<p>ព័ត៌មានអន្តរជាតិ ៖ ចាប់តាំងពីការ ឈ្លានពាន ពីក្រុមសកម្មប្រយុទ្ធ កំពុងតែក្តៅ គគុក នៅប្រទេស អ៊ឺ រ៉ាក់ សហ រដ្ឋអាម៉េរិក ក៏ យល់ព្រមលក់សព្វាវុធ ដែលមានតំលៃ ៧០០ លានដុល្លារ ដោយបូករួម ទាំង គ្រាប់មីស៊ីល ប្រភេទ Hellfire ចំនួន ៥ពាន់គ្រាប់ថែមទៀត ទៅកាន់ទីក្រុងបាកដាដ ។</p>
<p>ដោយផ្អែក តាម សារព័ត៌មាន ស៊ីអិនអិន ទទួលបានសេចក្តីរាយការណ៍ ពី ភ្នាក់ងារ សហប្រតិបត្តិការ ការពារសុវត្ថិភាពអាម៉េរិក ឲ្យដឹងថា រដ្ឋាភិបាល អ៊ឺរ៉ាក់ បានស្នើសុំទិញ កាំជ្រួចមីស៊ីល ដែលអាចបាញ់ ចេញតាម ឧទ្ធម្ភាគចក្រ។</p>
<p><a class="thickbox" title="" href="/FileManager/Commons/2014/7/31/hour-753-31-07-2014--14-10-49.jpg"><img src="/FileManager/Articles/mce/2014/7/31/hour-753-31-07-2014--14-10-49.jpg" alt="" /></a></p>
<p>អ្នកនាំពាក្យរបស់មន្ទីរប៉ង់តាហ្គោនលោក John Kirby បាន ប្រាប់ដល់អ្នកយកការណ៍ថា សហរដ្ឋអាម៉េ រិក បានផ្តល់នូវកាំជ្រួចមីស៊ីល Hellfire ៧៨០ គ្រាប់ ដល់ អ៊ឺរ៉ាក់ម្តងរួចមកហើយ នៅក្នុងខែមករា ហើយ គម្រោងថ្មីនេះនឹងត្រូវបញ្ជូនមីស៊ីល ៣៦៦ គ្រាប់បន្ថែមទៀតនៅក្នុង ខែសីហាខាងមុខនេះ។</p>
<p><a class="thickbox" title="" href="/FileManager/Commons/2014/7/31/mk-co234iraqdeg20140729181636-31-07-2014--14-10-59.jpg"><img src="/FileManager/Articles/mce/2014/7/31/mk-co234iraqdeg20140729181636-31-07-2014--14-10-59.jpg" alt="" /></a></p>
<p>លោក Kirby បានបន្តទៀតថា កាំជ្រួច ដែលនៅសល់ ជាច្រើនទៀត នឹងត្រូវបញ្ជូន មកតាម ក្រោយ ប៉ុន្តែលោកមិនទាន់ មានកាលវិភាគ ច្បាស់លាស់ក្នុងការដឹកបញ្ជូនមកនោះទេ ។កាលពីថ្ងៃចន្ទសប្តាហ៍ នេះ សមាជមួយបានរៀបចំឡើង ហើយបានបង្ហាញថា មានការលក់ សព្វាវុធ បន្ទាប់ពីក្រសួង ការពារ ជាតិ អាម៉េរិកព្រមទទួលសំណើរបស់ប្រទេសអ៊ឺរ៉ាក់។</p>
<p>គួរបញ្ជាក់ផងដែរថា រដ្ឋាភិបាល អ៊ីរ៉ាក់ បានស្ថិតចូលក្នុងសង្គ្រាមប្រដាប់អាវុធជាមួយពួកឧទ្ទាមឥស្លាម បំបែករដ្ឋនៅតាមព្រំដែន អ៊ឺរ៉ាក់ និង ស៊ីរី ដែលពួកទាំងនេះបានគ្រប់គ្រង ទីក្រុងមួយចំនួន មក ហើយ នៅអ៊ីរ៉ាក់ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ដើមអម្ពិល និង ស៊ីអិនអិន</p>