<div class="article-content">
<p><strong>-ទឹកជំនន់ទន្លេ មេគង្គនៅភ្នំពេញ ជិតដល់កម្រិត ប្រកាសអាសន្ន</strong></p>
<p><strong>ភ្នំពេញ ៖</strong> ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានអំពាវនាវឲ្យ និងណែនាំឲ្យ គ្រប់<br />ភាគី ពាក់ព័ន្ធត្រូវបង្កើនការយកចិត្តទុក ដាក់ប្រុងប្រយ័ត្នខ្ពស់បំផុត និងត្រូវមានវិធានការត្រៀមទុក <br />ជាមុនចំពោះ គ្រោះទឹកជំនន់ ។</p>
<p>យោងតាម សេចក្តីណែនាំ របស់រាជរដ្ឋាភិបាល ស្តីពីការត្រៀមវិធានការទុកជាមុន ដើម្បីបញ្ចៀស និង<br />កាត់ បន្ថយគ្រោះមហន្តរាយ ដែលបណ្តាលមកពីគ្រោះទឹកជំនន់ ដែលបានចេញផ្សាយនៅថ្ងៃទី២៧ <br />ខែកញ្ញា ឆ្នាំ២០១៣ នេះបានឲ្យដឹងថា ក្រសួង-ស្ថាប័ន ពាក់ព័ន្ធ អាជ្ញាធរដែនដី រាជធានី ខេត្ត ក្នុងក្រប<br />ខ័ណ្ឌទូទាំង ប្រទេស ពិសេសអាជ្ញាធរខេត្តកណ្តាល ព្រៃវែង កំពង់ចាម ក្រចេះ ស្ទឹងត្រែង រតនគិរី <br />មណ្ឌលគិរី ព្រះវិហារ ឧត្តរមានជ័យ បន្ទាយមានជ័យ សៀមរាប និងខេត្តកំពង់ធំ ត្រូវបង្កើនការយក<br />ចិត្តទុកដាក់ប្រុងប្រយ័ត្នខ្ពស់ បំផុត និងត្រូវមានវិធានការត្រៀមទុកជាមុន ដោយប្រើប្រាស់កម្លាំងសរុប <br />មធ្យោបាយសរុប ដើម្បីជម្លៀស ប្រជាពលរដ្ឋទៅកាន់ទីទួល មានសុវត្ថិភាព កាត់បន្ថយឲ្យបានជាអតិ<br />បរមា នូវការប៉ះពាល់ដល់អាយុជីវិត គ្រោះថ្នាក់ និងការខូចខាតផ្សេងៗ ដែលអាចកើតមានឡើងជាយ<br />ថាហេតុ ។</p>
<p>យោងតាមការតាមដានសង្កេត និងព្យាករណ៍លស្ថានភាពអាកាសធាតុបានបង្ហាញថា ឥទ្ធិពលរបស់<br />ប្រព័ន្ធ សម្ពាធ ទាប និងព្យុះទី២១ ឈ្មោះ វូទីព (WUTIP)បាននឹងកំពុង ព្រមទាំងបន្តបង្កឲ្យមានភ្លៀង<br />ធ្លាក់យ៉ាង ជោកជាំ នៅក្នុងអាងទន្លេមេគង្គ និងនៅកម្ពុជា ។</p>
<p>ការភ្លៀងធ្លាក់នៅក្នុងអាងទន្លេមេគង្គ នឹងបង្កឲ្យទឹកជំនន់ទន្លេមេគង្គ ទន្លេសាប និងទន្លេបាសាក់ ជន់<br />ឡើង ដល់កម្រិតប្រកាសឲ្យមានការប្រុងប្រយ័ត្ន និងកម្រិតដែលត្រូវលិចលង់ ។</p>
<p>ស្ថានភាពជំនន់ ទន្លេមេគង្គ នៅរាជធានីភ្នំពេញ បានឡើងខ្ពស់ជិត ស្ថិតនៅក្នុងដំណាក់កាល ប្រកាស<br /> អាសន្ន ដោយនៅថ្ងៃទី២៧ ខែកញ្ញា ឆ្នាំ២០១៣នេះ ទឹកមានកម្ពស់ ៩,៩៨ម៉ែត្រ ដែលកម្រិត ប្រកាស <br />អាសន្ន របស់វាស្ថិតនៅ១០,៥០ម៉ែត្រ ។</p>
<p>លោក កែវ វី នាយកខុទ្ទកាល័យ គណៈកម្មាធិការជាតិ គ្រប់គ្រងគ្រោះមហន្តរាយ បានប្រាប់ មជ្ឈម<br />ណ្ឌល ព័ត៌មានដើមអម្ពិលថា កម្ពស់ទឹកជំនន់នៅតាម បណ្តាខេត្ត-រាជធានីមួយចំនួន មានការកើន<br />ឡើងជាធម្មតា ប៉ុន្តែ នៅភ្នំពេញទឹកឡើងជិតដល់ កម្រិតប្រកាសអាសន្នផងដែរ ។</p>
<p>លោកបានបញ្ជាក់ថា “នៅភ្នំពេញយើងវានៅសល់តែប្រហែលជាកន្លះម៉ែត្រទៀតទេ នឹងដល់កម្រិត<br />ប្រកាស អាសន្នហើយ” ។</p>
<p>លោកបន្តទៀតថា ដោយឡែកនៅខេត្តស្ទឹងត្រែងកម្ពស់ទឹកជំនន់ បានស្រកចុះបន្តិចហើយ ប៉ុន្តែ<br />ខេត្ត កំពង់ចាម ក្រចេះ ស្ទឹងត្រែង និងកោះខែល គឺវាស្ថិតនៅក្នុងកម្រិតប្រកាសអាសន្នដដែល ។</p>
<p>ចំណែកឯខេត្តកំពង់ចាមវិញ ត្រូវបានលោក ថុត ថាត អភិបាលក្រុង កំពង់ចាម បានឲ្យដឹងថា កម្ពស់<br />ទឹក ជំនន់ខេត្តកំពង់ចាម បានឡើងដល់ កម្រិត១៥,៩១ម៉ែត្រហើយ នៅព្រឹកថ្ងៃទី២៧ ខែកញ្ញា ដែល<br />អាជ្ញាធរ ក្រុងកំពង់ចាម រួមជាមួយមន្ត្រីនគរបាល នៃស្នងការដ្ឋាន នគរបាលខេត្ត កំពុងជួយច្រកខ្សាច់<br /> ដាក់បាវទប់ ទឹកជំនន់កុំឲ្យហូរចូល ក្រុងកំពង់ចាម ។</p>
