<p><span style="color: #000000;">ព័ត៌មានអន្តរជាតិ ៖ យោងតាមការគូសបញ្ជាក់ ជាក់ស្តែង ពី រដ្ឋមន្រ្តី ការពារជាតិ ប្រទេសថៃ លោក Prawit Wongsuwon អោយដឹង អំឡុង ថ្ងៃព្រហស្បត្តិ៍ ទី ២ ខែ កក្កដា ឆ្នាំ ២០១៥ នេះថា កងទ័ពថៃបានសម្រេច គម្រោងកញ្ជប់ថវិការ សរុប ១,១ ពានលានដុល្លារ ក្នុងការបញ្ជាទិញ នាវាមុជទឹក ៣ គ្រឿង ពីប្រទេសចិន ។ </span></p>
<p><span style="color: #000000;">គួររំឮកថា រដ្ឋាភិបាល យោធា ដែល កំពុងតែក្តោបអំណាចនាពេលបច្ចុប្បន្នភាព បានធ្វើរដ្ឋប្រហារយោធា ទម្លាក់ រដ្ឋាភិបាល លោកស្រី យីងឡាក់ អំឡុងខែ ឧសភា ឆ្នាំ ២០១៤ បន្ទាប់ពីភាពចលាចល ក្នុងប្រទេស ពាក់ព័ន្ធនឹងការផ្ទុះឡើងនៃការតវ៉ា អស់រយៈកាលជាច្រើនខែកន្លងមក ។ រដ្ឋប្រហារ យោធា លើកនេះ ត្រូវ បានសហគមន៍អន្តរជាតិ ពីលោកខាងលិច ថ្កោលទោស ដោយកាត់ បន្ថយ ទំនាក់ទំនងកាទូតជាមួយនឹង ប្រទេសថៃ ដោយឡែកតែ ប្រទេសចិន ឯណោះវិញទេ មានការគាំទ្រ ដល់រដ្ឋាភិបាលយោធាកើតចេញពីការ ធ្វើរដ្ឋប្រហារ ខណៈអនុវត្តន៍ច្បាប់អាជ្ញាសឹក ។ ចាប់ តាំងពីពេលនោះ មក ប្រទេសថៃ ដែលធ្លាប់តែមានទំ នាក់ទំនងល្អជាមួយនឹងអាមេរិកនោះ ងាក មកផ្សាភ្ជាប់ ទំនា ក់ទំនងអោយកាន់តែល្អជាមួយនឹងបណ្តាប្រ ទេសជិតខាង ពោលប្រទេសចិនតែម្តង តួយ៉ាងរដ្ឋាភិបាលទីក្រុង បាងកក បានព្យាយាម ចូលចែជូវ ជាមួយ នឹងរដ្ឋាភិបាល ទីក្រុង ប៉េកាំង ស្របពេលដែលចិន កំពុងតែព្យាយាម ពង្រីកឥទ្ធិពលរបស់ខ្លួន នៅក្នុងតំបន់ តាមរយៈផ្តល់ប្រាក់កំចី ក៏ដូចជា ជំនួយហេដ្ឋារចនាសម្ព័ន្ធជាដើម ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/3/china-submarine-camnews-03-07-2015--10-24-18.jpg"><img src="/FileManager/Articles/mce/2015/7/3/china-submarine-camnews-03-07-2015--10-24-18.jpg" alt="" /></a><br /></span></p>
<p><span style="color: #000000;">រដ្ឋមន្រ្តីការពារជាតិ ថៃ លោក Prawit បន្តអោយដឹងថា គម្រោងបញ្ជាទិញ នាវាមុជទឹកលើកនេះ គ្រាន់តែជា ផ្នែកមួយនៃគម្រោងថវិកា ការពារជាតិ ដ៏ធំប្រចាំឆ្នាំ ២០១៦ មាន ទំហំសាច់ប្រាក់ ដល់ទៅ ៦,១ ពានលាន ដុល្លារ សហរដ្ឋអាមេរិក កើនឡើងខ្ពស់ ៧ ភាគរយ បើធៀបទៅនឹងឆ្នាំ ២០១៥ ។ គណៈកម្មការ ការពារជាតិ ប្រទេសថៃ ដែលមានមន្រ្តីកំពូល ១៧ នាក់ នឹងធ្វើការពិចារណា ថាតើ នាវាមុជទឹក មួយណា នឹងត្រូវជ្រើស យក ក្នុងនោះ អ្វីដែលជា កត្តាអទិភាព ក្នុងការជ្រើសយក រួមមានដូចជា ៖ តម្លៃ គុណភាព និង សមត្ថភាព ជាដើម ។ ជាការសម្រេចចិត្ត បញ្ជាទិញ ពីប្រទេសចិន ព្រោះនាវាមុជទឹក ប្រទេសចិន មានគុណតម្លៃ និង សមត្ថភាពខ្ពស់ បើធៀបទៅនឹងនាវា មុជទឹក មកពីបណ្តាប្រទេស ផ្សេងទៀត ។ គួររំឮកថាចិនគឺជាប្រទេស ជាប់ចំណាត់ថ្នាក់លំដាប់ទី ៣ លើសកលលោក ក្នុងការលក់ចេញ បណ្តា សព្វាវុធ ទៅកាន់ទីផ្សារ អន្តរជាតិ នេះបើយោងតាម Stockholm International Peace Research Institute ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA </span></p>