<p><span style="color: #000000;"><strong>(អេហ្ស៊ីប)៖ ប្រព័ន្ធទំនាក់ទំនងដោយស្វ័យប្រវត្តិ នៅលើយន្តហោះ EgyptAir ជើងហោះហើរ Flight 804 បានផ្ញើសារព្រមាន ប៉ុន្មាននាទីមុនពេលយន្តហោះធ្លាក់ ដោយបានបង្ហាញថា ប្រព័ន្ធត្រួតពិនិត្យការហោះហើរត្រូវបានកាត់ផ្ដាច់ និងមានហ៊ុយផ្សែង នេះបើយោងតាមការចុះផ្សាយរបស់សារព័ត៌មាន The Wall Street Journal ចេញផ្សាយមុននេះបន្តិច។</strong></span></p>
<p><span style="color: #000000;">ប្រភពដែលជិតស្និទ្ធនឹងការស៊ើបអង្កេត បានបង្ហោះឲ្យដឹងថា សារមួយនេះត្រូវបានផ្ញើសារដោយស្វ័យប្រវត្តិពីយន្តហោះ ដើម្បីជួយដំណឹង ប៉ុន្តែគេមិនបានដឹងថា នៅលើយន្តហោះនោះមានបញ្ហាអ្វីនោះទេ។</span></p>
<p><span style="color: #000000;">នៅមុននេះផងដែរថា ក្រុមសង្គ្រោះដែលមានមកពីប្រទេសបារាំង អេហ្ស៊ីប និង ក្រិក នោះបានប្រទះឃើញដានប្រេង ដែលទំនងជាធ្លាយចេញ ពីយន្តហោះអេហ្ស៊ីប និងបំណែកមួយចំនួនទៀតនៃតួយន្តហោះ នៅលើដែនទឹកសមុទ្រមេឌីទែរ៉ាណេ ដែលគេកំពុងធ្វើការរុករកនោះ។</span></p>
<p><span style="color: #000000;">នៅល្ងាចថ្ងៃទី២០ ខែឧសភាម្សិលមិញនេះ ក្រសួងការពារជាតិរបស់ប្រទេសក្រិច បានឲ្យដឹងថា អាជ្ញាធររបស់អេហ្ស៊ីប បានរកបំណែកនៃសាកសព និងកៅអ៊ីចំនួន២ ព្រមទាំងវ៉ាលីផងដែរ នៅក្នុងប្រតិបត្តិការស្វែងរកយន្តហោះ EgyptAir ជើងហោះហើរ Flight 804 ដែលបានធ្លាក់នៅក្នុង សមុទ្រមេឌីទែរ៉ាណេ។</span></p>
<p><span style="color: #000000;">គួរបញ្ជាក់ផងដែរថា យន្តហោះ EgyptAir ជើងហោះហើរ Flight 804 បានបាត់ពីរ៉ាដា ខណៈហោះចេញពីអាកាសយានដ្ឋាន Charles de Gaulle ក្នុងទីក្រុងប៉ារីស ប្រទេសបារាំង នៅម៉ោង ២៣៖០៩នាទី ទៅកាន់អាកាសយានដ្ឋាន Cairo Airport ទីក្រុងគែ ប្រទេសអេហ្ស៊ីប ដោយផ្ទុកមនុស្ស ៦៦នាក់ ក្នុងនោះមានសហនាវិក ១០នាក់ ហើយត្រូវបានក្រុមហ៊ុន និងរដ្ឋាភិបាលអេហ្ស៊ីបបញ្ជាក់ថា បានធ្លាក់នៅក្នុងសមុទ្រ៕</span></p>
<p><span style="color: #000000;"><img src="http://image.freshnewsasia.com/2016/001/05/fn-2016-05-21-08-39-10-1.jpg" alt="" width="730" /></span></p>
<p><span style="color: #000000;"><img src="http://i.cbc.ca/1.3588824.1463691944!/fileImage/httpImage/image.jpg_gen/derivatives/original_620/flight-804.jpg" alt="" width="730" /></span></p>
<p><span style="color: #000000;"><img src="https://metrouk2.files.wordpress.com/2016/05/ac_planecrash_comp.jpg" alt="" width="730" /></span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី/WSJ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>