<div class="article-content">
<p><strong>ព្រះសីហនុ៖</strong> យោងតាមប្រភពព័ត៌មាន ពីមន្រ្តីសាលាដំបូងខេត្តព្រះសីហនុ និងមន្រ្តីពន្ធនាគារ<br />ខេត្តព្រះសីហនុ បានប្រាប់អ្នកយកព័ត៌មាន មជ្ឈមណ្ឌលដើមអម្ពិល ប្រចាំខេត្តព្រះសីហនុ កាល<br />ពីរសៀលថ្ងៃទី៤ ខែមិថុនា ឆ្នាំ២០១៣ នេះឲ្យដឹងថា ក្មេងស្រីដែលទូរស័ព្ទ ចូលវិទ្យុ ប្រឌិតថាខ្លួន<br />ត្រូវគេចាប់ជំរិត ហើយត្រូវបាន សាលាដំបូងខេត្ត ព្រះសីហនុ ចេញដីការឃុំខ្លួនជាបណ្តោះអាសន្ន ដែលជាប់ចោទពីបទផ្ដល់ព័ត៌មានមិនពិត និង ប្តឹងបរិហារបង្កាច់កេរ្ដិ៍ កាលថ្ងៃទី១៤ ខែឧសភា ឆ្នាំ<br />២០១៣ ឥលូវនេះត្រូវបានសាលា ដំបូងខេត្តធ្វើការដោះ លែងឲ្យនៅក្រៅឃុំ ជាបណ្តោះអាសន្ន<br />ហើយកាលពីថ្ងៃសុក្រ ទី៣១ ខែឧសភា ឆ្នាំ២០១៣នេះ បន្ទាប់ពីមាន មេធាវី មកធានាឲ្យនៅក្រៅ<br />ឃុំ ហើយយកទៅអប់រំ ។</p>
<p>គួររំលឹកថាកាលពីរសៀលថ្ងៃទី១៣ ខែឧសភា ឆ្នាំ២០១៣ វេលាម៉ោង១២ សមត្ថកិច្ច នគរបាល<br />ខេត្តព្រះសីហនុ បានស្វែងរកឃើញ អ្នកដែលទូរស័ព្ទ ចូលវិទ្យុម្នាក់ថាខ្លួនត្រូវគេចាប់ជំរិត នៅនឹង<br />ផ្ទះ របស់ជីដូនដែលខ្លួនកំពុង រស់នៅជាមួយគ្នានោះមានឈ្មោះ អែមស្រីវីន ភេទស្រី អាយុ១៤ឆ្នាំ<br /> មុខរបរសិស្សថ្នាក់ទី៧ មានទីលំនៅ ក្រុមទី១០ភូមិ៣ សង្កាត់លេខ២ ក្រុងខេត្តព្រះសីហនុ ។</p>
<p>តាមរបាយការណ៍របស់លោកវរសេនីយ៍ទោ នៅ សាវុធ នាយការិយាល័យនគរបាលព្រហ្មទណ្ឌ<br />កំរិតធ្ងន់ នៃស្នងការដ្ឋាននគរបាល ខេត្តព្រះសីហនុ បានឲ្យដឹងថា កាលពីថ្ងៃទី១២ ខែឧសភា ឆ្នាំ<br />២០១៣ វេលាម៉ោង ១៧ មាននារីម្នាក់ ទូរស័ព្ទ ចូលវិទ្យុមួយថាខ្លួនគេចាប់ជំរិត ភ្លាមនោះលោក<br />ឧត្តមសេនីយ៍ត្រី តាក វណ្ណថា ស្នងការនគរបាល ខេត្តព្រះសីហនុ បានទទួលបញ្ជាពីលោក នាយ<br />ឧត្តមសេនីយ៍ នេត សាវឿនអគ្គស្នងការ នគរបាលជាតិ និង លោកឧត្តមសេនីយ៍ឯក កង សុខន <br />អគ្គស្នងការរងនគរបាលជាតិ ទទួលបន្ទុកព្រហ្មទណ្ឌ និងលោកឧត្តម សេនីយ៍ឯក ម៉ក់ ជីតូប្រធាន<br />នាយកដ្ឋានកណ្តាលយុត្តិធម៌ បានដឹកនាំកម្លាំងក្រោមឱវាទ ទាំងអស់ ចុះប្រតិបត្តិការ ស៊ើបអង្កេត<br />ដោយផ្ទាល់ និងស្រាវជ្រាវចំពោះពត៌មានដែលថាមានគេបង្ខាំង មនុស្សនៅក្នុង ខេត្តព្រះសីហនុ <br />តាមរយៈស្ថានីយ៍វិទ្យុមួយ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0050.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>