<p>ស្ទើរតែមិនគួរអោយជឿ ៖ ឆ្នេរសមុទ្រជាច្រើនកន្លែង នៅក្នុងរដ្ឋ Alabama សហរដ្ឋអាមេរិក កាលពី ថ្ងៃច័ន្ទកន្លងទៅនេះ ប្រឈមនឹងការបិទជាបណ្តោះអាសន្ន ក៏ព្រោះតែមានការលុកលុយពីសំណាក់ ហ្វូងត្រីឆ្លាម ដ៏ច្រើនលើសលប់ នេះបើយោងតាមការដកស្រង់ អត្ថបទផ្សាយ ពីគេហទំព័រសារព័ត៌ មានបរទេស ស្កាយញូវ ។</p>
<p><a class="thickbox" title="" href="/FileManager/Commons/2014/6/13/50-13-06-2014--14-07-22.jpg"><img src="/FileManager/Articles/mce/2014/6/13/50-13-06-2014--14-07-22.jpg" alt="" /></a></p>
<p>ដោយឡែក បេក្ខភាពវីដេអូ ខាង ក្រោម នេះ ដែលត្រូវបានថតជាប់ពីលើអាកាសនោះ សរបញ្ជាក់ យ៉ាងច្បាស់ៗ និងស្តែងៗ អោយឃើញថា ហ្វូងត្រីឆ្លាម បានផ្អើល មកហែលវាយលុកតំបន់ទឹករាក់ នៃតំបន់ឆ្នេរសហរដ្ឋអាមេរិក មួយកន្លែងនេះ ខណៈមានពេលមួយនោះ គេឃើញពួកវា បានហែល មកតំបន់ទឹករាក់ ទាល់តែមែនទែន សឹងតែកឿងជាប់ ទៅនឹងឆ្នេរ ខណៈព្រុយឆ្អឹងខ្នង របស់វាត្រូវ បានគេមើលអោយឃើញថា លេចចេញប៉ប្រះទឹក ។</p>
<p><a class="thickbox" title="" href="/FileManager/Commons/2014/6/13/51-13-06-2014--14-07-31.jpg"><img src="/FileManager/Articles/mce/2014/6/13/51-13-06-2014--14-07-31.jpg" alt="" /></a></p>
<p>យ៉ាងណាមិញ បើតាមការអោយដឹងពីលោក Melvin Shepard ជាទីប្រឹក្សា នាយកដ្ឋាន សុវត្ថិភាព ដែនសមុទ្រ អោយដឹងថា មូលហេតុដែលនាំអោយហ្វូងត្រីឆ្លាមទាំងនេះ មានវត្តមាន ដ៏ច្រើនលើស លប់នៅតំបន់ឆ្នេរ មួយនេះ ក៏ព្រោះតែ មានចំនួនដ៏ច្រើន នៃសាកសពត្រី នៅក្នុងទឹក អំឡុងពេល នៃការមកដល់ រដូវកាល តាមប្រមាញ់ ។</p>
<p>គួររំឭកថា អាជ្ញាធរ ក្នុងតំបន់ ក៏បានដាក់នូវបណ្តាស្លាកសញ្ញា អោយដឹងពី អាសន្មមួយនេះ ខណៈ បង្គាប់បញ្ជា អោយអ្នករាល់គ្នា នៅអោយឆ្ងាយពីផ្ទៃទឹក ហើយបើសិនណា មាននរណាម្នាក់ ហ៊ាន តែបំពាននោះ នឹងមានការផាកពិន័យ។ ពុំមានសេចក្តី រាយការណ៍ ថាមានជនណាម្នាក់ រងនូវការ វាយប្រហារនោះទេ។</p>
<p>ទូរទស្សន៍ក្នុងស្រុក ប៉ុស្តិ៍ WKRG News 5 រាយការណ៍អោយដឹងថា មានចំនួនត្រីឆ្លាម ច្រើនចន្លោះ ពី ១០០ ទៅ ១៥០ ក្បាលឯណោះ នៅឯតំបន់ឆ្នេរមួយនេះ អំឡុង ពេលនៃការថតខ្សែអាថ៍វីដេអូ ជាប់ តាមរយៈ ការហោះពីលើ ដោយប្រើឧទ្ធម្ភាគចក្រ ។ ចាប់តាំង ពីពេលនោះមក សេចក្តីរាយកា រណ៍អះអាងថា វត្តមាននៃចំនួនឆ្លាមខាងលើ បានបន្តធ្លាក់ចុះបន្តិចម្តងៗ ៕</p>
<p><object width="492" height="422" data="http://www.youtube.com/v/sZJbJR3aiRM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/sZJbJR3aiRM&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយញូវ</p>