<p>ក្រោយការបំផ្ទុះគ្រាប់បែកជាបន្តបន្ទាប់នៅអឺរ៉ុប ក្រុមរដ្ឋអ៊ីស្លាម ក៏បានវាយប្រហារនៅប្រទេស<br />បង់ក្លាដែស ដែលជាប្រទេសមួយនៅតំបន់អាស៊ីខាងត្បូង។</p>
<p>ក្រោយពីបានបរាជ័យជាច្រើនលើក នៅប្រទេសអ៊ីរ៉ាក់ និងស៊ីរី ថ្មីៗនេះ ក្រុម IS បន្តធ្វើឱ្យកក្រើក<br />ពិភពលោក ដោយការវាយប្រហារទៅលើហាងកាហ្វេមួយកន្លែងនៅក្រុងដាកា ប្រទេសបង់ក្លាដែស<br /> កាលពីថ្ងៃទី ១កក្កដាកន្លងទៅ បណ្ដាលឱ្យមានមនុស្សស្លាប់យ៉ាងតិច ២០នាក់ ក្នុងនោះភាគច្រើន<br />គឺជាជនបរទេស។</p>
<p style="text-align: center;"><a class="thickbox" title="" href="/FileManager/Commons/2016/7/4/bang0-04-07-2016--11-27-54.JPG"><img src="/FileManager/Articles/mce/2016/7/4/bang0-04-07-2016--11-27-54.JPG" alt="" /></a></p>
<p>នាយករដ្ឋមន្ត្រី បាងក្លាដែស លោក Sheikh Hasina កាលពីថ្ងៃទី ២កក្កដា បានប្រកាសធ្វើពិធី<br />រលឹកវិញ្ញាណក្ខន្ធចំនួនពីរថ្ងៃ ចាប់ពីថ្ងៃនេះ (៤កក្កដា) ដើម្បីរំលឹកដល់ជនរងគ្រោះក្នុងអំពើភេរវ<br />កម្ម។</p>
<p>នាយករដ្ឋមន្ត្រី Sheikh Hasina មានប្រសាសន៍ថា អ៊ីស្លាមគឺជាសាសនាសន្តិភាពមួយ ហើយគេ<br />មិនគួរធ្វើឱ្យប៉ះពាល់ដល់សាសនានេះ ដោយអំពើដែលនាំឱ្យមានការសងសឹក និងការសម្លាប់<br />ជនគ្មានទោសកំហុសនោះឡើយ។</p>
<p>នាយករដ្ឋមន្ត្រី Sheikh Hasina អះអាងថា បង់ក្លាដែស នឹងតស៊ូ ប្រឆាំងនឹងភេរវកម្ម គ្រប់រូបភាព<br /> ៖ “ក្រុមភេរវកម្មនេះ មិនមានសាសនានោះទេ។ ពួកគេមិនបួងសួង តែផ្ទុយទៅវិញ ពួកគេបែរជា<br />ទៅសម្លាប់ប្រជាជនស្លូតត្រង់។ ពួកវាបានបំផ្លាញសន្តិភាពរបស់បង់ក្លាដែស ហើយយើងក៏នឹង<br />មិនអនុញ្ញាតឱ្យពួកវា មានវត្តមាននៅបង់ក្លាដែសនោះដែរ។ កងទ័ពបង់ក្លាដែសកំពុងតែប្រយុទ្ធ<br />ប្រឆាំងនឹងអំពើភេរវកម្មនេះ”។</p>
<p>បណ្ដាប្រទេសពាក់ពាន់កំពុងតែធ្វើការជាមួយសមត្ថកិច្ចបង់ក្លាដែស ដើម្បីកំណត់អត្តសញ្ញាណ<br />របស់ជនរងគ្រោះ។ ប្រទេសអ៊ីតាលីប្រកាសថា ពលរដ្ឋរបស់ខ្លួនចំនួន ៩នាក់ បានស្លាប់ក្នុងករណី<br />ភេរវកម្មនេះ ចំណែករាជរដ្ឋាភិបាលជប៉ុន បានទទួលស្គាល់ថា ប្រជាជន ៧រូបរបស់ខ្លួន បានស្លាប់<br />ក្នុងករណីចាប់ជំរិតនៅបង់ក្លាដែស។</p>
