<div class="article-content">
<p><strong>តាកែវៈ</strong> បើទោះជា កើតមកជាមនុស្ស ដូចគេឯងក៏ពិតមែន តែកុមារាម្នាក់នេះ មានរូបរាង្គចម្លែក <br />ជាពិសេសនោះ គឺក្បាលតូចចម្លែក ខុសពីមនុស្សម្នាធម្មតា ដែលអ្នកស្រុកភូមិ តែងតែឲ្យឈ្មោះ<br />ថា ជាត្រកូល ស៊ុន គឺជា ស៊ុន អ៊ូខុង មកចាប់កំណើត នៅប្រទេសខ្មែរ បន្ទាប់ពីជូនលោកគ្រូថាំង<br />ចេង ទៅចម្លងធម៌រួចរាល់ហើយ ។</p>
<p>បុរស ប្រាក់ មឿន រស់នៅភូមិតាសៃ ឃុំដូងខ្ពស់ ស្រុកបុរីជលសា និងជាឪពុក របស់កុមារា ម៉ន<br /> បុណ្យ ដែលមាន ក្បាលតូចចម្លែម ដូចជាសត្វស្វា បានរៀបរាប់ប្រាប់ថា កាលពីកំណើតកូនគាត់<br />នេះ គឺរូបគាត់យល់សប្ដិ ឃើញ មានកុមារាម្នាក់ មកសុំគាត់ រស់នៅជាមួយក្នុងក្រុមគ្រួសារ របស់<br />គាត់ តែរូបគាត់បានប្រកែកថា ក្មួយឯងកុំមករស់ នៅជាមួយនឹងក្រុមគ្រួសារ របស់ពូអីព្រោះថា ក្នុង<br />ក្រុមគ្រួសាពូក្រីក្រណាស់ តែកុមារនោះ មិនយល់ព្រម បែរជា ឆ្លើយតបថា ទោះជាក្រយ៉ាងណា ក៏<br />សុខចិត្តរួមសុខ រួមទុក្ខជាមួយដែរ អ្វីដែលចម្លែកជាងនេះ គឺនៅថ្ងែដែលកូន គាត់នេះកើតមក រូប<br />គាត់ផ្ទាល់មានឃើញព្រះច័ន្ទរះ រហូតដល់ទៅពីរលើមេឃតែមួយ ។</p>
<p>រីឯស្រ្ដី សោ ណាក់ ជាប្រពន្ធរបស់លោក ប្រាក់ មឿន និងត្រូវជាម្ដាយ របស់កុមារា ម៉ន បុណ្យ ក៏<br />បានឲ្យដឹង បន្ថែម ទាក់ទងទៅនឹងកូនរបស់គាត់ដែរថា នៅពេលដែលកូនរបស់គាត់ កើតមកភ្លាម <br />គឺមានក្បាលតូច ប៉ុនផ្លែ ក្រសាំង (ប៉ុនមួយក្បាប់ដៃ) និងមានទម្ងន់ ១គីឡូក្រាមប៉ុណ្ណោះ ។ តែទោះ<br />ជាយ៉ាងណាក៏ដោយ រូបគាត់រឹតតែ ផ្ដល់នូវសេចក្ដីស្រលាញ់ ចំពោះកូនម្នាក់នេះច្រើន ជាងកូន<br />ផ្សេងៗ ឯទៀត ព្រោះថា កូននេះអភ័ព្វទៅហើយ ដែលមានក្បាលតូចចម្លែក បើសិនជារូបគាត់ <br />បោះបង់ចោលទៅទៀតនោះ គឺរឹតតែអភ័ព្វទៅទៀតហើយ ម្យ៉ាងទៀត កូនរបស់គាត់នេះ តាំងពី<br />កើតមកកាលណា មិនសូវជាមានជំងឺអ្វីធ្ងន់ធ្ងរ ផ្ដល់ផលលំបាក ដល់រូប គាត់នោះដែរ ។</p>
<p>ចំពោះអ្នកស្រុកភូមិជិតខាង ក៏បានឲ្យ ដឹងបន្ថែមទៀតថា ពួកគាត់មិនដែលឃើញក្មេង ដែលកើត<br />មក មានក្បាល តូចចម្លែកបែបនេះនោះទេ ព្រមទាំងអាចរស់រៀន មានជីវិតបានទៀតផង អ្វីដែល<br />បណ្ដាយឲ្យពួកគាត់ ដាក់ឈ្មោះ កូននេះថា ជាស៊ុនអ៊ូខុងនោះ គឺដោយសារតែមានក្បាលតូចចម្លែក<br /> រួមទាំងអត្តចរិត រពិលរប៉ូច ដូចជាសត្វស្វា ដែលនៅមិនចេះស្ងៀមមួយកន្លែងនោះទេ ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0246.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0247.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>