<div class="article-content">
<p><strong>ខេត្តបន្ទាយមានជ័យ ៖ </strong> ជនសង្ស័យម្នាក់ បានធ្វើសកម្មភាពរំលោភកូន ក្រមុំគេខណះម៉ែឪ<br /> មិននៅផ្ទះ រួចរត់ គេចបាត់មួយខែ នៅយប់ម្សិល មិញថ្ងៃទី៣១ ខែមីនា ឆ្នាំ២០១៣ វេលាម៉ោង<br />២និង៣០នាទី ទាបភ្លឺ ជន សង្ស័យ និងបក្ខពួក៥ទៅ៦នាក់ បានដេញកាប់យុវជនមួយក្រុម<br /> បណ្តាលឲ្យ របួសធ្ងន់ ក៏ត្រូវកម្លាំង អ ហ ក្រុង ប៉ោយប៉ែត ចាប់ញាត់ទ្រុងនិងកសាងសំណុំរឿង<br /> បញ្ជូនទៅតុលាការ ចាត់ការតាមច្បាប់ ។</p>
<p>លោក ហម ម៉ុត មេបញ្ជាការ អ ហ ក្រុងប៉ោយប៉ែត បានឲ្យដឹងនៅថ្ងៃទី០១ ខែមេសា ឆ្នាំ២០១៣<br />ថា ជនសង្ស័យមានឈ្មោះ វ៉ា លាន ហៅអានាង ភេទប្រុស អាយុ១៩ឆ្នាំ មានស្រុកកំណើត នៅ<br />ភូមិវត្តលៀប ឃុំចំការសំរោង ក្រុង/ខេត្តបាត់ដំបង បច្ចុប្បន្នរស់នៅភូមិក្បាលស្ពាន១ សង្កាត់/ក្រុង<br /> ប់ោយប៉ែត ខេត្តបន្ទាយមានជ័យ។ រីឯជនរងគ្រោះមានឈ្មោះ ហួត ធុរះ ភេទប្រុស អាយុ២០ឆ្នាំ<br /> រស់នៅភូមិព្រៃគប់ សង្កាត់ផ្សារកណ្តាល ក្រុងប៉ោយ ប៉ែត ជាសិស្សថ្នាក់ទី១២ បានរងបួសធ្ងន់<br />ត្រូវគេកាប់ដៃឆ្វេង១កាំបិត ខ្នង១កាំបិត។</p>
<p>លោក ហម ម៉ុតបានបន្តថា មុនឃាត់ខ្លួនជនសង្ស័យ ខាងលើ កាលពីថ្ងៃទី២៧ ខែកុម្ភះ កន្លងទៅ<br />ធ្លាប់មានក្រុមគ្រួសារ ក្មេងស្រីរងគ្រោះម្នាក់ អាយុ១៧ឆ្នាំ បានមកប្តឹង ពីករណីចាប់រំលោភ ហើយ<br />នៅយប់ថ្ងៃទី៣១ ខែមិនា ឆ្នាំ២០១៣នេះ ជនរងសង្ស័យបានធ្វើសកម្មភាព កាប់លើជនរង គ្រោះ<br />ម្នាក់ឈ្មោះ ហួត ធុរះ ខណះជនរងគ្រោះអង្គុយ លើម៉ូតូចាំមិត្តភក្តិឈឺនោម បន្ទាប់ពីពួកគេចេញ<br />ពីឌីស្កូ បណ្តាលឲ្យរងរបួស ទើបត្រូវកម្លាំង អ ហ ក្រុងប៉ោយប៉ែតយើង ធ្វើការឃាត់ខ្លួនតែម្តង។</p>
<p>ក្រោយសួរនាំជនសង្ស័យ ត្រូវបានបញ្ជូនទៅទីបញ្ជាការ អ ហ ខេត្តបន្ទាយមានជ័យ ដើម្បីឲ្យ<br />ការិយាល័យជំនាញ កសាងសំណុំរឿង បញ្ជូនទៅ តុលាការ ចាត់ការតាមច្បាប់ ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-011/Hong-0022.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>