<p>ព័ត៌មានអន្តរជាតិ ៖ ទ្ធម្ភាគចក្រយោធា មួយគ្រឿង បានធ្លាក់នៅភាគខាងលិច នៃរដ្ឋធានី ហាណូយ របស់ប្រទេសវៀតណាម កាលពីព្រឹកថ្ងៃចន្ទ ទី០៧ ខែកក្កដា ឆ្នាំ ២០១៤ នេះ ដោយ ការគេសង្ស័យ មនុស្ស ៧នាក់នៅលើនោះអាចនឹងស្លាប់ទាំងអស់។</p>
<p>យោងតាមការ សេចក្តីរាយការណ៍ពីសារព័ត៌មាន វៀតណាម ទៀនផុង បានឲ្យដឹងទៀតថា ឧទ្ធម្ភាគចក្រ បានធ្លាក់នៅវេលាម៉ោង ៧ និង ៤៥នាទីព្រឹក ម៉ោងនៅទីក្រុងហាណូយ ស្ថិតនៅ មូលដ្ឋានយោធា ហាវ ឡាក់ ក្នុងសង្កាត់ ថាច់ថាត។ មន្ត្រីប្រចាំតំបន់គឺលោក ង្វៀន ម៉ាញ់ហុង បាននិយាយ ថា ក្រុមសង្គ្រោះ គ្រប់ផ្នែកបានទៅដល់កន្លែងកើតហេតុហើយ ដើម្បីធ្វើការសង្គ្រោះ។</p>
<p><a class="thickbox" title="" href="/FileManager/Commons/2014/7/7/philippine-militaryjpgprotect1633944946crop658370c-07-07-2014--11-23-05.jpg"><img src="/FileManager/Articles/mce/2014/7/7/philippine-militaryjpgprotect1633944946crop658370c-07-07-2014--11-23-05.jpg" alt="" /></a></p>
<p><a class="thickbox" title="" href="/FileManager/Commons/2014/7/7/2182617f520-07-07-2014--11-23-43.jpg"><img src="/FileManager/Articles/mce/2014/7/7/2182617f520-07-07-2014--11-23-43.jpg" alt="" /></a><br /> បញ្ជាក់ ៖ ជារូបភាព ឯកសារ </p>
<p>ដោយឡែកលោក ភី ហ្គុកធួន មេបញ្ជាការយោធាវៀតណាមប្រចាំរដ្ឋធានី បានទូរស័ព្ទប្រាប់ អ្នករាយការណ៍ព័ត៌មាននានា កាលពីវេលាម៉ោង ៩ព្រឹកថ្ងៃចន្ទនេះថា គ្រោះថ្នាក់ បានកើតឡើងនៅពេលដែល យោធាកំពុងធ្វើលំហាក់ហ្វឹកហ្វឺន។</p>
<p>គួរបញ្ជាក់ថា មូលដ្ឋានយោធា ហាវ ឡាក់ ស្ថិតនៅភាគខាងលិចទីក្រុងហាណូយ គឺជាឃ្លាំង ស្តុកឧទ្ធម្ភាគចក្រប្រភេទ Mi ជារបស់កងកម្លាំងទ័ពអាកាសវៀណាម ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ និង ដើមអម្ពិល</p>