<p><strong>សហរដ្ឋអាមេរិក ៖</strong> មូលហេតុ ដែលបានបណ្តាលអោយស្រ្តីជាម្តាយកូនពីរ ស្លាប់បាត់បង់<br /> ជីវិត ទំនងមកពីការចាក់ថ្នាំ ដែលបានផ្តល់ដោយលោកវេជ្ជបណ្ឌិត បន្ទាប់ពីមានការវះកាត់<br /> គូថ តែទោះជាយ៉ាងណា មកទល់នឹងពេលនេះ ករណីមួយនេះ ក៏កំពុងស្ថិតនៅក្រោមការ<br /> តាមដានស៊ើបអង្កេតនៅឡើយ របស់ក្រុមមន្រី្តជំនាញ មកពីរដ្ឋ Florida នេះបើតាមការ<br /> អោយដឹង ពីគេហទំព័រសារព័ត៌មានបរទេសអាស៊ីវ័ន ដែលទើបតែបានចេញផ្សាយកាលពី<br /> ពេលកន្លងទៅនេះ។</p>
<p>យ៉ាងណាមិញ បើយោងតាមរបាយការណ៍ដែលបានផ្តល់ដោយ Fox News Latino អោយ<br /> ដឹងថា ស្រ្តីជាម្តាយកូនពីររូបនេះ មានឈ្មោះ Suyima Torres វ័យ ២៨ ឆ្នាំ បានស្លាប់បាត់<br /> បង់ជីវិត កាលពីថ្ងៃទី ១១ មេសា កន្លងទៅ បន្ទាប់ពីទទួលការវះកាត់គូថ បរាជ័យ ស្រប<br /> ពេលដែលនាងបានចំណាយលុយដល់ទៅ ២,៣០០ ដុល្លារ សម្រាប់និតិវិធីក្នុងការវះកាត់<br />មួយនេះទៅអោយគ្លីនីក Cuerpos Health and Aesthetics ។</p>
<p><a class="thickbox" title="" href="/FileManager/Commons/2013/6/26/afpbuttimplant-26-06-2013--10-08-49.jpg"><img src="/FileManager/Articles/mce/2013/6/26/afpbuttimplant-26-06-2013--10-08-49.jpg" alt="" width="439" height="285" /></a></p>
<p>យ៉ាងណាមិញ បើយោងតាមសម្តីសាក្សីអោយដឹងថា លោកស្រី Suyima Torres បាន<br />ស្លាប់បាត់បង់ជីវិត នៅឯមន្ទីរពេទ្យ បន្ទាប់ពីនាងខ្ញុំ បានបញ្ជូនគាត់មកកាន់ទីនេះ ខណៈ<br />ពេលដែលឃើញនាងដួលសន្លប់ នៅឯផ្សារទំនើប ស្របពេលដែលមានអាកាសធាតុក្តៅ<br />ហែង ។</p>
<p>តែទោះជាយ៉ាងណា ក្រុមមន្រ្តីជំនាញ ក៏កំពុងចេញប្រតិបត្តិការ ក្នុងការតាមដានស៊ើប<br />អង្កេតរបស់ខ្លួន ដោយនឹងមានការសាកសួរ ពីម្ចាស់គ្លីនីក Cuerpos Health and Aesthet-<br />ics បន្ទាប់ពីមានការបដិសេធ មិនចូលខ្លួនមកបំភ្លឺរឿងក្តីមួយនេះ៕</p>
<p style="text-align: right;">ដោយ ៖ ពិសី<br />ប្រភព ៖ អាស៊ីវ័ន</p>