<p><strong>រតនគិរីៈ</strong> លំនៅដ្ឋានប្រជា ពលរដ្ឋមួយកន្លែង ត្រូវបានឆាបឆេះយ៉ាង សន្ធោសន្ធៅបែកផ្កាភ្លើង<br /> កាលពីវេលាម៉ោង ៨ និ០៥នាទី ព្រឹកថ្ងៃទី៤ ខែមករា ឆ្នាំ២០១៣។ ក្នុងប្រតិបត្តិការជួយពន្លត់<br />អគ្គិភ័យ នេះគេសង្កេតឃើញ កម្លាំង នគរបាលនៃស្នង ការដ្ឋានខេត្តរតនគិរី កងកម្លាំងប្រដាប់<br />អាវុធ ចំណុះក្រុងបានលុង រួមទាំងអាជ្ញាធរ មូលដ្ឋានផងដែរ។</p>
<p>ប្រភពពីអាជ្ញាធរមូលដ្ឋាន បានឲ្យដឹងថា ម្ចាស់ផ្ទះមានឈ្មោះថុល យួកពុង អាយុ៤៥ឆ្នាំ មុខរបរ<br /> ជាមន្ត្រីរាជការ មន្ទីរវប្បធម៌ខេត្តរតនគិរី និងប្រពន្ធឈ្មោះ សឿន ស៊ីថា អាយុ៤០ឆ្នាំ មុខរបរលក់<br />ដូរឥវ៉ាន់នៅផ្ទះ។</p>
<p>លោក ចាន់ ថាវី ស្នងការរងទទួលបន្ទុកអង្គភាពពន្លត់អគ្គិភ័យបានថ្លែងប្រាប់ឲ្យដឹងថា ក្នុងប្រតិ<br />បត្តិការ ជួយពន្លត់អគ្គិភ័យនេះ កម្លាំងរបស់លោកប្រើប្រាស់រថយន្តបាញ់ទឹក ចំនួន២គ្រឿងជួយ<br />អន្តរាគមន៍។ ប៉ុន្តែផ្ទះឈើមួយខ្នង ស្ថិតនៅក្នុងភូមិជ័យជំនះ សង្កាត់ឡាបានសៀក ក្រុងបានលុង<br /> ត្រូវបានភ្លើង អគ្គិភ័យលេបត្របាក់ស្ទើរមួយរយភាគរយទៅហើយ។</p>
<p>លោកបន្តទៀតថា ដោយសារកម្លាំងរបស់យើងមានការសហការគ្នាល្អ ទើបបណ្តាលឲ្យការជួយអន្តរាគមន៍ពន្លត់អគ្គិភ័យនេះគ្រប់គ្រងស្ថានភាពបានទាំងស្រុងនៅប្រ<br />ហែល កន្លះម៉ោងក្រោយមក សំណាងល្អមិនរាលដាលដល់លំនៅដ្ឋានក្បែរនោះ ដែលមាន<br />ហាងលក់គ្រឿង សំណង់ដ៏ធំទៀតផង។</p>
<p>ស្នងការរងទទួលបន្ទុកអង្គភាពអគ្គិភ័យរូបនេះបន្ថែមទៀតថា ចំពោះទ្រព្យសម្បត្តិដែលខូចខាត<br />ក្នុង គ្រោះ អគ្គិភ័យខាងលើនេះ យើងមិនទាន់ដឹងតួលេខនៅឡើយទេ ហើយលោកបានធ្វើការ<br />ផ្តាំផ្ញើដល់ប្រជាពលរដ្ឋ ពេលចាកចេញពីលំនៅដ្ឋានត្រូវត្រួតពិនិត្យ ខ្សែភ្លើង ចង្ក្រានហ្គាស <br />កន្លែងអុចធូប ទៀនជាដើម។</p>
<p>សូមបញ្ជាក់ផងដែរថា តាមការអះអាងរបស់លោក ថល យួកពុង ដែលជាម្ចាស់ផ្ទះខាងលើ<br /> បាននិយាយថា អគ្គិភ័យនេះកើតឡើងដោយសារ ទុសេ្សខ្សែភ្លើង៕</p>
<p><a class="thickbox" title="" href="/FileManager/Commons/2013/1/4/ch-0043-04-01-2013--11-40-46.jpg"><img src="/FileManager/Articles/mce/2013/1/4/ch-0043-04-01-2013--11-40-46.jpg" alt="" /></a></p>
<p><a class="thickbox" title="" href="/FileManager/Commons/2013/1/4/ch-0041-04-01-2013--11-40-58.jpg"><img src="/FileManager/Articles/mce/2013/1/4/ch-0041-04-01-2013--11-40-58.jpg" alt="" /></a></p>
<p><a class="thickbox" title="" href="/FileManager/Commons/2013/1/4/ch-0039-04-01-2013--11-41-12.jpg"><img src="/FileManager/Articles/mce/2013/1/4/ch-0039-04-01-2013--11-41-12.jpg" alt="" /></a></p>
<p><a class="thickbox" title="" href="/FileManager/Commons/2013/1/4/ch-0044-04-01-2013--11-41-23.jpg"><img src="/FileManager/Articles/mce/2013/1/4/ch-0044-04-01-2013--11-41-23.jpg" alt="" /></a></p>
<p> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>