<div class="article-content">
<p><strong>ភ្នំពេញ ៖</strong> ក្បាលនាគចែកទ្រូងផ្លូវមួយកន្លែង ស្ថិតនៅតាមបណ្តោយផ្លូវព្រះមុនីវង្ស ទល់មុខក្រសួង<br />សង្គមកិច្ច ក្នុងសង្កាត់បឹងត្របែក ខណ្ឌចំការមន ចំនួនពីរកង់ ត្រូវលោកឧត្តមសេនីយ៍ទោម្នាក់ បើក<br />រថយន្តពាក់ស្លាកលេខ ខេមរភូមិន្ទបុករះពេញទំហឹង កាលពីវេលាម៉ោង ១៩នឹង៣០នាទី យប់ថ្ងៃទី<br /> ១៧ ខែមិថុនា ឆ្នាំ២០១៣ ។</p>
<p>យោងតាម សេចក្តីរាយការណ៍ពី កន្លែងកើតហេតុបានឲ្យដឹងថា មុនពេលកើតហេតុ គឺមានបុរស<br />ម្នាក់ ដែលអះអាងថា ខ្លួនឯងជាឧត្តមសេនីយ៍ទោ បានបើករថយន្តមួយគ្រឿង ម៉ាកស្តារដា ពណ៌<br />ត្រេអ៊ី ពាក់ស្លាកលេខ ខេមរភូមិន្ទ ០១-២-១៥០២ ធ្វើដំណើរ តាមបណ្តោយផ្លូវ ព្រះមុនីវង្ស ក្នុង<br />ទិសដៅពីជើងទៅត្បូង ដោយបានបើកបរក្នុងល្បឿនយ៉ាងលឿន លុះជិតដល់ចំណុចមុខក្រសួង<br />សង្គមកិច្ច ក៏ស្រាប់តែរថយន្តរេចង្កូតបុក រះក្បាល នាគចែក ទ្រូងផ្លូវយ៉ាងពេញទំហឹងតែម្តង <br />បណ្តាលឲ្យបាក់អស់ ចំនួនពីរកង់ ចំណែករថយន្តបែកកង់ខាងមុខ រួចព្យាយាមបើករត់គេច ពី<br />កន្លែងកើតហេតុបាន ជាង៣០ម៉ែត្រ ក៏ត្រូវសមត្ថកិច្ចនរគរបាល ប៉ុស្តិ៍បឹងត្របែកចាប់ ឃាត់ជាប់<br />ភ្លាមៗ។</p>
<p>បុរសដែលអះអាងថា ខ្លួនជាឧត្តមសេនីយ៍ទោ ខាងលើនេះត្រូវបានគេស្គាល់ថា ឈ្មោះ ងួន សំបូរ<br /> ស្នាក់នៅជិតចំណុចកើតហេតុ។ ក្រោយពេលកើត ហេតុ បុរសរូបនេះ បាននិយាយរៀបរាប់ ប្រាប់<br />សមត្ថកិច្ចមូលដ្ឋានថា ខ្លួនបើករថយន្តបុករបាំងថ្មចែកទ្រូងផ្លូវ គឺដោយសារតែជិះដល់ ចំណុចខាង<br /> លើនេះ គាត់បានទាញចង្កូតរថយន្ត គេចពីម៉ូតូ មួយគ្រឿង កំពុងជិះពីមុខ ទើបណ្តាលឲ្យ ជ្រុល<br />បុករបាំងថ្មតែម្តងទៅ។</p>
<p>សមត្ថកិច្ចមូលដ្ឋាន បានបញ្ជាក់ថា នៅក្នុងរថយន្តមានកាត ឈ្មោះ ងួន សំបូរ ដែលបញ្ជាក់ថា រូប<br />គេមានឋានៈ ដែលមានងារ ជានាយឧត្តម សេនីយ៍ត្រី ប៉ុន្តែបុរសឈ្មោះ ងួន សំបូរ នេះបែរជាអួត<br />អាងថា ខ្លួនជាឧត្តមសេនីយ៍ទោទៅវិញ។ ជាពិសេសបុរសម្នាក់នេះ គឺស្ថិតក្នុងស្ថានភាពស្រវឹង <br />ស្រាជោគខ្លួន ស្ទើរងើបមុខមិនរួច។</p>
<p>បន្ទាប់ពីកើតហេតុ រថយន្តបង្កត្រូវបានសមត្ថកិច្ចជំនាញ នៃស្នងការដ្ឋាននគរបាលរាជធានីភ្នំពេញ<br /> ចុះមកអន្តរាគមន៍ ធ្វើការវាស់វែង នឹងអូសយក រថយន្តនេះ ទៅរក្សាទុកនៅ ការិយាល័យចរាចរណ៍<br />ជើងគោក រាជធានីភ្នំពេញ រង់ចាំដោះស្រាយតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0432.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0433.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0434.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0435.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>