<div class="article-content">
<p><strong>ភ្នំពេញ ៖</strong> ហេតុការណ៍ដ៏សាហាវ មួយបានកើតឡើង កាលពីវេលាម៉ោង ៤ទៀបភ្លឺថ្ងៃទី២៥ ខែសីហា ឆ្នាំ២០១៤ បន្ទាប់ពីមាន មនុស្សមួយ ក្រុមមានគ្នា ប្រមាណជាង១០នាក់ ជិះម៉ូតូជាច្រើនគ្រឿង និងរថយន្ត មួយគ្រឿង ប្រដាប់ដោយកាំបិត ស្នប់ដៃ និងកាំភ្លើង បានព្រួតវាយ និងបាញ់រះទៅលើ យុវជនម្នាក់ ដែលកំពុង ដែលអង្គុយលេងបៀរ នៅតាម បណ្តោយផ្លូវបេតុងមួយកន្លែង ស្ថិតក្នុងក្រុមទី៥ ភូមិទ្រា សង្កាត់ស្ទឹងមានជ័យ ខណ្ឌមានជ័យ ។</p>
<p>យុវជនរងគ្រោះខាងលើ មានឈ្មោះ កង សុជាតិ អាយុ២៤ឆ្នាំ មានមុខរបរ មិនពិតប្រាកដ ជាកូនច្បង ក្នុងគ្រួសារ ស្នាក់នៅជិតកន្លែងកើតហេតុ។</p>
<p>សេចក្តីរាយការណ៍ នៅកន្លែងកើតហេតុ ទាក់ទិននឹងអំពើ បាញ់ប្រហារខាងលើនេះ បានឲ្យដឹងថា នៅមុន ពេលកើតហេតុ គេសង្គេតឃើញ យុវជនរងគ្រោះខាងលើកំពុងតែអង្គុយលេងបៀរ ជាមួយគ្នីគ្នា ដែលរស់ នៅជិតផ្ទះរបស់ខ្លួន លុះមកដល់វេលាកើតហេតុខាងលើ ស្រាប់តែមានមនុស្សមួយ ក្រុម ជិះម៉ូតូស៊េរី ទំនើបជាច្រើនគ្រឿង និងមានរថយន្តមួយគ្រឿង ប្រដាប់ដោយកាំបិត ស្នប់ដៃ និងរួម មានកាំភ្លើងខ្លី មិនស្គាល់ម៉ាកមួយដើមផងដែរ បានធ្វើសកម្មភាពព្រួតវាយ និង លើកកាំភ្លើងបាញ់ស្រោចទៅ លើយុវជន ឈ្មោះ កង សុជាតិចំនួនពីរគ្រាប់បញ្ឆិតក្បាលបណ្តាលឲ្យដួលស្លាប់ភ្លាមៗនៅនឹងកន្លែង កើតហេតុ។ ចំណែកជនបង្កបានព្យាយាមរត់គេចខ្លួនបាត់ស្រមោល ។</p>
<p>ក្រោយកើតហេតុសមត្ថកិច្ចមូលដ្ឋាន បានចុះអន្តរាគមន៍ ដល់កន្លែងកើតហេតុភ្លាមៗ និងធ្វើការ សាក សួរបន្ថែមជុំវិញករណីខាងលើ ដើម្បីស្រាវជ្រាវវែកមុខជនបង្កយកមកផ្តន្ទាទោសតាមផ្លូវច្បាប់។</p>
<p>បើយោងតាមសម្តី របស់សមត្ថកិច្ចបានបង្ហើបថា យុវជនរងគ្រោះខាងលើ គឺជាមុខសញ្ញា របស់សមត្ថកិច្ច ដែលតែងតែបង្កភាព អនាធិបតេយ្យផ្សេងៗនៅក្នុង ភូមិសាស្ត្រសង្កាត់ស្ទឹងមានជ័យ ជារឿយៗ ហើយរូបគេក៏ទើបតែចេញពីពន្ធនាគារ មកមិនបានប្រមាណ២ខែផងដែរ។ បច្ចុប្បន្នសពយុវជនរង គ្រោះត្រូវបាន សាច់ញាតិយកមកតម្ពល់ ធ្វើបុណ្យធ្វើបុណ្យ តាមប្រពៃណីនៅ វត្តនន្ទមុន្នី ៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0520.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0521.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0522.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0523.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/93575-2014-08-25-02-26-08.html" target="_blank">ផ្តល់សិទ្ធដោយ ៖ ដើមអម្ពិល</a></p>