<p>កាលពីវេលាម៉ោង ១០ ថ្ងៃម្សិលមិញ (ថ្ងៃទី ៦ មីនា) នៅលើគេហទំព័រ Taobao បានធ្វើពិធី លក់ដេញ ថ្លៃ ទូរស័ព្ទចាស់មួយរបស់ តារាសម្តែងដ៏សង្ហាល្បីឈ្មោះរបស់កូរ៉េគឺ លោក Lee Min Ho ។ ទូរស័ព្ទនេះ ត្រូវបានគេដាក់ចេញតំលៃដេញថ្លៃចាប់ផ្តើមដំបូង ចំនួនតែ ៣៨០ យន់ (ប្រហែល ៦២ ដុល្លារ) ប៉ុណ្ណោះ។ ជាក់ស្តែងក្រោយនោះតែ ១៥នាទី មានអ្នកគាំទ្រម្នាក់ បានឲ្យតំលៃដល់ទៅ ១៨៥១៦០ យន់ (ប្រហែលនឹង ៣០២២០ ដុល្លារ) ដើម្បីទិញយកទូរស័ព្ទមួយគ្រឿងនេះ។</p>
<p><a class="thickbox" title="" href="/FileManager/Commons/2014/3/7/lmh1-07-03-2014--18-32-21.jpg"><img src="/FileManager/Articles/mce/2014/3/7/lmh1-07-03-2014--18-32-21.jpg" alt="" /></a></p>
<p>ចំនួនខាងលើនេះ បានឈប់ ទ្រឹងរយះពេល ២ម៉ោង។ បន្ទាប់មកក៏ស្រាប់តែលេចចេញ នូវអ្នកគាំទ្រ ម្នាក់ផ្សេងទៀត បានឲ្យតំលៃ ឡើងដល់ ១៨៥២៦០ យន់ (ប្រហែលនឹង ៣០២៣៧ ដុល្លារ)។ បើតាម អ្នករៀបចំកម្មវិធីដេញថ្លៃ ចំនួនចុងក្រោយនេះ វាលើសពីចំនួនដាក់ចេញ ដល់ទៅ ៤៨៧ ដងឯណោះ។</p>
<p>ចំណែកឯខាងអ្នកតំណែងរបស់ Taobao បានឲ្យដឹងថា ព្រឹត្តិការណ៍ដាក់ដេញថ្លៃរបស់ពួកគេ នឹងបញ្ចប់ នៅថ្ងៃទី ៨ ខែមីនា ស្អែកនេះ ជាមួយនឹងវត្ថុប្រើប្រាស់របស់ អ្នកសិល្បៈល្បីឈ្មោះ ដែលលើកយកមក ដាក់ដេញថ្លៃមានដូចជា សម្លៀកបំពាក់ កាំបិត វែនតា ជាដើម។ ក្នុងនោះ ទូរស័ព្ទរបស់ Lee Min Ho មានភាពលេចធ្លោ ទទួលការចាប់អារម្មណ៍ ច្រើនជាងគេបំផុត។</p>
<p><a class="thickbox" title="" href="/FileManager/Commons/2014/3/7/lmh2-07-03-2014--18-32-40.jpg"><img src="/FileManager/Articles/mce/2014/3/7/lmh2-07-03-2014--18-32-40.jpg" alt="" /></a></p>
<p>គួរបញ្ជាក់ផងដែរថានៅក្នុងទូរស័ព្ទ ដែលបានដាក់ដេញថ្លៃរបស់ Lee Min Ho មានផ្ទុកនូវរូបភាពផ្ទាល់ ខ្លួនរបស់តារារូបនេះ ជាមួយនឹងមិត្តភក្តិ និងអ្នកគាំទ្រ ជាច្រើនសន្លឹក ផងដែរ៕</p>
<div class="content">
<div>
<div style="text-align: right;"><br />ប្រែសម្រួល៖ សិលា<br />ប្រភព៖ kenh14</div>
</div>
</div>