<p>ព័ត៌មានអន្តរជាតិ ៖ យ៉ាងហោចណាស់ មនុស្ស ៩ នាក់ បានស្លាប់បាត់បង់ជីវិត ក្រោយពីមានករណី ផ្ទុះអាវុធ នៅឯពន្ធនាគារ មួយកន្លែង រវាងបុរសជា ខ្មាន់កាំភ្លើង និងទណ្ឌិត ឯទៀត នេះបើយោងតាម ការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស CNN ។</p>
<p>គួរបញ្ជាក់ផងដែរថា ករណីផ្ទុះអាវុធ នៅក្នុងពន្ធនាគារ មួយកន្លែងនេះ បានកើតឡើង ចម្ងាយប្រមាន ១២០ ម៉ាយ ភាគនិរតី ក្រុងម៉ិកសិក ប្រទេស ម៉ិកសិក ដោយនៅក្នុងនោះ ពន្ធនាគារ ដែលជាកន្លែង កើតហេតុផ្ទាល់ តែម្តង មានឈ្មោះថា Tuxpan មានទីតាំងស្ថិតនៅក្នុងក្រុង Iguala ។ បន្ថែមពីលើនេះ បើតាមការអោយដឹង ពីការិយាល័យ អគ្ករាជអាជ្ញារដ្ឋ <span id="result_box" lang="km"><span class="hps">Guerrero ធ្វើសន្និសិទសារព័ត៌មានអោយដឹង ថា ករណី ផ្ទុះ អាវុធ លើកនេះ បានកើតឡើង នាវេលា ព្រឹកព្រលឹម ថ្ងៃសុក្រ ម្សិលមិញនេះ ។</span></span></p>
<p><span lang="km"><span class="hps"><a class="thickbox" title="" href="http://camnews.com.kh/FileManager/Commons/2014/1/4/9abb07a54c4b4067f512ae435678249d-04-01-2014--10-19-57.jpg"><img src="http://camnews.com.kh/FileManager/Articles/mce/2014/1/4/9abb07a54c4b4067f512ae435678249d-04-01-2014--10-19-57.jpg" alt="" width="481" height="349" /></a><br /></span></span></p>
<p><span id="result_box" lang="km">មិនត្រឹមតែប៉ុណ្ណោះ សារព័ត៌មានដដែល បន្តអោយដឹងថា ខ្មាន់កាំភ្លើង ដៃប្រដាប់ទៅដោយ កាំភ្លើង ទាំង ៦ រូប បានបន្លំខ្លួន ធ្វើជាមន្រ្តីសាធារណៈ ដោយនៅខណៈនោះ បាននាំទណ្ឌិតថ្មីផ្សេងទៀតចូល ទៅក្នុងពន្ធនាគារ ។ </span>ទន្ទឹមនឹងការបន្លំខ្លួន ចូលទៅក្នុង ពន្ធនាគារហើយនោះ ពួកគេ ក៏បានបើកការ វាយប្រហារ បាញ់រះមកលើ ទណ្ឌិតឯទៀត ក៏ដូចជា ឆ្មាំគុកផងដែរ។ ជាលទ្ធផល ក្រោយពេលប៉ះ ទង្គិច ក្រុមបើកការវាយប្រហារ ៥ នាក់ បានស្លាប់បាត់បង់ជីវិត ខណៈ ទណ្ឌិត ៤ នាក់ផ្សេងទៀត ក៏ បានស្លាប់ដូចគ្នាដែរ។</p>
<p><a class="thickbox" title="" href="http://camnews.com.kh/FileManager/Commons/2014/1/4/2014132150124973420-04-01-2014--10-20-10.jpg"><img src="http://camnews.com.kh/FileManager/Articles/mce/2014/1/4/2014132150124973420-04-01-2014--10-20-10.jpg" alt="" width="482" height="317" /></a></p>
<p>ដោយឡែក បុរសដែលជា សមាជិក ក្រុមវាយប្រហារ ក៏កំពុងតែសម្រាកព្យាបាល នៅឯមន្ទីរពេទ្យ បន្ទាប់ពី គេបានរួចខ្លួនតែម្នាក់ឯង ពីការបាញ់សម្លាប់ ខណៈមកទល់នឹងបច្ចុប្បន្ននេះ គេកំពុងតែប្រ ឈមនឹងការសាកសួរចម្លើយពី ក្រុមមន្រ្តីប៉ូលីស ។ បើតាមរបាយការណ៍ អះអាងថា ការវាយប្រហារ សម្រុកចូល ក្នុងពន្ធនាគារលើកនេះ បំណងពួកគេ គឺចង់លួចរថយន្ត ភីកអាប់ តែទោះជាយ៉ាងណា ការតាមដានស៊ើបអង្កេត នៅតែបន្តមាន នៅឡើយ ពីសំណាក់ មន្រ្តីជំនាញ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ CNN </p>