<p><span style="color: #000000;"><strong>ភ្នំពេញ៖</strong> នៅវេលាម៉ោង ៨ និង៣០នាទីព្រឹកថ្ងៃសុក្រ ទី១៤ ខែវិច្ឆិកា ឆ្នាំ២០១៤នេះ អគ្គិភ័យបានឆាបឆេះផ្ទះអ្នកលក់ ក្រណាត់តាមបណ្តោយផ្លូវ១២៥ ស្ថិតក្នុងសង្កាត់បឹងព្រលិត ខណ្ឌ៧មករា (ម្តុំផ្លូវភ្លោះអូរឫស្សី )។</span></p>
<p><span style="color: #000000;">យោងតាមសេចក្តីរាយការណ៍ភ្លាមៗពីកន្លែងកើតហេតុ បានឲ្យដឹងថា អគ្គិភ័យនេះ ផ្តើមចេញពីការផ្ទុះកំប៉ុងហ្គាស។ ហើយផ្ទះ ដែលរងការឆាបឆេះជាផ្ទះជាន់ទី១ ដែលមានផ្ទុកទៅដោយដុំក្រណាត់។</span></p>
<p><span style="color: #000000;">រហូតដល់ម៉ោង ៨ និង៥១នាទីថ្ងៃដដែលនេះ កម្លាំងសមត្ថកិច្ច និងអាជ្ញាធរ ព្រមទាំងកងកម្លាំងពន្លត់អគ្គិភ័យកំពុង ជួយអន្តរាគមន៍ និងបាញ់ទឹកពន្លត់។ សេចក្តីរាយការណ៍បន្តថា រថយន្តពន្លត់អគ្គិភ័យបានទៅដល់កន្លែងកើតហេតុ ចំនួន ៣គ្រឿង.</span></p>
<p><span style="color: #000000;">រហូតមកដល់វេលាម៉ោង ៩ និង៣៩នាទី ពោលក្រោយការឆាបឆេះរយៈពេលជាង ១ម៉ោងនេះ ភ្លើងមិនទាន់រលត់ទៅវិញនៅឡើយទេ តែការអន្តរាគមន៍នៅតែបន្ត ញាប់ដៃញាប់ជើងដដែល។ សេចក្តីរាយការណ៍បានបញ្ជាក់ថា រថយន្តពន្លត់អគ្គិភ័យជាច្រើនគ្រឿងបានទៅកាន់កន្លែងកើតហេតុ ហើយបាញ់ទឹកអស់ ២០រថយន្តផងដែរ។</span></p>
<p><span style="color: #000000;">ដោយសារតែកន្លែងឆាបឆេះមានផ្លូវតូចចង្អៀត និងនៅខ្ពស់ ពីបាកក្នុងការបាញ់ពន្លត់នោះ នៅពេលនេះ រថយន្តពន្លត់អគ្គិភ័យមកពីកងពលអន្តរាគមន៍ង៧០ បានបញ្ចេញរថយន្ត ដែលមានជណ្តើរវែង បានចេញមកជួយអន្តរាគមន៍ផងដែរ។</span></p>
<p><span style="color: #000000;">សេចក្តីរាយការណ៍បន្តថា អគ្គិភ័យបានឆេះរាលដាលទៅផ្ទះ ដែលក្បែរនោះផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/14/st-021-14-11-2014--09-55-06.jpg"><img src="/FileManager/Articles/mce/2014/11/14/st-021-14-11-2014--09-55-06.jpg" alt="" /></a></span></p>
<p><a class="thickbox" title="" href="/FileManager/Commons/2014/11/14/51-14-11-2014--09-55-15.jpg"><img src="/FileManager/Articles/mce/2014/11/14/51-14-11-2014--09-55-15.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/11/14/st-021-14-11-2014--09-55-06.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>