<div class="article-content">
<p><strong>ភ្នំពេញ ៖</strong> ក្រោយពីអគ្គនាយក ក្រុម ហ៊ុនដែលរកស៊ីបោកប្រាស់ នាំពលករទៅធ្វើ ការនៅ<br />ប្រទេសកូរ៉េ ត្រូវបានសមត្ថកិច្ចចាប់ ខ្លួន និងតុលាការសម្រេចចោទប្រកាន់ឃុំ ខ្លួន ដាក់ពន្ធ<br />នាគារកាលពីដើមខែកញ្ញាកន្លង ទៅនោះ ឥឡូវមានបាតុភាពថ្មីកើតឡើង ខណៈដែលក្រុម<br />ពលករជាង៥០០នាក់ ដែល ចាញ់បោកលុយរាប់ម៉ឺនដុល្លារ របស់ក្រុម ហ៊ុនមួយនេះនៅ<br />រសៀលថ្ងៃទី១៥ ខែវិច្ឆិកា ឆ្នាំ២០១៣ បាននាំគ្នាមកប្រមូលផ្ដុំតវ៉ានៅ មុខទីស្នាក់ការក្រុមហ៊ុន<br /> ស្ថិតនៅតាម បណ្ដោយផ្លូវលេខ ១៩៧ សង្កាត់ទំនប់ទឹក ខណ្ឌចំការមន ក្នុងគោលបំណង<br />ទាមទារឱ្យ តំណាងក្រុមហ៊ុនមួយនេះ សងលុយមកពួក គេវិញ ។</p>
<p>ក្រុមពលករដែលនាំគ្នាតវ៉ា នៅខាងមុខ ទីស្នាក់ការក្រុមហ៊ុន ដែលខ្លះមកពីតាម បណ្ដា<br />ខេត្ដបាននិយាយថា ក្រោយពីទទួល ព័ត៌មាន និងការផ្សព្វផ្សាយពីការទទួលបាន ឱកាស<br />ទៅធ្វើការនៅប្រទេសកូរ៉េខាងត្បូង ដោយទទួលប្រាក់ខែខ្ពស់ តាមរយៈក្រុមហ៊ុន យូខេនវីន<br /> មួយនេះ ពួកគាត់បាននាំគ្នាមក ដាក់ពាក្យ ដើម្បីសិក្សា និងរៀនភាសាកូរ៉េ ធ្វើយ៉ាងណាអាច<br />ទៅធ្វើការនៅប្រទេសកូរ៉េ បាន ទោះអស់ប៉ុន្មានក៏អស់ទៅ ដែលអ្នកខ្លះ សុខចិត្ដលក់ស្រែ <br />បញ្ចាំដី ប៉ុន្ដែ ទីបំផុតត្រូវ បានចាញ់បោកក្រុមហ៊ុនមួយនេះ ។</p>
<p>ពលករដែលមកតវ៉ាខាងលើនេះ បាន និយាយថាអ្នកខ្លះត្រូវចំណាយលុយ៣០០០ ដុល្លារ<br /> ដោយមិនចាំបាច់ប្រឡងនោះឡើយ គឺរៀនភាសាកូរ៉េ រួចនឹងមានឱកាសទៅបម្រើ ការងារ<br />នៅប្រទេសកូរ៉េដែលជាក្រុមវីអាយភី ក្នុងនោះត្រូវបង់ថ្លៃធ្វើលិខិតឆ្លងដែន ចំនួន២៦៥ដុល្លារ<br /> និងថ្លៃបង់ចូលរៀនភាសា កូរ៉េរយៈពេលមួយសបា្ដហ៍ ១៨០ដុល្លារទៀត ដែលវគ្គវីអាយភីនេះ<br /> មានចំនួន ១៨០នាក់។</p>
<p>ដោយឡែកមួយក្រុមទៀត ដែលហៅ ថា ផ្នែកធម្មតាគឺពលករជាង ៤០០នាក់បាន បង់លុយ<br />អស់ជាច្រើន ដើម្បីចូលរៀន និង ប្រឡងភាសាកូរ៉េ ប៉ុន្ដែ ចុងក្រោយលុយក៏ អស់ ហើយមិន<br />មានឱកាសទៅធ្វើការនៅ កូរ៉េទៀត ថែមទាំងជំពាក់លុយគេត្រូវសង ការប្រាក់វ័ណ្ឌក ។</p>