<p>ដោយឡែកក្រសួងធនធានទឹក និងឧតុនិយម បានចេញសេចក្តីជូនដំណឹងមួយ កាលពីថ្ងៃទី២៦ ខែ<br />កញ្ញា ឆ្នាំ២០១៣ ដោយបានបង្ហាញថា នៅថ្ងៃទី២៦ ខែកញ្ញា មានប្រព័ន្ធសម្ពាធទាបថ្មីមួយបានកើត<br />មានឡើង នឹងកំពុងអូសកាត់ ពីលើប្រទេសឡាវ ភាគខាងត្បូង ហើយនៅថ្ងៃទី២៧ ខែកញ្ញា នេះដែរ<br /> ប្រព័ន្ធសម្ពាធ ទាបនេះ នឹងរំកិលមកអូសកាត់លើភាពខាងជើង នៃប្រទេសកម្ពុជា ។</p>
<p>សេចក្តីជូនដំណឹងបន្តថា ទន្ទឹងនឹងឥទ្ធិពលរបស់ប្រព័ន្ធសម្ពាធទាបនេះ នៅក្នុងសមុទ្រចិនខាងត្បូង<br /> នារាត្រី ថ្ងៃទី២៧ ខែកញ្ញា ក៏នឹងអាចកើតមានឡើងនូវព្យុះមួយបន្ថែមទៀត ។</p>
<p>សេចក្តីជូនដំណឹង របស់ក្រសួងធនធានទឹកបានបន្ថែមទៀតថា ចាប់ពីថ្ងៃទី២៨ ខែកញ្ញា ដល់ថ្ងៃទី១ <br />ខែ តុលា ឆ្នាំ២០១៣នៅតាមបណ្តាខេត្តមួយចំនួនដូចជា ខេត្តកំពង់ចាម ក្រចេះ ស្ទឹងត្រែង រតនគិរី<br /> មណ្ឌលគិរី ព្រះវិហារ ឧត្តរមានជ័យ បន្ទាយមានជ័យ សៀមរាប កំពង់ធំ ព្រះសីហនុ និងខេត្តកោះ<br />កុង ។</p>
<p>សូមបញ្ជាក់ថា ចាប់តាំងពីមាន គ្រោះធម្មជាតិទឹកជំនន់ បានកើតមានឡើង ដោយរាប់ចាប់ពីខែសីហា<br /> រហូតដល់ ថ្ងៃទី២៦ ខែកញ្ញា ឆ្នាំ២០១៣នេះ មានមនុស្សស្លាប់ចំនួន ២០នាក់ ហើយនៅតាមបណ្តា<br />ខេត្ត មួយចំនួន ។ ខេត្តដែលមានមនុស្សស្លាប់ច្រើនជាងគេ គឺ ខេត្តកំពង់ចាម ១៤នាក់, ឧត្តរមានជ័យ<br /> ២នាក់, ក្រចេះ ២នាក់, ស្ទឹងត្រែង១នាក់ និងខេត្តរតនគិរី ១នាក់ ៕</p>
<p><a href="/News/Detail/81360/iphone-5s-gold-continue-reducing-price-alot-in-cambodia"><span style="color: #0000ff;">អាន៖ មិនទាន់បានមួយសប្តាហ៍ស្រួលបួលផង iPhone 5S Gold ស្រកថ្លៃជិត ៥០០ ដុល្លារ</span></a><br /><a href="/News/Detail/74813/selena-gomez-show-concert-without-underwear-make-fans-have-a-big-surprise"><span style="color: #0000ff;">អាន៖ Justin Bieber ត្រូវពិធីករដោះខ្សែក្រវ៉ាត់វាយ នៅក្នុងកម្មវិធីផ្ទាល់តែម្តង (មានវីដេអូ)</span></a></p>
<p><a href="/News/Detail/74813/selena-gomez-show-concert-without-underwear-make-fans-have-a-big-surprise"><span style="color: #0000ff;">អាន៖ Selena Gomez ឡើងឆាកអត់ស្លៀកខោក្នុង ធ្វើឲ្យអ្នកគាំទ្រចងចាំមិនភ្លេច</span></a><a href="/News/Detail/92671/justin-bieber-get-spanked-on-tv"></a><br /><a href="/News/Detail/92671/justin-bieber-get-spanked-on-tv"></a><a href="/News/Detail/67415/facebook-allows-to-update-status-registered"><span style="color: #0000ff;">អាន៖ Facebook អនុញ្ញាតឲ្យអ្នកប្រើប្រាស់ អាចធ្វើការកែសម្រួលកំហុស ក្នុងការសរសេរ ដែលបាន</span><br /><span style="color: #0000ff;">បង្ហោះរួច បានហើយ (Edit Status)</span></a><strong><a href="/News/Detail/49172/monkey-was-famous-when-he-touched-breast-beautiful-female-reporter"><span style="color: #0000ff;"><br /></span></a></strong></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-1013.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>