<p>ភ្នំពេញៈ តារាសម្តែងរូបសង្ហា ធ្លាប់ពើបប្រទះ រឿងរ៉ាវស្នេហា ជាមួយតារាសម្តែងស្រី កញ្ញា ព្រះ<br />កាយច័ន្ទ គឺ លោក ឡុង ប៊ុនហេង ពេលនេះកំពុងតែ មានគម្រោងក្នុង ការរៀបចំពិធី ខួបកំណើត<br />របស់លោក ក្នុងពេលឆាប់ៗខាងមុខនេះ ។ លោក បានបង្ហើបប្រាប់ឲ្យ ដឹងថា ការរៀបចំកម្មវិធី<br />ជប់លៀង ជួបជុំជាមួយមិត្តភក្តិ ក្នុងថ្ងៃខួបកំណើត គឺមានអ្នកចាំជួយ ឧបត្ថម្ភថវិកាឲ្យ ធ្វើជារៀង<br />រាល់ឆ្នាំ។<br /><br />បុរសសង្ហាសម្បូរស្នេហ៍ លោក ឡុង ប៊ុនហេង បានប្រាប់ LookingTODAY ឲ្យដឹងថ្ងៃទី២០ ខែកញ្ញា<br /> ឆ្នាំ២០១៣នេះថា ការងាររបស់លោក ក្នុងវិស័យសិល្បៈ មានការមមាញឹក ជាមួយការដើរម៉ូដច្រើន<br /> ហើយក្រៅពីការងារសិល្បៈ លោកក៏កំពុងតែ ញាប់ដៃញាប់ជើង រកកន្លែងរៀបចំកម្មវិធីជប់លៀង <br />កម្មវិធីខួបកំណើត ដែលនៅសល់ពេល ៣-៤ថ្ងៃខាងមុខនេះ ។</p>
<p>តារាសម្តែង និងជាតារាបង្ហាញម៉ូដ ប្រចាំក្រុម Pop Model រូបនេះ បានប្រាប់ឲ្យដឹងថា ពេលនេះ<br />លោកកំពុងតែ ត្រៀមរៀបចំពិធីខួបកំណើត នៅថ្ងៃទី២៤ ខែកញ្ញាខាងមុខនេះ ដោយត្រៀមចំ<br />ណាយ លុយ៣-៤ ពាន់ដុល្លារ អញ្ជើញភ្ញៀវតែ ១០តុប៉ុណ្ណោះ ។ប៉ុន្តែនៅមិនទាន់រើស កន្លែងបាន<br />នៅឡើយទេ ព្រោះថាកំពុងតែ សម្រេចចិត្ត ត្រូវជ្រើសរើសរៀប ចំហាងណាមួយច្បាស់ទេ ។</p>
<p>តារាសម្តែងវ័យ២៤ឆ្នាំរូបនេះ បានប្រាប់ឲ្យដឹងថា “ សម្រាប់ការចំណាយ លុយរៀបចំ ក្នុងពិធីខួប<br />កំណើតនេះ គឺបងស្រីរបស់ខ្ញុំ នៅក្រៅប្រទេស ជាអ្នកចេញលុយឲ្យខ្ញុំ ហើយខ្ញុំសារភាពថា ការរៀប<br />ចំកម្មវិធីនេះឡើង គឺមានបងស្រី ជាអ្នកឧបត្ថម្ភ មិនមានមនុស្ស ស្រីសម្បូរទ្រព្យណា ចិញ្ចឹមចេញ<br />លុយ ឲ្យខ្ញុំរាប់ពាន់ដុល្លារ រៀបចំពិធីខួបកំណើតទេ គឺមានតែបងស្រីបណ្តូល ចិត្តខ្ញុំម្នាក់ប៉ុណ្ណោះ <br />ចេញលុយឲ្យខ្ញុំ។ នេះជាឆ្នាំទី២ហើយ ដែលខ្ញុំរៀបចំកម្មវិធី ខួបជាលក្ខណៈទ្រង់ទ្រាយធំបែបនេះ” ។</p>
<p>លោក ឡុង ប៊ុនហេង ក៏បានបង្ហើបប្រាប់ពីការងារ ក្នុងសិល្បៈ របស់លោក ថា បច្ចុប្បន្នសន្ទុះទីផ្សារ<br /> ការងាររបស់លោក ហាក់មានការកើនឡើងខ្ពស់ ការដើរម៉ូដ ក៏មានការមមាញឹកច្រើន ហើយមាន<br />ខាង ផលិតកម្មទាក់ទង ហៅថតរឿងបន្តកន្ទុយ ចប់មួយបន្តមួយមិនដាច់ បើសិនជាប្រៀបធៀប <br />កាលពីឆ្នាំមុន គឺការងារមានភាពរីកចម្រើន ជាងមុនឆ្ងាយណាស់៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0803.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0804.jpg" alt="" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>