<p><span style="color: #000000;"><strong>(ដាកា)៖</strong> សាឡាងដឹកអ្នកដំណើរមួយគ្រឿង បានលិចទៅក្នុងទន្លេ Sondha នៃស្រុក Barisal របស់ប្រទេស បង់ក្លាដែស បានឆក់យកជីវិតមនុស្សកើនដល់ ១៨នាក់ និង ០៤នាក់ទៀតបន្តបាត់ខ្លួន ក្នុងទឹកទន្លេនៅឡើយ ដែលស្ថិតនៅចម្ងាយ ១៦៩គីឡូម៉ែត្រ នៃភាគខាងត្បូងរដ្ឋធានីដាកា។ នេះបើតាមការចេញផ្សាយនៅ មុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃព្រហស្បតិ៍ ទី២១ ខែកញ្ញា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/9/22/16-22-09-2016--16-17-42.jpg"><img src="/FileManager/Articles/mce/2016/9/22/16-22-09-2016--16-17-42.jpg" alt="" /></a></p>
<p><span style="color: #000000;">អ្នកនាំពាក្យប៉ូលិសជាតិបង់ក្លាដែស បានប្រាប់ស៊ិនហួរថា<strong> «គ្រោះថ្នាក់បានកើតឡើងនៅវេលាម៉ោង ១១៖៣០នាទីថ្ងៃត្រង់ថ្ងៃពុធ ហើយស្ត្រីពីរនាក់ និងកុមារពីរនាក់ ក៏ស្ថិតនៅក្នុងចំណោមអ្នកស្លាប់ ដោយសារតែលង់ទឹកនោះដែរ»</strong>។ នៅពេលនេះក្រុមសង្គ្រាមកំពុងតែបន្តស្វែងរកមនុស្សបាត់ខ្លួន នៅឡើយ ខណៈគ្រោះថ្នាក់សាឡាង នៅបង់ក្លាដែស គឺតែងតែកើតឡើង ជារៀងរាល់ឆ្នាំ។</span></p>
<p><span style="color: #000000;">គួរបញ្ជាក់ថា ការធ្វើដំណើរតាមសាឡាង និងទូក គឺជារឿងចាំបាច់បំផុតសម្រាប់ប្រជាជនបង់ក្លាដែស ក៏ព្រោះតែប្រទេសនេះ មានផ្លូវទឹកខ្វាត់ខ្វែង ក្នុងនោះគ្រាន់តែដងទន្លេគឺមាន ២៥០ខ្សែទៅហើយ។ ដោយឡែកសម្រាប់គ្រោះថ្នាក់លើនេះ គឺដោយសារតែសាឡាង បានជួបនឹងរលកធំៗ ដែលបានបង្កឡើង ដោយអាកាសធាតុអាក្រក់៕</span></p>
<p><a class="thickbox" title="" href="/FileManager/Commons/2016/9/22/14-22-09-2016--15-52-54.jpg"><img src="/FileManager/Articles/mce/2016/9/22/14-22-09-2016--15-52-54.jpg" alt="" /></a></p>
<p style="text-align: right;"><br /><span style="color: #000000;">ប្រភព ៖ ស៊ិនហួរ</span></p>