<div class="article-content">
<p><strong>ភ្នំពេញ ៖</strong> ក្មេងស្ទាវ ប្រចាំភូមិម្នាក់ដែល ធ្លាប់ត្រូវបានចៅក្រម អមសាលាដំបូង រាជ ធានីភ្នំពេញ<br /> ចេញដីកាតាមចាប់ខ្លួនពាក់ព័ន្ធ ពីបទ ប្រើអំពើហិង្សាលើអ្នកដទៃនោះ ជាថ្មី ម្ដងទៀត បានប្រើអំ<br />ពើហិង្សា លើយុវជន ម្នាក់ ពេលកំពុងអង្គុយក្បែរផ្ទះដោយជន បង្ករូបនេះ បើកម៉ូតូមកតែម្នាក់ឯង<br /> ហើយ ដេញវាយ និងយកបបរក្ដៅទៅជះទៀត ផង ប៉ុន្ដែ សំណាងល្អត្រូវបានជនរងគ្រោះ គេច<br />ទាន់ សំណាងអាក្រក់កើតលើក្មេង ប្រុសម្នាក់ អាយុ១៥ឆ្នាំ រលាកលើច្រមុះ ដោយសារតែត្រូវបបរ<br />ក្ដៅនេះ ។</p>
<p>ហេតុការណ៍ ដេញវាយគ្នាបែបអនាធិប តេយ្យនេះ បានបង្កឱ្យមានការភ្ញាក់ផ្អើល ដល់ប្រជាពលរដ្ឋ<br /> នៅចំណុចច្រកធ្យូងបឹង សាឡាង សង្កាត់បឹងសាឡាង ខណ្ឌទួល គោក កាលពីវេលាម៉ោង ៣ និង<br />៤០នាទី រសៀលថ្ងៃទី១១ ខែកញ្ញា ឆ្នាំ២០១៣នេះ។</p>
<p>លោក ឌី ដែលអះអាងថា ជាបងថ្លៃជន រងគ្រោះមានឈ្មោះ កៅ សុថារិទ្ធ អាយុ ជាង ២០ឆ្នាំ បាន<br />និយាយថា ជនបង្កដែល មកវាយប្អូនប្រុសរបស់ខ្លួន ដល់មុខផ្ទះនេះ មានឈ្មោះ អាបី ដោយសារ<br />តែរូបគេជា កូនភ្លោះ ៣នាក់ និងជាកូនពៅ អាយុជាង ២០ឆ្នាំ មុខរបរ មិនពិតប្រាកដ ។</p>
<p>លោក ឌី បាននិយាយថា មុនពេលកើត ហេតុ ជនបង្ករូបនេះបានបើកម៉ូតូម៉ាក អាយខុន ពណ៌ស <br />ពាក់ស្លាកលេខ ភ្នំពេញ 1AH-3484 តែម្នាក់ឯងមកវាយប្អូនប្រុស របស់លោក ដែលកំពុងអង្គុយលេង<br />មុខផ្ទះ ប៉ុន្ដែ ភ្លាមៗនោះត្រូវបានសាច់ញាតិ និង ប្រជាពលរដ្ឋក្បែរខាង ជួយអន្ដរាគមន៍ និង ដេញចាប់<br />ទើបរូបគេបានផ្ដួលម៉ូតូរត់គេច ខ្លួនបាត់ទៅ ។ ប៉ុន្ដែ ជនបង្ករូបនេះក៏បាន ទូរស័ព្ទមកគំរាមថា បើសិន<br />ហ៊ានយកម៉ូតូ ទៅឱ្យសមត្ថកិច្ចនោះ រូបនេះនឹងធ្វើឱ្យ គ្រួសាររបស់លោកទាំងមូល នៅមិនបាន សុខ<br />នោះឡើយ ។ ចំពោះមូលហេតុដែល នាំឱ្យមានអំពើហិង្សាខាងលើនេះកើតឡើង មិនទាន់ត្រូវបាន<br />បញ្ជាក់ឱ្យច្បាស់លាស់ពីសាច់ញាតិជនរងគ្រោះនោះទេ ដោយអះ អាងថា មិនដឹងមកពីមូលហេតុអ្វី<br />ដែរ ។</p>
<p>យ៉ាងណាក៏ដោយម៉ូតូរបស់ជនបង្ករូបនេះ ត្រូវបានសមត្ថកិច្ចយកទៅរក្សាទុក ដើម្បីចាត់ការបន្ដទៀត។<br /> ប្រជាពលរដ្ឋនៅ សង្កាត់បឹងសាឡាងមួយចំនួន បានឱ្យដឹងថា ជនបង្កដែលគេហៅថា អាបី នេះ តែង<br />តែ បង្ករឿង និងបង្កអំពើហិង្សាលើអ្នកដទៃជា ច្រើនដង ហើយកន្លងទៅបក្ខពួករបស់គេ ត្រូវបានសមត្ថ<br />កិច្ចចាប់ខ្លួនចំនួន ២នាក់ បញ្ជូនទៅតុលាការ និងដាក់ពន្ធនាគារ ហើយជនបង្កខាងលើ ក៏មានដីកាតាម<br />ចាប់ ខ្លួនផងដែរ ៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0052.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0053.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>