<div class="article-content">
<p><strong>ភ្នំពេញ៖ </strong>នារីម្នាក់ខណៈ កំពុងអង្គុយចុច ទូរស័ព្ទលេង តែម្នាក់ឯង នៅលើកាំជណ្តើរ ច្រាំងទន្លេ <br />ស្រាប់តែជនសង្ស័យ ចំនួន៦នាក់ បានមកចាប់ក្រៀក វាយប្លន់យកទ្រព្យសម្បត្តិ រួមមាន ទូរស័ព្ទ<br />២គ្រឿង និង Ipad mini មួយគ្រឿង គិតជាទឹកប្រាក់ ជាង១ពាន់ដុល្លារ តែជនសង្ស័យ២នាក់ ត្រូវ<br />បានប្រជាពលរដ្ឋ នៅក្បែរកន្លែង កើតហេតុ ដេញចាប់បាន ហើយវាយមួយដៃ មួយជើងស្ទើរស្លាប់<br /> មុនពេលប្រគល់ឲ្យ សមត្ថកិច្ចមូលដ្ឋាន ប៉ុស្តិ៍វត្តភ្នំ ។ </p>
<p>ហេតុការណ៍ខាងលើនេះ បានកើតឡើងកាលពី វេលាម៉ោង ៧យប់ថ្ងៃទី៦ ខែកញ្ញា ឆ្នាំ២០១៣ នៅ<br />ចំណុច មាត់ច្រាំងទន្លេ ខាងកើតផ្សាររាត្រី តាមបណ្តោយ ផ្លូវព្រះស៊ីសុវត្ថិ ក្នុងសង្កាត់វត្តភ្នំ ខណ្ឌដូន<br />ពេញ។</p>
<p>ក្រុមចោរប្លន់មិនរើសមុខ ដែលប្រជាពលរដ្ឋចាប់ត្រូវបាន សមត្ថកិច្ចបញ្ជាក់ថា ទី១ឈ្មោះ ឌុច រ៉ា ភេទ<br />ប្រុសអាយុ២២ ឆ្នាំ និងទី២ ឈ្មោះ ខឹម លាភ ភេទប្រុស អាយុ១៧ឆ្នាំ មានទីលំនៅពិតប្រាកដឡើយ។<br /> ចំណែក បក្ខពួក៤នាក់ទៀត រត់គេច ខ្លួនដោយសុវត្ថិភាព ហើយបានយក ទ្រព្យសម្បត្តិរបស់ជនរង<br />គ្រោះ ទៅជាមួយផងដែរ។</p>
<p>ដោយឡែក ជនរងគ្រោះឈ្មោះ លឹម សាំងលី ភេទស្រី អាយុ២០ឆ្នាំ បុគ្គលិក ក្រុមហ៊ុន ឯកជនមួយ <br />មានទីលំនៅ តាមផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ បានរងរបួសខ្លះៗ និងបាត់បង់<br />ទូរស័ព្ទ ដៃម៉ាក Samsung ស៊េរីថ្មី២គ្រឿង និង IPad mini មួយគ្រឿង សរុបជាង១ពាន់ដុល្លារ។</p>
<p>ប្រភពព័ត៌មាន ពីប្រជាពលរដ្ឋ ជិតខាងកន្លែងកើតហេតុនោះ បានឲ្យដឹងថា មុនពេលកើតហេតុគេ <br />ឃើញនារីរងគ្រោះបាន ដើរហាត់ប្រាណ ម្នាក់ឯងមកដល់ ចំណុចកើតហេតុ បានអង្គុយលេង លើ<br />កាំជណ្តើរ មាត់ច្រាំងទន្លេ ហើយភ្លាមៗ នោះជនរងគ្រោះបានយកទូរស័ព្ទ មកចុចលេងស្រាប់តែ <br />មានជនសង្ស័យ ៦នាក់ បានដើរមកចាប់គ្រៀក នារីរងគ្រោះ វាយប្លន់ដណ្តើម យកកាបូបយួរ រួម<br />មាន ទូរស័ព្ទសាំស៊ុង សេរីទំនើប២គ្រឿង និងIPad mini មួយគ្រឿង ហើយព្យាយាមរ ត់គេចខ្លួន ។</p>
<p>ប៉ុន្តែភ្លាមៗនោះ នារីរងគ្រោះរត់តាមពីក្រោយដោយ ស្រែក ឆោឡោថា ចោរៗ ហើយត្រូវបានក្រុម<br /> ប្រជាពលរដ្ឋ ជិតខាងជួយ អន្តរាគមន៍ដេញចាប់បាន បក្ខពួកជនសង្ស័យ២នាក់ ព្រួតវាយ ទាត់ធាក់<br />រហូតទ្រោមខ្លួន ទំរាំសមត្ថកិច្ចមូលដ្ឋាន ចុះមកទទួលយក ជនសង្ស័យ ។</p>
<p>ចំណែក បក្ខជនល្មើស៤នាក់ទៀត ដែលគេចខ្លួនដោយ សុវត្ថិភាពនោះ បានយកទ្រព្យសម្បត្តិ របស់<br />ជនរងគ្រោះទៅជាមួយផងដែរ។ បច្ចុប្បន្ន ជនសង្ស័យទាំងពីរនាក់ ត្រូវបានឃុំខ្លួន នៅអធិការដ្ឋាន <br />នគរបាលខណ្ឌដូនពេញ ដើម្បីចាត់ការ តាមផ្លូវច្បាប់៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0022.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0023.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0024.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>