<p>កាលពីពេលថ្មីៗកន្លងទៅនេះ មានករណីគ្រោះថ្នាក់ចរាចរមួយ មានលក្ខណៈស្ទើរសើចស្ទើរយំ បាន កើតឡើងនៅក្នុង Suining ខេត្ត <span id="result_box" class="short_text" lang="en"><span class="hps">Sichuan</span></span> ប្រទេសចិន។ ដោយសារតែមានការបុកទង្គិចជាមួយនឹង រថយន្តមួយគ្រឿងផ្សេងទៀតនៅលើដងផ្លូវ បានធ្វើឲ្យរថយន្តដឹកទំនិញរបស់លោក Kong Huang (អាយុ ៣៥ឆ្នាំ) ស្ទើរតែខូចខាតផ្នែកខាងមុខទាំងស្រុង។ គ្រោះថ្នាក់នេះ ក៏បានធ្វើឲ្យ Kong Huang រង របួស និងជាប់គាំង នៅក្នុងកាបីនឡានផងដែរ។</p>
<p>បើទោះជាបានរងរបួសរាងធ្ងន់ធ្ងរគួរសមក្តី ប៉ុន្តែបុរសរូបនោះ មិនព្រមឲ្យកំលាំងក្រុមអ្នកជួយសង្គ្រោះ ជួយរូបគេចេញពីរថយន្តឡើយ។ ជំនួសឲ្យការដែលមិនព្រមឲ្យគេជួយ Kong Huang បានស្នើសុំជា បន្តបន្ទាប់ ដល់ក្រុមអ្នកជួយសង្គ្រោះ ហៅទូរស័ព្ទទៅប្រពន្ធគាត់ ដើម្បីឲ្យគាត់ បាននិយាយទូរស័ព្ទ ជាមួយប្រពន្ធរបស់ខ្លួន។</p>
<p style="text-align: center;"><a class="thickbox" title="" href="/FileManager/Commons/2014/4/26/535a0b0a20087censtucktrucker01-9337e-26-04-2014--16-39-41.jpg"><img src="/FileManager/Articles/mce/2014/4/26/535a0b0a20087censtucktrucker01-9337e-26-04-2014--16-39-41.jpg" alt="" /></a></p>
<p style="text-align: center;"><span style="font-style: italic; color: #808080;">Kong Huang មិនព្រមឲ្យក្រុមអ្នកជួយសង្គ្រោះ ជួយឡើយ</span></p>
<p>ដោយសារតែដឹងថា ជើងខាងឆ្វេងរបស់ខ្លួន រងរបួសធ្ងន់ ដែលអាចនឹងត្រូវកាត់ចេញ Kong Huang បាននិយាយជាមួយប្រពន្ធៈ "សំណព្វចិត្ត បងមានសំណួរមួយ ចង់ឲ្យអូនឆ្លើយដោយស្មោះពីចិត្ត។ បងត្រូវរបួស ហើយអាចត្រូវកាត់ចេញ ជើងម្ខាង។ ដូច្នេះសំណួររបស់បងគឺចង់សួរថា អូននឹងនៅតែ ស្រលាញ់បងទេ បីេទោះបីជាបងនៅសល់តែជើងម្ខាង?" ។</p>
<p>ដោយគ្រាន់តែបានឮប្រពន្ធ បានសន្យាថា នឹងស្រលាញ់ខ្លួន ជារៀងរហូត បើទោះបីជា មានរឿងអ្វី កើតឡើងក៏ដោយនោះ ទើប Kong Huang ប្រគល់ទូរស័ព្ទឲ្យទៅក្រុមអ្នកសង្គ្រោះវិញ និងយល់ព្រម ឲ្យគេជួយយករូបគាត់ចេញពីរថយន្ត។</p>
<p style="text-align: center;"><a class="thickbox" title="" href="/FileManager/Commons/2014/4/26/100269-9337e-26-04-2014--16-40-37.jpg"><img src="/FileManager/Articles/mce/2014/4/26/100269-9337e-26-04-2014--16-40-37.jpg" alt="" /></a></p>
<div style="text-align: center;"><span style="font-style: italic; color: #808080;">ក្រោយពេលបាននិយាយជាមួយប្រពន្ធហើយ Kong Huang ទើបព្រមសហការ<br /> ឲ្យក្រុមជួយសង្គ្រោះ ជួយគាត់</span></div>
<div style="text-align: center;"><span style="font-style: italic; color: #808080;"><br /></span></div>
<p>បន្ទាប់មក Kong Huang ត្រូវបានគេបញ្ជូនទៅកាន់មន្ទីរពេទ្យ។ ពិតជាសំណាស់ដែលរបួសនៅត្រង់ ជើងរបស់គាត់ មិនធ្ងន់ធ្ងររហូតដល់ត្រូវកាត់ចេញ។ គាត់គ្រាន់តែត្រូវទទួលនូវការព្យាបាល និងហាត់ ដើរមួយរយះពេលវិញ នោះជើងរបស់គាត់នឹងធម្មតាឡើងវិញមិនខាន។</p>
<p>នៅលើគ្រែពេទ្យ Kong Huang បាននិយាយថាៈ "ខ្ញុំសំណាងណាស់។ ខ្ញុំទទួលបានក្តីស្រលាញ់ដោយ គ្មានលក្ខខណ្ឌ ពីប្រពន្ធរបស់ខ្លួន ហើយខ្ញុំពិតជាសំណាង ដែលអាចជាសះស្បើយ វិលត្រលប់ ទៅរស់ នៅជាមួយរូបគាត់វិញ។ ជាក់ស្តែង ខ្ញុំពិតជាសំណាងមែនទែន"៕</p>
<div style="text-align: center;"></div>
<p style="text-align: right;">ប្រែសម្រួល៖ សិលា<br />ប្រភព៖ kenh14</p>