<p><span style="color: #000000;"><strong>ភ្នំពេញ៖</strong> រថយន្ដលុច្សស៊ីស ១គ្រឿង រងការខូចខាតផ្នែកចំហៀងខាងស្ដាំ ដោយសារតែរថយន្ដតាក់ស៊ីឆយ ១គ្រឿង បុកពេញទំហឹង នៅត្រង់ចំណុចផ្លូវកែង។ ហេតុការណ៍គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោង ០១នឹង១៥នាទីយប់ ឈានចូលថ្ងៃទី២០ ខែមេសា ឆ្នាំ២០១៥ តាមបណ្ដោយផ្លូវលេខ ១០៨ កែងនឹងផ្លូវលេខ ៥១ ស្ថិតក្នុងសង្កាត់វត្តភ្នំ ខណ្ឌដូនពេញ។</span></p>
<p><span style="color: #000000;">ប្រភពព័ត៌មានពីសាក្សី នៅនឹងកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្ដ ១គ្រឿង ម៉ាកលុច្សស៊ីស ពណ៌ស ពាក់ស្លាកលេខ ភ្នំពេញ 2Z-7543 បើកបរដោយជនជាតិកូរ៉េម្នាក់ ធ្វើដំណើរ តាមបណ្តោយផ្លូវលេខ៥១ ក្នុងទិសដៅពីជើងទៅត្បូង ខណៈមកដល់ ចំណុចកើតហេតុ ស្រាប់តែមាន រថយន្តតាក់ស៊ីឆយ ពាក់ស្លាកលេខ ភ្នំពេញ 2M-5126 ធ្វើដំណើរតាមបណ្តោយផ្លូវលេខ១០៨ ក្នុងទិសដៅ ពីលិចទៅកើត បានជ្រុលបុកគ្នាពេញទំហឹង បណ្តាលឲ្យរងការខូចខាតទាំងសងខាង តែមិនមានរងរបួស ដល់មនុស្សនោះទេ។</span></p>
<p><span style="color: #000000;">ក្រោយពេលកើតហេតុ សមត្ថកិច្ចមូលដ្ឋាន បានចុះមកដល់ចំណុចកើតហេតុ និងបានសហការជាមួយ ជំនាញ ធ្វើការវាស់វែងយកទៅរក្សាទុក នៅការិយាល័យចរាចរណ៍ជើងគោក ដើម្បីរង់ចាំដោះស្រាយនៅ ពេលក្រោយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/20/4-20-2015-2-51-07-pm-20-04-2015--15-03-02.png"><span style="color: #000000;"><img src="/FileManager/Articles/mce/2015/4/20/4-20-2015-2-51-07-pm-20-04-2015--15-03-02.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/4/20/4-20-2015-2-51-19-pm-20-04-2015--15-03-16.png"><span style="color: #000000;"><img src="/FileManager/Articles/mce/2015/4/20/4-20-2015-2-51-19-pm-20-04-2015--15-03-16.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>