<p>ពលករទាំងនេះ សូមឱ្យតំណាងក្រុមហ៊ុន បើទោះបីមិនបានសងលុយទាំងអស់ ប៉ុន្ដែ អាច<br />សងជាដំណាក់កាល ក្នុងមួយខែ ៥០ ដុល្លារ ឬមួយខែ ១០០ដុល្លារ ក៏ពួកគេអាច ទទួល<br />យកបាន ។ យ៉ាងណាក៏ដោយ ចំពោះ ការតវ៉ារបស់ពលករ ជាង ៥០០នាក់ នៅ មុខទីស្នាក់<br />ការក្រុមហ៊ុនខាងលើនេះ គិត ត្រឹមវេលាម៉ោង ៣រសៀល ថ្ងៃទី១៥ ខែ វិច្ឆិកា ឆ្នាំ ២០១៣ នេះ<br /> ខាងតំណាងក្រុម ហ៊ុន មិនទាន់ចេញមកចរចាជាមួយ ពលករ នៅឡើយទេ ខណៈដែល<br />អគ្គនាយករបស់ ខ្លួន ឈ្មោះ អួន សារ៉ាត់ អាយុ ៣០ឆ្នាំស្នាក់ នៅផ្ទះលេខ ១៦បេ ផ្លូវលេខ<br /> ២៣០ សង្កាត់ ទឹកល្អក់ទី៣ ខណ្ឌទួលគោក និងប្រធានទី ផ្សាររបស់ខ្លួន ឈ្មោះ គឹម សុផាត<br /> អាយុ ២៩ឆ្នាំ ត្រូវបានចាប់ខ្លួន និងត្រូវបានតុលា ការសម្រេចឃុំខ្លួនដាក់ពន្ធនាគារ កាលពី <br />ដើមខែ កញ្ញា ឆ្នាំ ២០១៣ កន្លងទៅ ។</p>
<p>សូមបញ្ជាក់ថា ការចាប់ខ្លួនអគ្គនាយក ក្រុមហ៊ុន និងប្រធានទីផ្សារខាងលើនេះបាន <br />ធ្វើឡើង តាមពាក្យ បណ្ដឹងរបស់ក្រសួងការ ងារ កាលពីខែមិថុនា ឆ្នាំ ២០១៣ ។</p>
<p>យោងតាមពាក្យបណ្ដឹង របស់តំណាង ក្រសួងការងារបានឱ្យដឹងថា កាលពីខែមិថុនា <br />ឆ្នាំ២០១៣ កន្លងទៅ ក្រសួងការងារបាន រកឃើញមនុស្សមួយក្រុម បានបង្កើតក្រុម <br />ហ៊ុនចាត់តាំង ប្រព្រឹត្ដអំពើឆបោកដោយ បានប្រើឧបាយកលឃោសនា តាមប្រព័ន្ធ <br />ទំនាក់ទំនងហ្វេសប៊ុក ស្ដីពីដំណឹងជ្រើសរើស បុគ្គលិក ពលករ ពលការិនី ទៅបម្រើការ<br /> ងារ នៅប្រទេសកូរ៉េ ហើយចាប់ផ្ដើមឱ្យ ក្រុមហ៊ុនរបស់ខ្លួន ដែលមានឈ្មោះ គឹម សុផាត<br /> អាយុ ២៩ឆ្នាំ ជាប្រធានផ្នែកទីផ្សារ លើកស្លាក និងបោះផ្សាយខិត្ដប័ណ្ណដើម្បី អូសទាញ<br />ប្រជាពលរដ្ឋស្លូតត្រង់ ជឿទុកចិត្ដ លើសកម្មភាពរបស់ខ្លួនថា បានសិទ្ធិពីក្រុមហ៊ុនធំៗ<br /> និងរោងចក្រឧស្សាហកម្មទំនើបៗ ត្រូវការជ្រើសរើសបុគ្គលិកទាំង ២ភេទឱ្យទៅបម្រើ<br />ការងារ នៅប្រទេសកូរ៉េ ។</p>
