<div class="article-content">
<p><strong>ព្រះសីហនុ ៖</strong> អាជ្ញាធរស្រុកកំពង់សីលា ខេត្តព្រះសីហនុ ដឹកនាំដោយលោក ខេង តេង អភិបាល<br />ស្រុក ចុះត្រួតពិនិត្យស្ថានភាពជំនន់ទឹកភ្លៀង និងសម្រួលចរាចរណ៍ នៅផ្លូវជាតិលេខ៤ បន្ទាប់ពី<br />ភ្លៀងធ្លាក់ មួយមេយ៉ាងធំ កាលពីយប់ទៀបភ្លឺ ថ្ងៃសៅរ៍ ទី២១ ខែកញ្ញា ឆ្នាំ២០១៣ រហូតដល់ព្រឹក<br />ព្រលឹម ថ្ងៃនេះ បានធ្វើឱ្យស្ថាន ភាពផ្លូវ ជាតិ លេខ៤ រងការគំរាមកំហែងលិចលង់ ប្រវែង៥០ម៉ែត្រ <br />កម្ពស់ ៣តឹក ត្រង់ចំណុចគីឡូម៉ែត្រលេខ ១១៦ ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់<br />សីលា ខេត្តព្រះសីហនុ តែទោះបីជាយ៉ាងណា ក៏ចរាចរនៅ ដំណើរការទៅមកធម្មតា។</p>
<p>លោក ខេង តេង បានមានប្រសាសន៍ ប្រាប់ភ្នាក់ងារដើមអម្ពិល ប្រចាំខេត្តព្រះសីហនុ វេលាម៉ោង<br /> ១០និង២៧នាទីថា ជំនន់ទឹកភ្លៀងនេះ កើតឡើងដោយសារតែ ខេត្តព្រះសីហនុ ទទួលរងនូវការធ្លាក់<br />ភ្លៀង រយៈពេលជិត ១សប្តាហ៍ កន្លងមក ហើយជាពិសេស កាលពីយប់មិញ មានភ្លៀងធ្លាក់១មេយ៉ា<br />ងខ្លាំងទៀតនោះ និង ដោយសារតែស្ថានភាព តំបន់នេះ ជាតំបន់ប្រជុំភ្នំផងនោះ ទើបធ្វើឱ្យទឹកភ្លៀង<br />ហូរបុក មកចំណុចនេះតែម្តង ដោយសារតែចំណុចនេះទាប ជាងគេ ។</p>
<p>លោកអភិបាលស្រុក ក៏បានបន្ថែមថា ហេតុការណ៍នេះកើតឡើងតាំងពីម៉ោង ០៧និង៣០នាទីព្រឹក<br /> មកម្ល៉េះ ប៉ុន្តែទឹក បានស្រកខ្លះវិញហើយ កាលពីប៉ុន្មាន ម៉ោងមុននេះ ប៉ុន្តែក្រោយមកផ្ទៃមេឃ ក៏បាន<br />ចាប់ផ្តើមធ្លាក់ភ្លៀងសារជាថ្មីម្តង ទៀតរហូតមកដល់ពេលនេះ បង្កឱ្យទឹកជន់ឡើងវិញ ហើយបើស្ថាន<br />ភាពបែបនេះ បន្តប្រហែលកន្លះម៉ោងទៀត ចរាចរណ៍ នឹងត្រូវកាត់ផ្តាច់ទាំងស្រុង។</p>
<p>លោកអភិបាលស្រុក ក៏បានបញ្ជាក់ផងដែរថា ចំពោះស្ពានស្ទឹងសំរោង មិនទាន់លិចនៅឡើយទេ<br /> ប៉ុន្តែទឹកបានឡើង ត្រឹមធ្មឹមហើយដែរ ដែលជាចំណុច ដែលត្រូវយកចិត្តទុកដាក់ខ្ពស់បំផុតផងដែរ។<br /> ពេលនេះអាជ្ញាធរស្រុកបានដាក់ កម្លាំងនៅចំណុចកើតហេតុ ដើម្បីជួយសម្រួលចរាចរណ៍ ទៅមក<br />ដោយឲ្យ មកម្តងម្ខាងរួចហើយដែរ។</p>
<p>លោកអភិបាលស្រុក ក៏បានបញ្ជាក់ថា ផងដែរថា បើសិនជាមានភ្លៀងធ្លាក់យ៉ាងគំហុក ដូចយប់មិញ<br />ទៀតផ្លូវជាតិ លេខ៤ អាចនឹងរងការលិចលង់ជាមិនខាន ប៉ុន្តែទោះជាយ៉ាង ណាក៏ដោយក៏ក្រុមការ<br />ងាររបស់លោកមិនធ្វេស ប្រហែសឡើយ ដោយបន្តការតាមដាន ជាប់ជាប្រចាំ។</p>
<p>ជាចុងក្រោយលោក ក៏បានផ្តល់យោបល់ថា រាល់អ្នកធ្វើដំណើរពីភ្នំពេញ មកកាន់ខេត្តព្រះសីហនុ<br /> យកល្អគួរធ្វើ ដំណើរតាមផ្លូវជាតិលេខ ៣ តាមខេត្តកំពតវិញ ទើបជាការប្រសើរជាង ៕</p>
<p><a href="/News/Detail/38750/nation-news-1157"><span style="color: #0000ff;">អាន៖ ក្រសួងធនធានទឹក ជូនដំណឹងស្តីពី ស្ថានភាពទឹកជំនន់ទន្លេ មេគង្គ និងជំនន់ទឹកភ្លៀង</span> </a></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0197.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0198.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0199.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0200.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>