<p><strong>ភ្នំពេញ៖ </strong>ថ្មីៗនេះរំដួលក្រចេះ សុគន្ធ នីសា ត្រូវបានប្រភពមួយ ទម្លាយថា ធ្លាប់ជាក្មេងលក់<br />បុកល្ហុង នៅខេត្តក្រចេះ តែព័ត៌មាននេះ មិនទាន់មានការ បកស្រាយពីនាង នៅឡើយទេ ។ <br />ជាការពិតបន្ទាប់ពី ចែកចានចែកឆ្នាំង ជាមួយកវីអភ័ព្វស្នេហ៍ សុខ ជំនោរ រួចមក នាងក៏អស់<br />ទំនាក់ទំនង ជាមួយសារព័ត៌មាន ព្រោះកាលពីនៅផ្អែមល្ហែម ជាមួយមួយគ្នា លោក សុខ ជំនោរ<br /> បានដើរតួនាទី ជាអ្នកនាំពាក្យ ឲ្យ នីសា គ្រប់ពេលវេលា។ តែពេលនេះគ្មានអ្នកនាំពាក្យទេ ដូច<br />នេះចង់ឲ្យនាង បកស្រាយរឿងអ្វីមួយ មិនមែនងាយស្រួលឡើយ ស្របពេល សុគន្ធ នីសា កំពុង<br />មានព័ត៌មានស្នេហា ដ៏ក្ដៅគគុកទៀតផងនោះ ដូចនេះរឹតតែពិបាកទ្វេដង ។</p>
<p>ប្រភពកៀកកិតនឹង សុគន្ធ នីសា បាននិយាយប្រាប់ LookingTODAY ថា គួរឲ្យចង់សើចណាស់..<br /> ព្រោះ សុគន្ធ នីសា អ្នកណាក៏ដឹងថា នាងធ្លាប់ជាក្មេងលក់បុកល្ហុង ព្រោះនាងធ្លាប់និយាយជា<br />ហូរហែ តាមកម្មវិធីសម្ភាសន៍ ក្នុងកញ្ចក់ទូរទស្សន៍នានា ។ បើចង់សរសេរគួរតែសរសេរ ឲ្យ<br />បានលំអិតជាងនេះបន្តិច ។ គេនៅចាំបានថា បន្ទាប់ពីឪពុកចែកឋានទៅ សុគន្ធ នីសា បានទៅ<br />ធ្វើជាអ្នកផ្ដល់ព័ត៌មាន នៅសាលាអង់គ្លេសមួយ នៅខេត្តស្ទឹងត្រែង ដោយចិត្តស្រឡាញ់សិល្បៈ <br />នាងក៏ឈប់ពីសាលានោះ រួចក៏ចូលច្រៀង នៅភោជនីយដ្ឋានមួយ។</p>
<p>តែពេលនោះ ភ័ព្វសំណាងរបស់ សុគន្ធ នីសា បែរត្រូវបានទទួលការមើលងាយ ពីសំណាក់ស្ដ្រី<br />ជាភរិយាម្ចាស់ហាង ដោយបានចោទនាងទាំងខុសទំនងថា បានលួចទាក់ទងជាមួយនឹងស្វាមី<br />គាត់ ។ តាមពិត សុគន្ធ នីសា ជាមនុស្សស្អាតស្អំ មិនបានប្រព្រឹត្តអំពើថោកទាបបែបនោះទេ ដូច<br />នេះនាង ក៏មិនអាចទ្រាំបាន ក៏ចាកចេញពីស្ទឹងត្រែងមកភ្នំពេញ ដោយមានលោក ខាំ ភូរិ ជាអ្នក<br />ជ្រោងចូលសិល្បៈ។</p>
<p>ក្រោយមក សុគន្ធ នីសា ក៏ស្គាល់លោក សុខ ជំនោរ ជាអ្នកនិពន្ធ និងដឹកនាំសម្ដែង ក៏បង្កើតជា<br />ចំណងស្នេហ៍ដ៏កម្សត់កម្រជាច្រើនឆ្នាំ តែចុងក្រោយសល់ពាក្យមួយ នាងបោះឲ្យលោក សុខ <br />ជំនោរ ថា “និស្ស័យស្នេហ៍ទឹកនឹងប្រេង” ។ ទោះជាយ៉ាងណា សុគន្ធ និសា នៅតែចាត់ទុកជា<br />នារីម្នាក់ ដែលរឹងមាំខ្លាំង ព្រោះនាងហាក់ឆ្លងកាត់ព្យុះភ្លៀងជាច្រើន តែនាងនៅតែរឹងមាំ មិនចុះ<br />ចាញ់ងាយៗឡើយ ។ បច្ចុប្បន្ន សុគន្ធ នីសា ក្លាយជាថៅកែហាងបីកន្លែង និងមានផ្ទះទំនើបមួយ<br /> រស់នៅយ៉ាងសុខស្រួល ។ ចំណែករឿងរ៉ាវស្នេហា វិញហាក់គ្មានស្រមោលទេ ទោះជានាងមាន<br />វ័យ៣២ឆ្នាំទៅហើយក្ដី ៕</p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0648.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0649.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0650.jpg" alt="" width="470" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>