<p><strong>ភ្នំពេញ៖</strong> តារាសម្តែងវ័យក្មេងមុខដូចកូនកាត់ចិន កញ្ញា ជួប ស្រីពៅ ដែលមានឈ្មោះ នៅក្នុង<br />សិល្បៈហៅថា ណាណា ទើបតែប្រឡូកបានប្រមាណតែ ២ឆ្នាំប៉ុណ្ណោះ ចាប់តាំងពីនាងបរាជ័យ<br /> ក្នុងការប្រកួតកញ្ញាឯក Freshie Girl ឆ្នាំ2011 មក ។ តែទោះជាយ៉ាងណា បច្ចុប្បន្នមហាជន និង<br />ស្រទាប់យុវវ័យមើលឃើញថា តារាសម្តែងវ័យក្មេងសាច់សរសម្បូរមន្តស្នេហ៍រូបនេះ ហាក់លេច<br />មុខជាច្រើន តាមរយៈការសម្តែងខារ៉ាអូខេបទចម្រៀង នៅតាមបណ្តាផលិតកម្មក្នុងស្រុកធំៗមួយ<br />ចំនួន ។</p>
<p>ចាប់តាំងពីស្រីស្រស់ ណាណា បានបណ្តែតខ្លួនចូល ប្រឡូកក្នុងសិល្បៈមក នាងហាក់ទទួលបាន<br />ការសម្តែង ស្ទើរគ្រប់ផលិតកម្មទាំងអស់ នៅក្នុងស្រុកខ្មែរ ។ ជាក់ស្តែងដូចជាផលិតកម្ម ហង្សមាស<br /> សាន់ដេ ថោន អឹម រ៉ុក ប៊ិកមេន និងបណ្តាផលិតកម្មមួយចំនួនទៀត ។</p>
<p>ចំពោះប្រជាប្រិយភាព និងការគាំទ្រនៅក្នុងសិល្បៈ របស់បុប្ផាក្រពុំ មានដើមកំណើតនៅលើទឹកដី<br />ខេត្តកោះកុង ណាណា វិញ នាងត្រូវបានមហាជនទូទៅ និងមិត្តៗស្រទាប់យុវវ័យស្គាល់ច្រើន តាម<br />រយៈការសម្តែងខារ៉ាអូខេ ក្នុងបទចម្រៀងមួយចំនួន ដែលមានដូចជាបទ "ឈឺឡើងលែងចង់ឈឺ " <br />របស់ អាន គុណកូឡា និងបទ "នៅក្បែរគេយូរទៅ អូនគង់ភ្លេចបង" របស់លោក ណាំ ប៊ុណ្ណារ័ត្ន <br />នៅក្នុងផលិតកម្ម ថោន ។ មិនតែប៉ុណ្ណោះ ជួប ស្រីពៅ ក៏ត្រូវបានគេស្គាល់យ៉ាងច្បាស់បវន្ថែមទៀត<br /> តាមរយៈស្ពតពាណិជ្ជ កម្ម របស់ក្រុមហ៊ុនទូរស័ព្ទ qb និងស្ពតពាណិជ្ជកម្មម៉ូតូ Suzuki Nex ។</p>
<p>ហេតុតែការស្រឡាញ់សិល្បៈ បើទោះបីជាមិនទទួលបានជ័យលាភី ក្នុងកម្មវិធីប្រឡងកញ្ញាឯក<br /> Freshie Girl ឆ្នាំ2011 ក្តី ក៏តារាសម្តែងរាងតូចច្រឡឹងវ័យក្មេង ជួប ស្រីពៅ មិនបោះបង់ឱកាស<br />សិល្បៈដែរ ពោលគឺនាង នៅតែឈ្មុសឈ្មុល នៅក្នុងពិភពសិល្បៈនេះដដែល បើទោះបីជានាង<br />ដឹងថា ពិភពមួយនេះពោរពេញទៅដោយការប្រកួតប្រជែងយ៉ាងណាក្តី ។ តែទោះជាយ៉ាងណា<br />ការតស៊ូរបស់នាង ហាក់កំពុងតែទទួលបានជោគជ័យជាង ៧០ភាគរយ មកហើយ ព្រោះនាងត្រូវ<br />បានបណ្តាផលិតកម្មតូច ធំទាក់ទងឲ្យនាងសម្តែងជាញឹកញាប់ ។</p>
<p>ដោយឡែកតារាសម្តែងរូបស្រស់សោភាកញ្ញា ណាណា មិនត្រឹមតែជាតារាសម្តែងនិ ងម៉ូដែល<br />ប៉ុណ្ណោះទេ នាងថែមទាំងមានមហិច្ចតា ចង់ច្រៀងភាសាបរទេស នៅលើឆាកតន្រ្តី ដើម្បីបង្ហាញ<br />ទៅដល់មហាជនបានស្តាប់ទៀតផង ។</p>
<p>ជុំវិញមហិច្ចតារបស់តារាសម្តែងវ័យ ២២ឆ្នាំ ជួប ស្រីពៅ នាងបាននិយាយរៀបរាប់ ប្រាប់គេហទំព័រ<br /> LookingTODAY ទាំងលាយឡំនឹងសំណើចថា នាងអាចនិយាយ និងច្រៀងភាសាបរទេសបានល្អ ។<br /> ណាណា បានបន្តថា"ភាសាដែលខ្ញុំអាចនិយាយ និងច្រៀងបាន គឺមានភាសាថៃ និងភាសាអង់គ្លេស ។</p>
<p>តាមពិតទៅខ្ញុំ ចង់ហាត់ពត់សំឡេង ដើម្បីច្រៀងនៅលើឆាកតន្ត្រីដែរ ប៉ុន្តែដោយសារបច្ចុប្បន្ន ខ្ញុំអត់<br />ទាន់មានឱកាស ព្រោះការងារសិល្បៈរបស់ខ្ញុំ កំពុងតែជាប់រវល់ច្រើន ហើយខ្ញុំជាប់ធ្វើការក្រុមហ៊ុន<br />ផងដែរ" ។</p>
<p>គួរបញ្ជាក់ថា កញ្ញា ជួប ស្រីពៅ ហៅ ណាណា គឺជាអតីត Freshie Girl ឆ្នាំ២០១១ជាប់ក្នុងចំនោម<br />បេក្ខជន២០នាក់ បច្ចុប្បន្ននាងរស់នៅក្នុងរាជធានីភ្នំពេញ បានព្យួរការសិក្សាក្នុងឆ្នាំទី២ នៃវិទ្យាស្ថាន<br />វ៉ាន់ដានិងមានបងប្អូនបង្កើត ចំនួន៣នាក់ ស្រី២នាក់ ប្រុស១នាក់ ។ ណាណា ជាកូនទី២នៅក្នុងគ្រួសារ ៕</p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0279.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0280.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0281.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0282.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0283.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0284.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>