<p>ពាក្យបណ្ដឹងខាងលើបានបន្ដថា នៅពេលដែលប្រជាពលរដ្ឋ ទៅធ្វើការទាក់ទង ជាមួយ<br />ក្រុមហ៊ុនត្រូវបានបុគ្គលិក របស់ក្រុមហ៊ុនមួយនេះដោយមានបញ្ជាពីនាយកក្រុម ហ៊ុន<br /> ឈ្មោះ អួន សារ៉ាត់ អាយុ ៣០ឆ្នាំ ស្នាក់នៅផ្ទះលេខ ១៦ដេ ផ្លូវលេខ២៣០ សង្កាត់ទឹកល្អក់<br />ទី៣ ខណ្ឌទួលគោក ធ្វើ ឧបាយកលដោយ បញ្ជាក់លិខិតមានតម្លៃ ជាកាតព្វកិច្ចប្រមូល<br />ពីប្រជាពលរដ្ឋពី១០០ ដុល្លារ ទៅ១៥០ដុល្លារ ហើយសន្យាថា នឹង រត់ការផ្ដល់ឯកសារ <br />បានទៅធ្វើការនៅ ប្រទេសកូរ៉េ។ ពាក្យបណ្ដឹងបានបន្ដទៀតថា ការអំពាវនាវរបស់ ក្រុមហ៊ុន <br />តាមរយៈការ ឆបោកនេះ បានធ្វើឱ្យប្រជាពលរដ្ឋទូទាំងប្រទេស ដែលឃើញព័ត៌មាន មានការ<br /> យល់ច្រឡំ ហើយគិតថា ក្រុមហ៊ុនមួយនេះទទួលបានសិទ្ធិដូចគ្នា និងរាជរដ្ឋាភិបាលកម្ពុជា <br />ដែលបានចុះ អនុស្សារណៈ នៃការយោគយល់គ្នា រវាងក្រសួងការងារកម្ពុជា និងក្រសួង <br />ការងារ របស់ប្រទេសកូរ៉េ ។ ដូច្នេះសកម្ម ភាពខាងលើនេះ បានធ្វើឱ្យប៉ះពាល់ដល់ សណ្ដាប់<br />ធ្នាប់សាធារណៈ ជាពិសេសធ្វើឱ្យ ខូច ប្រយោជន៍ជាប្រាក់កាសដល់ប្រជាពល រដ្ឋស្លូតត្រង់ <br />ដែលជឿទៅលើឧបាយកលទុច្ចរិត របស់ក្រុមទាំងនេះ ហើយម្យ៉ាងវិញទៀត សកម្មភាពរបស់<br />ក្រុមហ៊ុនបង្កើតការយល់ច្រឡំ ក្នុងការបំពេញមុខងាររបស់រាជរដ្ឋា ភិបាល ដើម្បីបញ្ជូនពលករ<br />ទៅធ្វើការ នៅប្រទេសកូរ៉េដោយស្របច្បាប់ ។</p>
<p>បើយោងតាមពាក្យបណ្ដឹងខាងលើ ដែលប្ដឹងទៅតុលាការ បានបញ្ជាក់ទៀតថា កន្លងមកក្រសួង<br />ការងារ ក៏ ដូចជារដ្ឋាភិបាល នៃសាធារណរដ្ឋកូរ៉េ ពុំដែលប្រគល់សិទ្ធិឱ្យ ក្រុមហ៊ុន អង្គការ <br />ឬសហគ្រាសណាមួយធ្វើ ជាភ្នាក់ងារដោយយកកម្រៃខុសច្បាប់ក្នុងការសម្របសម្រួល តាម<br />គ្រប់រូបផាពឱ្យបញ្ជូនពលករ ទៅប្រទេសកូរ៉េឡើយ ។ការទទួលបានការងារពីប្រទេសកូរ៉េគឺ<br />ផ្ដួចផ្ដើមឡើង ដោយប្រមុខនៃរាជរដ្ឋាភិបាលកម្ពុជា និងប្រមុខរដ្ឋាភិបាល នៃសាធារណរដ្ឋកូរ៉េ<br /> ហើយជាលក្ខខណ្ឌជំនួយសុទ្ធសាធ ដែលប្រទេសទាំងពីរ បានចុះអនុស្សារណៈជាមួយគ្នា ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0647.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0648.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0649.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0650.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0651.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>