<p>ពាណិជ្ជកម្មមួយស្តីពី iPhone 6 ដែលមានការរចនាម៉ូត ដូចទៅនឹងរូបភាពចចាមអារាម រួមជាមួយ នឹងព័ត៌មានលក្ខណៈសម្បត្តិមួយចំនួនដូចជា CPU Apple A8 ថាមពលថ្ម 2.100 mAh អេក្រង់ 4,7 inch កំរិតរីសូលុយហ្សិនខ្ពស់ ទើបតែបានលេចចេញនៅលើប្រព័ន្ធអ៊ីនធឺណេត។ </p>
<p>បន្ទាប់ពី China Mobile ពេលនេះដល់វេន China Telecom ដែលជាប្រព័ន្ធទូរស័ព្ទធំជាងគេបំផុតនៅ ចិន បានបង្ហោះនូវរូបភាព និងព័ត៌មានលក្ខណៈសម្បត្តិ ផ្សាយពាណិជ្ជកម្មពី iPhone 6 ដែលជិតធ្វើ ការបង្ហាញណែនាំជាផ្លូវការ នៅប៉ុន្មានថ្ងៃខាងមុខនេះ។ ផ្ទាំងរូបភាពស្តីពី iPhone ជំនាន់ថ្មីរបស់ China Telecom គឺហាក់ដូចជាពាណិជ្ជកម្មជាផ្លូវការមួយ ពេលដែលភ្ជាប់មកជាមួយនូវការបង្ហាញ ណែនាំ ការបំពាក់នូវបណ្តា Hardware លេចធ្លោមួយចំនួន ដែលមាននៅលើផលិតផលថ្មីរបស់ Apple។</p>
<p style="text-align: center;"><a class="thickbox" title="" href="/FileManager/Commons/2014/9/6/screen-shot-2014-09-05-at-12-1-6079-6828-1409971643-06-09-2014--16-35-37.jpg"><img src="/FileManager/Articles/mce/2014/9/6/screen-shot-2014-09-05-at-12-1-6079-6828-1409971643-06-09-2014--16-35-37.jpg" alt="" /></a></p>
<p style="text-align: center;"><em><span style="color: #808080;">រូបភាពពាណិជ្ជកម្មមួយរបស់ ប្រព័ន្ធទូរស័ព្ទចិន ដែលត្រូវបានចចាមអារាម</span></em> </p>
<p class="Normal">បើទោះជាក្នុងរូបភាពពាណិជ្ជកម្ម បានបង្ហាញឲ្យឃើញតែផ្នែកជ្រុងម្ខាង និងផ្នែកខាងលើ នៃស្មាត ហ្វូនក៏ដោយ តែ iPhone 6 របស់ China Telecom គឺមិនមានអ្វីខុសគ្នាច្រើនឡើយ បើប្រៀបជាមួយ រូបភាពចចាមអារាម ដែលបានលេចចេញបន្តបន្ទាប់គ្នា កាលពីពេលកន្លងមក។ រីឯផ្នែកព័ត៌មាន<br />បច្ចេកទេស ក៏បានបង្កឲ្យមានការភ្ញាក់ផ្អើលមួយ នៅពេលដែលពាណិជ្ជកម្ម បានបង្ហាញ និងផ្តោតឲ្យ ដឹងថា iPhone 6 នឹងមានកាមេរ៉ា 3 megapixel នៅផ្នែកខាងមុខ Sensor ស្គែន ក្រយៅដៃ Touch ID ល្អជាងមុន chip 4 core Apple A8 រួមជាមួយនឹងថាមពលថ្ម 2.100 mAh គឺច្រើនជាងប្រហែល ៣០% បើប្រៀបជាមួយ iPhone 5S។</p>
<p class="Normal" style="text-align: center;"><a class="thickbox" title="" href="/FileManager/Commons/2014/9/6/fullscreen-capture-962014-9430-1826-1173-1409971644-06-09-2014--16-37-16.jpg"><img src="/FileManager/Articles/mce/2014/9/6/fullscreen-capture-962014-9430-1826-1173-1409971644-06-09-2014--16-37-16.jpg" alt="" width="471" height="267" /></a></p>
<p class="Normal" style="text-align: center;"><em><span style="color: #808080;">Apple អាចនឹងមិនបង្ហាញណែនាំ iPhone ថ្មីតែមួយម៉ូដែលទេ គឺអាចដល់ទៅពីរម៉ូដែល</span></em></p>
<p class="Normal">ក្នុងពេលដែល China Telecom និយាយតែពី iPhone 6 ម៉ូដែល 4,7 inch ព័ត៌មានមកពីប្រព័ន្ធទូរស័ព្ទ ចល័តមួយផ្សេងទៀត បានបង្ហើឲ្យដឹងថា Apple នឹងបង្ហាញណែនាំ iPhone ថ្មីដល់ទៅពីរម៉ូដែល ផ្សេងគ្នា។ iPhone 6 4,7 inch នឹងមានឈ្មោះថា iPhone Air ក្នុងពេលដែលម៉ូដែលមានអេក្រង់ធំ 5,5 inch ដូច phablet Android នឹងមានឈ្មោះថា iPhone Pro៕</p>
<p class="Normal" style="text-align: right;"> </p>
<p class="Normal" style="text-align: right;">ប្រែសម្រួល៖ សិលា<br />ប្រភព៖ vexpress</p>