបាន ៣ខែ មកហើយក្នុងនោះ មានបទចម្រៀងថ្មី ចំនួនពីរបទ ចេញលក់លើទីផ្សាររួចហើយ។ ចម្រៀងពីរបទ ក្នុង CD វ៉ុល១៣នេះខ្ញុំសង្ឃឹមថា នឹងទទួលបានការគាំទ្រ និងអាចឆក់ទាញបាន ប្រជាប្រិយភាពបន្ថែម ពីសំណាក់ទស្សនិកជន អ្នកគាំទ្រ បានច្រើន"។</p>
<p>តារាចម្រៀង កំពុងតែរះពន្លឺថ្មី នៅលើវិថីសិល្បៈ កញ្ញា នូណា បន្ទាប់ពីឈានជើងចូល ប្រឡូកនៅក្នុងអាជីពសិល្បៈអស់រយៈពេលជាង១ ឆ្នាំកន្លងមកនេះ ឃើញថានាងកំពុងតែវិវឌ្ឍខ្លួន ឲ្យក្លាយទៅជាតារាចម្រៀង មានឈ្មោះបោះសំឡេង ល្បីដូចតារាប្រុស-ស្រីផ្សេងទៀត។ កញ្ញា នូ ណា មានឈ្មោះពិតថា ប៉ុក ធានិត ចូលឆ្នាំថ្មីនេះនាងទើប មានអាយុ២០ ឆ្នាំប៉ុណ្ណោះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0162.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0163.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0164.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0165.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0166.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/30230-----q-diamond-music-q.html" target="_blank">ផ្តល់សិទ្ធដោយ ៖ ដើមអម្ពិល</a></p>