<div class="article-content">
<p><strong>ភ្នំពេញ៖</strong> នៅទីបំផុតតុលាការខ្មែរក្រហម នៅព្រឹកថ្ងៃ ព្រហស្បតិ៍ ទី៧ ខែសីហា ឆ្នាំ២០១៤ បានសម្រេចផ្តន្ទា ទោសអតីតមេដឹកនាំខ្មែរក្រហមទាំងពីររូប ឱ្យជាប់ពន្ធនាគារអស់មួយជីវិត។</p>
<p>មេដឹកនាំក្នុងរបបប្រល័យពូជសាសន៍ដែលមានរយៈពេល ០៣ឆ្នាំ ០៨ខែ និង២០ថ្ងៃ ទំាងពីរនាក់នោះ គឺមាន លោក នួន ជា ដែលគេស្គាល់ថាជាបងធំទី២ និង លោក ខៀវ សំផន ប្រមុខរដ្ឋ នៃរបបកម្ពុជាប្រជាធិបតេយ្យ ក្នុងទសវត្សរ៍ឆ្នាំ៧០។</p>
<p>សាលក្រមនេះ ធ្វើឡើងក្នុងសំណុំរឿង០០២/០១ លើបទឧក្រិដ្ឋកម្ម ប្រឆាំងមនុស្សជាតិ ពាក់ព័ន្ធការជម្លៀស ប្រជាពលរដ្ឋចេញទាំងបង្ខំ នៅថ្ងៃខែមេសា ឆ្នាំ១៩៧៥ និងក្រោយមកទៀតនៅតាមភូមិភាគ និងការកាប់សម្លាប់ ទាហាន សាធារណៈរដ្ឋខ្មែរ នៅទួលពោធិ៍ជ្រៃ ក្នុងខេត្តពោធិ៍សាត់។</p>
<p>មេដឹកនាំខ្មែរក្រហមទាំងពីរ ត្រូវបានតុលាការចាត់ទុកថា ជាជនក្រីក្រ។</p>
<p>លោក ខៀវ សំផន កើតនៅថ្ងៃ ២៧ ខែកក្កដាឆ្នាំ១៩៣១ និងលោក នួន ជា កើតនៅថ្ងៃទី៧ ខែកក្កដា ឆ្នាំ១៩២៦។</p>
<p>របបខ្មែរក្រហមចាប់ផ្តើម ពីថ្ងៃ ១៧ ខែមេសា ឆ្នាំ១៩៧៥ និងបញ្ចប់ នៅថ្ងៃទី ៦ ខែមករា ឆ្នាំ១៩៧៩។</p>
<p><a class="thickbox" title="" href="/FileManager/Commons/2014/8/7/s-124-07-08-2014--11-11-10.jpg"><img src="/FileManager/Articles/mce/2014/8/7/s-124-07-08-2014--11-11-10.jpg" alt="" /></a></p>
<p><a class="thickbox" title="" href="/FileManager/Commons/2014/8/7/kheiv-samphorn-noun-chea-eccc-2013-10-02-e1380723047615-07-08-2014--11-11-17.jpg"><img src="/FileManager/Articles/mce/2014/8/7/kheiv-samphorn-noun-chea-eccc-2013-10-02-e1380723047615-07-08-2014--11-11-17.jpg" alt="" /></a></p>
</div>
<p style="text-align: right;">ផ្តល់សិទ្ធដោយ ៖ ដើមអម្ពិល</p>