<p><strong>-ជនរងគ្រោះដែលស្លាប់ ជាកូនប្រុស រដ្ឋលេខាធិការក្រសួងដែន លោក លឹម វ័ន<br /></strong></p>
<p><strong>ភ្នំពេញ៖</strong> កូនប្រុសរបស់លោកលឹម វ័ន្ត រដ្ឋលេខាធិការ ក្រសួងរៀបចំដែនដី នគរូបនីយ៍កម្ម<br />និងសំណង់ បានស្លាប់ ដោយគាបជាប់ក្នុង រថយន្ត ព្រមទាំងរងរបួស ធ្ងន់ស្រាល មនុស្ស៩<br />នាក់ ទៀត ក្នុងគ្រោះថ្នាក់ចរាចរ បង្កឡើង ដោយ រថយន្តកុងតឺន័រ បុកគ្នាជាមួយរថយន្ត <br />ឡិចស៊ីស៣៣០ និងរ៉ឺម៉កម៉ូតូ នៅលើកំណាត់ផ្លូវជាតិលេខ១ ក្នុងភូមិ ជ្រោយអំពិល សង្កាត់<br />ក្បាលកោះ ខណ្ឌមានជ័យ កាលពីវេលាម៉ោង២៤ និង៥០នាទី រំលងអាធ្រាត្រ ឈាន ចូល<br />ថ្ងៃទី១៩ ខែមីនា ឆ្នាំ២០១៣ ។</p>
<p>តាមប្រភពពព័ត៌មាននៅ កន្លែងកើតហេតុ បណ្តាលឲ្យមនុស្សស្លាប់ និង របួសយ៉ាង រដូក<br />រណែល នេះ បាន និយាយថា នៅមុនពេលកើតហេតុ រថយន្តម៉ាកឡិចស៊ីស RX300 ពាក់<br />ស្លាកលេខ ភ្នំពេញ 2S-9599 បើកបរ ដោយបុរសម្នាក់ស្លាប់បាត់បង់ជីវិត ក្នុងរថយន្តរបស់<br />ខ្លួន ឈ្មោះ លឹម វ៉ាន់ឌី អាយុ ៣១ឆ្នាំ មានទីលំនៅភូមិ យកបាត្រ ឃុំយកបាត្រ សង្កាត់<br />ក្បាលកោះ បានធ្វើដំណើរតាមបណ្តោយ ផ្លូវជាតិលេខ១ ក្នុងទិសដៅពីលិចទៅ កើត បាន<br />បុកគ្នាជាមួយ រថយន្តកុងតឺន័រ ពណ៌ស ពាក់ស្លាកលេខ ភ្នំពេញ 3A-7675 ដែលបើកបរ<br />បញ្ច្រាស ទិសគ្នាពីកើតទៅលិច បណ្តាលឲ្យរថយន្តឡិចស៊ីស ខ្ទេច រួញគាប ជាប់អ្នកបើក<br />បររថយន្ត ស្លាប់យ៉ាងអាណោច អាធ័មបំផុត ក្នុងរថយន្ត។</p>
<p>លោកទិត្យ ចំរើន ប្រធានផ្នែកនគរបាល សណ្តាប់ធ្នាប់ និង ចរាចរខណ្ឌមានជ័យ បានឲ្យ<br />ដឹងថា ហេតុការណ៍នេះ កើតឡើងដោយសារថយន្ត ឡិចស៊ីសRX330 បើកបរក្នុងទិសដៅ <br />ពីលិចទៅកើត ធ្វើដំណើរពីឆ្ពោះទៅលំនៅ ឋាន ជិតកន្លែងកើតហេតុ ហើយបានបុកជាមួយ<br />រ៉ឺម៉ក ម៉ូតូដឹកអ្នកដំណើរ ស្របទិសគ្នា ពីលិចទៅកើត បណ្តាលឲ្យ ក្រឡាប់រ៉ឺម៉ក រងរបួស<br />មនុស្ស៩នាក់ ធ្ងន់២នាក់ ស្រាល៧នាក់ មានប្រុស មានស្រី។</p>
<p>សាក្សីបន្តទៀតថា ស្របពេលនោះដែរ ក៏មានរថយន្តកុងតឺន័រ របស់ក្រុមហ៊ុនផែស្ងួតសុកន <br />ដែលបើកបរ ក្នុងទិសដៅពីកើតទៅលិច បញ្ច្រាសទិសគ្នាជាមួយរថយន្តឡិចស៊ីស RX330<br /> បានជ្រុលល្បឿនបុកគ្នា ជាមួយ រថយន្តឡិចស៊ីស ចំពីមុខពេញទំហឹង បណ្តាលឲ្យរថយន្ត<br />ឡិចស៊ីស រងនូវការខូចខាតយ៉ាងដំណំ រួចហើយ គាបអ្នក បើកបរស្លាប់ក្នុងរថយន្ត។</p>
<p>នគរបាលចរាចរខណ្ឌ បានចុះអន្តរាគមន៍វាស់វែង យករថយន្តបង្កទាំងពីរ គ្រឿងទៅរក្សា<br />ទុកនៅការិយាល័យ នគរបាលចរាចររាជធានី ដើម្បីចាត់ការតាមច្បាប់។ ចំណែក ឯសព<br />កូនប្រុស លោករដ្ឋលេខាធិការ ក្រសួងរៀប ចំដែនដី នគរូបនីយ៍កម្ម និង សំណង់ ត្រូវក្រុមគ្រួសារលើកយកទៅតំកល់ធ្វើបុណ្យតាមប្រពៃណីនៅវត្តចម្ប៉ា ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0353.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0348.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0354.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0355.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-034.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0351.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0352.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>