<p>នាយករដ្ឋមន្ត្រីជប៉ុន Shinzo Abe បានហៅការវាយប្រហារនេះថា ជាអំពើមិនអាចលើកលែង ៖<br /> “ខ្ញុំថ្កោលទោសយ៉ាងខ្លាំងក្លា ចំពោះអំពើភេរវកម្មទៅលើពលរដ្ឋស្រូតត្រង់។ នេះគឺជាអំពើដែល<br />មិនអាចលើកលែងទោសនោះទេ”។</p>
<p>ក្រៅពីនេះ អាមេរិកក៏បានទទួលស្គាល់ថា ពលរដ្ឋម្នាក់របស់ខ្លួនក្នុងចំណោម ជនរងគ្រោះ ២០នាក់<br /> បានស្លាប់ ក្នុងករណីវាយប្រហារនៅបង់ក្លាដែស។ ទន្ទឹមនឹងនេះ អាមេរិក ក៏ស្នើឱ្យបង់ក្លាដែសទទួលយកជំនួយពីអាមេរិកដើម្បីប្រយុទ្ធប្រឆាំងនឹងក្រុមភេរវកម្ម។</p>
<p>អ្នកជំនាញខាងប្រឆាំងអំពើភេរវកម្មមួយចំនួន យល់ថា បើទោះក្រុម IS បានចេញមកប្រកាសថា ខ្លួនជាអ្នកនៅពីក្រោយការវាយប្រហារនេះ ប៉ុន្តែ នេះគ្រាន់តែជាយុទ្ធសាស្ដ្រមួយដើម្បីអូសទាញ<br />ក្រុមប្រដាប់អាវុធអ៊ីស្លាមនៅបង់ក្លាដែស ឱ្យចូលរួមជាមួយអង្គការរបស់ខ្លួនតែប៉ុណ្ណោះ។</p>
<p style="text-align: center;"><a class="thickbox" title="" href="/FileManager/Commons/2016/7/4/bang-04-07-2016--11-24-16.jpg"><img src="/FileManager/Articles/mce/2016/7/4/bang-04-07-2016--11-24-16.jpg" alt="" /></a></p>
<p style="text-align: center;">កម្លាំងប្រដាប់អាវុធ កំពុងឡោមព័ន្ធតំបន់ជុំវិញហាងកាហ្វេ បន្ទាប់ពីមានការបំផ្ទុះគ្រាប់បែកអត្តឃាត<br /><br /></p>
<p>មន្ដ្រីរដ្ឋាភិបាលមួយចំនួនរបស់បង់ក្លាដែស ក៏បានចេញមកបដិសេធអំពីវត្តមានរបស់ក្រុម IS នៅ<br />ក្នុងប្រទេសនេះ ដោយយល់ថា អ្នកនៅពីក្រោយការវាយប្រហារនេះ គឺជាស្នាដៃរបស់ក្រុមអ៊ីស្លាម<br />ជ្រុលនិយមក្នុងប្រទេស។</p>
<p>យ៉ាងនេះក្ដី បណ្ដារូបថតដ៏គួរឱ្យខ្លាច នៅឯហាងកាហ្វេ ដែលត្រូវបានវាយប្រហារនេះ បានឱ្យ<br />យើងដឹងថា ក្រុមរដ្ឋអ៊ីស្លាម បានបង្ហាញវត្តមានរបស់ខ្លួននៅអាស៊ីខាងត្បូង។ អ្នកជំនាញប្រឆាំង<br />ភេរវកម្មក៏បានព្រមានថា បន្ទាប់ពីការវាយប្រហារដ៏កក្រើកនៅអឺរ៉ុប ក្រុមរដ្ឋអ៊ីស្លាម កំពុងតែស្វែង<br />រកវិធីដើម្បីបើកការវាយប្រហារមកកាន់តំបន់អាស៊ីខាងត្បូងផងដែរ៕</p>
<p style="text-align: right;">ប្រែសម្រួល ៖ បុត្រា</p>